Now let me break it down on how the metaphors are intricate I'm spittin oldschool and puttin vintage in to finish it the one to open up... start it off like genesis remember this endlessly effortless is how we step beyond our premises, flows of a methodist that make ya lose it confusin upon the stage like wizards performin illusions like a bad painter... I draw the wrong conclusions but most of the time i'm horrified when hearin what they're boostin on the radio, It doesn't make cents like a ugly prostitute ... I don't say this ironic, man, what wrong with you? I'm just statin the facts like an ‚honest' tabloid puttin a message into my raps when I craft noise bad boys bad boys, what you wanna do You aint doin shit to the Phatmark crew KUNG FU, rock in every city we run through spit any syllable gritty like biggie n pun do now who said you could grab the mic ruin the appetite of other hungry rappers who wanna come up n have a bite we raise it up a couple fahrenheit, the double barrel type of verbal shots, that will shock you and leave you paralyzed .. we got a reason to stomp you out of the paradise you're eating rotten fruit and you're confident bout the paradigm that rap... is just another gateway to financials you loose the real connection between bass, drum and a sample a lot of persons has a crate full of examples of how people didn't realize that fame aint worth the battle it's mistaken for a castle, a life filled with excitement but in real life, you end up in a cycle of confinement so fuck that.. we bust raps that go beyond that we're sickening with the flow, warmed up ready for combat show me any way how I can settle this contract I sign it with my blood, hip-hop will never fall back all that an more, rough to the raw, tough to the core stormram, bust through the door with medieval battle tactics, I'm at it causing upheaval Inside I'm peaceful whenever I drop the scratch needle on the wax, I relax... mind-state bohemian an openminded prototype controllin mics kameleon composing nightly requiems, the flow flips fluently fluctuous... rhythmical structures, i'm interrupting every form of verbal mutiny, me and my crew are bound in unity, it's beautiful, it's sort of a community of cratediggers, mc's n wallsprayers dj's... break dancers and beatmakers this is Hip-Hop, Phatmark, P to the H to the A T M A R K Collective, the name is Samoerai, I swing a metal blade and wield it like a knight, whenever the instrumental plays I elevate whenever music resonates the beat necessitates me to flip it at a numeric pace of 90 BPM, I need to get it straight so I can finally commence an let the people speculate upon the rhymes I reinvent, perpetuate the legacy of vinyl and cassettes they seem to underestimate in modern times, I try to show respect to ancient heavyweights and give my props to anyone I saw who ever blessed a stage ...don't judge me by my looks or any postulates but judge me on my actions n my musical accomplishments I'm real with it, music... a universal consulate for everyone to visit... exquisite, it's astonishing I'm proud to be a prominent occupant of a continent that still respects the art form as if it's a holy document Europe is locking shit down, and we're a part of it it's time to put new leaders up in this melodic parliament We need a verbal arsonist, spark n lit the argument that hiphop is alive, and love is at the heart of it unity n boomin beats, mix em up together add some rhymes to it n cut em up and end up with a treasure for ya mind, in time, you'll see that rap is clever capable of touching hearts, and producing amounts of pleasure there's definitely no better, not effected by the clock ...an everlasting movement that will never ever ever have a plot

Grote Vriendelijke Reuzen checken me creaties en Roahl dahlt of in me grotten der inspiroatie voe’t geheim te vien... tgras ist er groener dan in Wimbledon en dorom ek gin ofwosmiddel nodig voer up drift te komn de interiorisoatie van flow en schema’s zorgt dervoorn dat zo rauw is lik de kreet van e hyena Alfa, ol da kik ier zeggen is Omega ke me bordje schone gevaagd met e mentale vileda en ik zien kloar vo’t diner, voer der me tandn in te zettn lyrisch verpleeg ek deur verbandn te leggen an ligamenten an de fragmenten da me bezig oedn... me band sterkn met de regels in me boek van West-Vloandern toet Antwerpn tis fictief, barrières, barricoades, duzd verschilnde veugels zittn vastgekooid in e voiliere van facoades… mo chill.. want up de autostroade zien de zorgen snel weg ow up weg zie no kameroaden convergentie, we moeten connecteren met de menshn en vrede begun creëren in plekke van ze wenshn us loswikkelen van de protocols dien us begrenzen en zoender de zwembandjes in de stroom vant leven plenzen tis magisch, je snapt… etwa tragisch tmoment da je de ernst begunt te zien van iets hilarisch …dad tist leven…. en das is zalig mo geniet ervan... want misschien ist mor eenmalig

Rivieren kleuren zwort deur de weggesmeten kennis Humpty Dumpty et geliek gekregen, nie Alice de boomn groeien niemi toet an de hemel, ot de hemel weg is exhibitionisten doen up Facebook an publieke schennis Nu is de post-modern en zittn we met e mailsysteem kapers up de outlook komn ieder geheim te weten de boekenkast van Alexandrië is utgebrand en Luc de Vos is ze streken kwiet, wo zieme nu beland MIA… de sterren zien olange niemi zichtboar ….. niemand wacht er nog e lichtjoar e led-lamp kestboom, praktisch in e flits kloar wa dawe nie nodig en is nu quasi nateurlik en oenmisboar ken Biberkopf zen angst, de stad is nie me thusplek mo nergens ziek een uitweg, overol een utleg gegoten in e krantekopjargon, gebloazen woordn zoender ariadnedroad…. we lopen oast verloren in e doolhof, je sliet te rap je zool of peistn te weten wa t’eten mo dechte feiten borrelen verder in de doofpot wie komt er nog verhelderend vant school of, geloof nog in de wereld van vandage, we zien blind, bang en doof-stom stadsmensen moeten krupen deur de rookbom’n van otto-utloatgassen ze versmachten deur de ozon we moetn minderen met riedn want accordeonfiles fluten de lelijkste der symphonien nu ist er overol gelud, mo gin muziek niemi juste staaln veugels oenderboane nor e citytrip vlieg je mee? voe 50 euro ieder ist er smog genoeg te koop voer us te storten in de dieperik wie stot er stille bie da dat er morgen niemir is? radio Donna Tart de verborgen geschiedenis 68 studenten tope mo niemand ist er nog in stoat, voe de stoat te togen wa da liefde is de crisis is identiteitgerichte spam niemand twiefelt er nog, nin: Ik like, dus ik ben kerken mezelvn amper in de spegel kzie niemi die kerel die zoe wiln kampen met de regels ik like dus ik ben, azo word ek erkend, als e mens mo de meuren zien te dood ier in me appartement dus ik liken nie te vele, zolang dak nie bestoan zienk creërend en creërek wa dat anders zoe vergoan

ze noemn mien dokter letter omdak via strofes diagnoses stelln ik bluvn trouw an me muziek, ik doen ik nie an overspel de studio is lik e synagoge die dak openstelln voer iedereen die stoat voer etwad echt en die dad ook vertelt gin teddy rooseveldt, nope, teddy boombap old school west-vlamsche crew die de mood zet we verboazen je me sketches in de tracklist en bloazen jen omverre met de scratches ip de techniqs tjitsjfftji, je rap wel mo je zeg nix wieder doent vor echt en wen de kennis van de classics behendig met de raps lik een ervoaren durumdroaier junder shit is misschien ard, mo miene shit is nog wa taaier ze peizn dak gin stof mir en voer over na te denken mo kzien in-form-e, lik geïnformeerde franse menschn ik en liters inspiroatie, puur gedestilleerd geconserveerd in houten voaten voe de riekste concentroatie me metaforen overal verboden kzettn meer bars up blad dan een operante horecacontrole snachts worden raps gemakt en overdag geboren en dad is e vast proces, ik scheppen strofe achter strofe ziek, lik cholerasymptomen ken zovele vatjes worut dak kun tappen da geliek wukken woord der wel oois mag an geloven kmaakn similies van zaken woada nelft van ol de rappers ier nog noois a van kun dromen Kmaakn classic shit of toch idealiter mo gie meug no't schole gon met varkensgriep en je makte nog gin klassieker Ik zie zo progressief dak zest ol stilstoand, vorutgoan me teksten zien zo vet daj cellulitis kut der ut sloan Plastische chirurgen dringn an up liposucties want ze zien te vele vettigheden verscholen in me producties mo kloatn de koas nie van me stuten frettn want ik emmental oender controle, ken de boasis verder utgewerkt Kverandern de linguistiek lik Noam Chomski kgeevn mezelvn hele bloot alla full monty ... ok rappen kriegn je der gin spelde tussen want me metafoorn oeden steek lik e speldekussen Checkt oe da wieder topekomn lik e gevechtstroep We steun up elkander lik de ziedes van e rechthoek Nostalgisch, recht up us doel of lik penalties Wieder maakn classic tracks voer elk seizoen lik Vivaldi

worom schrievik rap? tis e vorm van therapie me leven schrievek nere wannet got enorme rap vorbie ieder seconde dak beschrief wordt omgevormd toet iets uniek e pronostiek van oe dat wos soms ziek een arrogante zak mo der volt niet an te verhelpn kschrievn paradoxale encomiums over mezelvn kzien der trots up, ol spannek soms de karre vo me peerd isset resultoat dak bekomn t’lange wachtn weerd mc wittgenstein nietn mi te zeggen, kdoen’t nie voe shine ieder rhyme dak schrijvn briengt voe mien ossan e nieuwe high ……. kzien nie die prototype typische lyrische teksteschriever metafysisch weggecijferd achter letters oedik olles in me teksteboek in orde kgon e tiende oois gebruken, de rest oedek verborgen e oaverechse rapper, ke gin vaste clan me fans mo kschrievn toen ook voe mezelvn nie voe jan en alleman an e kant is da gejank want ak gin toeschouwers zoen en toen zoek nie eens kun weten ofdak wel zo goed flown lik dak zeggn verwarrend, losse teksten plakken in mekoar zest kale menshen wrieven under handn in under oar okkik de micro massacreren, ol veranderd et decor ossan de zeste rol gespeeld en kzien belange nog nie kloar misschien moek nog wa wachten want verstand komt met de joaren, mo ken geweun een echte drang, ik metsen klanken an mekoar lik e retoricus, e melancholicus me raps lieken dubbel mo zien 1 geheel lik de ring van mobius kzien nie up zoek nor argumenten lik e logicus omdak idder geschiedenis schrieven lik e historicus kzien e kameleon, kverandern ok in andere omgevingn komn ke leren van de vlagen up te vangn gelik e regenton me leven stot in teken van me schrieverschap ik zupn olle dagen spraakwoater, ik en lyrics zat e revolutionaire hiphoper, e militant met teksten vant int westn toet lekkerbekken in Trinidad want volgens mie zien der vette rappers in ieder stad die leevn vo de hiphop en letters zetten up ieder blad ik zie gevat mo tis nie dak gearresteerd zien me teksten zie gevat omdak lyrisch geassereerd zien kmaakn contact met de beat en we versmelkn men artslag past em an ant ritme van de sample … we fuseren, we synchroniseren connecteren, transformeren met de muzikale sferen kloatn me inspireren deur geweune wa te improviseren af en toe wa stikken ut te pikken en ze te noteren Hip-Hop, me leven, me melodieuse reddingsboei kbluvn studeren, zodak bluvn in me teksten groeien kbluvn mo geven lik een echte weldoener kzien misschien geweun e speler, mor ik maaktn spel cooler de regels lappik zomor an me nieuwe winterbotten je meug peizn wien dat wilt, mo samoerai is nie te stoppen big up an iedereen voe vette raps en beats te droppen kent gevoel dawe tope gon 2015e rocken

Kzie niemi mee met de dagen up me kalender want de euren goan vorbie mo toch zettik gin stap verder …. iedere dag dak deurkrusen e niet betekent mo stapelt em rustig up bie de reste in me verleden tis omt even, gin beat met soul genoeg ku me kalmeern duzd samples, mo ginne et tgene dakkik oentberen ik voeln me leeg, de wereld is ze charmes plots verloren en gin enkel lettercombinoatie ku me doe verwoordn wat dat is, tis lik ofdatr e meur zit tussen ik en men omgeving, e kleine rumte die me verstikt ik voeln me slicht… omda me zelfvertrouwn olf sneuvelt me ziel fragiel gelik me zelfgevouwn kroanveugels mor up men intje klim ek up de berg der loutering der moet eerst besef van schuld zien, voe berouw te vien soms willik tjuste doen, mor eindig ek me foute dingn wien wilt er nog e mens gelik ik en als e vertrouweling kzitn in e diep dal, me weinig hoop up uplossing kzoe wiln e dag begin zoender tgedacht dat kut go zien met de gedachte dat er kans is voe geluk te vien mo das gebakken lucht, ik voeln me juste lik e vluchteling ant loopn voe mezelvn, verstoppn voe de spegel TIS DE WERELD, mo de zworte pot verwiet de ketel kzoe mo stoppen, nu rottik in me zetel doeke nix want ligt gevoel lik et toptje van e tepel, lik et koptje van e lepel gemakkelijk te bugen of te plooien Nu of Noois, gi volger van de regels me rede is utgeschakeld, e slaaf van men emoties mo de dopamine in men ersens komt in kleine dosis erosie, ik takeln verder of en imploderen tis misschien nie de moment voer ander mens t'inspireren mo toch, et ku men elpen ventileren wad dad up me lever ligt en dorom dakket toch proberen

eersteklas… gin twidehands verfstroken gekwast lik of dat van de meester was gin eendagsvliegen, mor e nachtegaal van pracht en praal die ze veren showt, even rauw lik ze vaste maal men eerste drift is animaal, e boom van e vint doa wordt olles ut de stam gehaald ollemaal adonis gewist, melkmeisjes zettik up e reke lik e stel feitjes, der is nood a wa zin vraaget Johannes, wie gelooft er nog in de stereotypen da kik portretteren, tzien kameleontechieken e klein percentage van de personages dak ontwikkeln is e persiflage in camouflage gewikkeld welkom up de zevendertigste etage van me droomgebouw … woa dak in olle stilte verder an me strofes bouwn ik doen’t nie juste voe t’applaus lik antoon de pauw kschrievn voe mezelvn voe d’imaginaire soloshow die speelt in me kop…. weinig geloofsgetrouw mo des te realistisch schrievik lyrisch met e dope flow mythes droaiek binnestebutn lik in ulysses men eigen hus zet ik up archaïsche ruines kzoekn nor e oengesminkte versie van e zelfbeeld iemand die nie juste mo de regels van e spel speelt woarheid, tekens van een echte openbaring tis ol goed zolange dak de letters an mekoar kriegn

Upt vlak van muziek ziek nog koppiger dan Cerberus ossan men eigen ding gedoan, ol wossik nie de slimsten thus ik lusteren nie no kutmuziek, mien krieg je der nie ingelust je zie men idder jazz bumpen in een oede vinteclub wie zorgt er ndag van vandage nog voe klankwoarde sommige rappers peizn just an under bankkoarte nim me nie kwalijk dak de zaken effkes ankoarte mo kzien e legende lik den utleg up e landkoarte me flows sniedn an 2 kanten lik e vlindermes lien’n steurik olle richtingn ut lik bie e spinneweb bie ieder goeie metafoor dak schrievn ek e binnepret … want ktoren boven olles ut gelik e minaret yo ... soms rap ik indirect, mo fack et ik geven je misschien wel e kado mor ik verpakken't ik werkn me soms ut de noad lik keizerlijke kleermakers mo toch ej upt ende van de rit ossa mo meer haters … ... mo das olene mo bevestiging, van goeie dingen en ergens oenderweg no zien, zo moet et zien ik rappn voe lichter te worn en nie voe de schien de inspiroatieput woarut dak putten is e gouden mien ik doe me ding met stijlfiguren en met similies je peist daj in e limo zit deur me klasse delivery e rapper met de gave, te bagatelliseren en tegelijkertijd te raken me verhaaln dien inspireren

me raps zien lik de stelling van Pythagoras upt eerste zicht e kwelling voer us nageslacht want de meeste kinders lopen weg van mathematica mor over 2000 joar wordt er nog ossan over nagedacht …. et type schildpad, dus nimmek noois et hazepad e priester van Diana die up zoek is nor e maretak met meer flair en feeling dan et gemiddelde damesblad sloak heel de wereld me verstomming lik een oude mayastad … men alias is kdoe-nie-an-gemompel me vettigheid vermenigvuldigt lik bie e karbonkel Ik pasn nergens bie, kzie lik de Lucifer van Vondel e streekgeboendn product just lik e Venetiaanse gondel nog doper dan e vormsel, ik doen die shit wilder ik pasen m’an an de omstandigheedn lik kwikzilver e twien die af en toe ze teksteboeken wit schildert ik pen'n ol zo lange dat de kafte van me schrift schilfert ….e alpha mannetje gewist mo nu e stik milder nu ziek liever strikt me me script, omdak die shit filtern …. geoard omdakke dichte bie de roots zittn kfrettn mic’s up en azo stil ek me boothkick ik variëren ieder 14 centimer me raps zie nog veelzijdiger dan e dodecaeder et betert me de dagen kriegn meer en meer de flow strak ot past past mor ot nie past toe passik der wel e mouw an

up e beat lik dezen kuk me gedacht kwiet de sample is quasi intergalactisch of kosmisch…. nu ist juste wachten up een eeste reactie van een mc, mor iedereen wit wien dat er em afkickt me bro, en nu nog just etwien die et de max vient en ziek ik donny ol een eeste comment kom van Maxime fantastisch… we bombarderen ier bombastisch Nie elitair geschoold mo wel anti-iconoclastisch in uz acties, de flow niet utgerokken mor elastisch …. ik ent nie utgedokterd in e fractie tis joaren van ervoaring en passie en discipline e vulle overgoave an de vakmanschapsprincipes up et ritme van de basssslien, en ik verdwien mo je kut up me rekenen met e blad en wa inkt …. ik zien integer lik Euclides ze teksten me kop nog vele leger dan van Pieter de Crem ze noem da zen… tist stoppn met t’bewegen van je denkvermogen tis e totoale meditoatie zoender rem tis zien… tis de zunne en ze schien de grotste geneugten ut de ollerkleinste dingn conform an me leer, en verpakt in e vorm principieel, us moreel kompas is e-norm dad is Boeshido, me code, tist schoonste verdiep van me gebouw, tis rauw tis kung fu me woorden up beats

ze snoeien in uze jobs, zen gin geld mir in de brandkast iedereen moet doen wa dat in t'plan past int leven moek wel werken ik zie gin fantast mo kzien liever werkloos dan dak moetn leven in e randstad gereserveerd en oenpersoonlijk in den anpak interimbureau’s en ook e job en zolang dat de plekken ingevuld raken got under gin zak an wien datter er die plekke vult zolang dat de kassa mo rinkelt en iedereen ze best doet int winkeln arwerkende menshn zien boerenkinkels in de oogn van rieke stinkers… grakt mor upjezelvn deur de winter, zoender teten voe jezevn of je kinders ....... de arme mens is utgebut en kleingesloan de middelen ofgepakt gewist voe veilig deur de zee te goan ze wiln onsterfelijkheid creeërn mor ol profiterend vorut goan stoa nie geliek an werkelijk floreern das ut de lucht gegrepen lik amerika die de kyotoregels ku negeren deur juste gin fuck te geven ik vroagn men of, wiene sust er zuk geweten da moe leven met de kennis van ol die corupte streken de macht is in andn van monetaire patriarchen dien de crisissen creeërn en der heimelijk om lachen misschien dat oois verandert mor ik weigeren te wachtn en kbesefn dawet theft in uze eigen anden moen pakken ... nie iedereen zit te wachtn up me conclusive mo tis tied, voer e resolute revolutie... nie iedereen zit te wachtn up me conclusie mo tis tied, vo tmoment ist nog overol stil mo tis wachten up de kritische massa vo dat de rest mee up schok wil mo der stoat etwuk up til me hoop is gevestigd in et deurzettingsvermogen van de wil de kleine massa leeft oender een impliciete dwang mor e gin besef want tmeeste int leven go ze gang ....das ook et plan, de tralies is verwijderd en de kamer vul me snufjes dorom voeln wus nie gevangn je wordt behandeld lik e ratte in e skinnerbox en zoender dajt beseft zit je vast achter e kinderslot te stoaren no je plasma en je digibox en niet verandert zolange de massa mo kredieten kopt kassa kassa, de liefde voe geld is de wortel vant kwoad, dus verliezen wet spel de gevolgn van dad ol wensen ze nie te verteln mor ol klap je der nie over, toch zien we ze wel dus tis tied, wieder moen verenigen en ossan bluvn goan voe je doel ookol wos je mo den enigsten de kinders leren van nie olles te geloven en de arme menshn af en toe van armoede beroven klappen met de doven, ol wost mo de intentie ollemale zittn wier in dezeste dimensie nimt afstand van begeertes en doe mir an pretentie mo helpt tope met de reste nor et zoeken van essentie

It's time for us to resurrect the microphone and kill it we keep pushing ourselves, because we like to know our limits how far that we can stretch them, apply the laws of physics see how far that I can bend them, when I’m writing quantum lyrics I’m enlarging my momentum, sharpen the spectrum my sentences are like kitanas, cause they’re cared to perfection I’m bringing food for thought, the crowd is starved like a peasant there’s hardly a message in rap, we’re far from the essence and nowadays it’s about marketing but like the American prison system, I tend to use my bars as a weapon to get rid of this empty minded garbage selling in stores you need to rest ashore my metaphors are ready for war my crew is standing next to me developing force we draw our energy from an identical source we try to shape a message into an intelligent form let people look in the eye of an intellectual storm and I’m just warning, don’t play wit us it’s dangerous, like when the devil’s tryna pass you angeldust but if you show respect, we’ll act upon it mutually we like to battle rap, but after that we’re seeking unity This scene is soon going to be a huge community so let’s build it together, it is better if we move in team we don’t invest in lunacy, it’s not debatable we invest in beautiful music that’s inspirational

van wansmakelijke escapades, neonletters, lichtreclames „beschaving bouwn” up parasitaire repertoire’s vergeten doodseskaders, en verdraaide reportages bluven in de maak zolange dat juste droait om percentages Bruto Nationaal Product van vernieling uze dagen zie geteld tijdens financiële meetings de banken zinken lager, kapiteins verloatnt ship mo der zien opvolgers genoeg in pavloviaanse kinderkamers mo lat noois zien daj benauwd ziet, mo bluft ossan beheerst de grotste angst van je tegenstander is daj em nie vreest zen e greep up uze vrije wil, machtige tentakels je begeerte zit te stoaren nor et prachtigste spektakel van de eeuw… iedereen et voeling met ze touchscreen zolange dan die fonkelde schermtjes tijdelijk geluk biedn mo lat je nie vangn, want der zit angst oender je scherm da verlamd en verdeeld oendert mom dat je beschermt Je ku gin pries plakkn up wa da kik doen, want kzien e vaste woarde afgevaardigd voer da spel te speeln toet an de latste koarte stopn stoa nie in me woordenboek, ik brandn toet da me vlam stopt geevn leven an lege letters en bloazn zandstofkorrels tope toet e kasteel, met goeden toorns akke me lot geweune gevolgd... toe wossik te vroeg geboorn mo ken langer bluvn pruttelen dan verwacht ...toet an de dag dat de wereld klaar wos voe mien oentvangst

Bin us thus krupt gelud ut de gootsteen, rap zit in me kleren en da krieg je der nie utgewosht, je meuget draaien of keren ik zien dynamiet, mo lat je nie verleiden deur gegoochel Al-fred ek al die explosiviteit ik bluvn Nobel je zie me nie stereo-typen in me monologen ol men teksten zien onpeilbaar lik e kapotte boge me rapstijl is revolutionair, telkens ok e track drop moek me fans stoppn, of ze gon betogen tegen ol die wacke rappers, ik zien opgetogen iedereen wil me inseinen, mo kzien op de hoogte kzien insane, tijdens battles bluvek onbewogen want ik spelen me junder voetn lik e volsche podologe Ik schrievn morsecode gin handdoek nodig voe je of te drogen, ik zien bijdehand lik e polsorloge de latte meugek lager leggen, nis toe nog te oge want de nelft van ol de rappers zittn vast in zombie mode ken gin writersblock, ik en ossan opties over nie scherp ut den oek mo krom ut e polygone fuck stress, rappen is mien portie cortisone dakke dagelijks gebruken voe te komn toet symbiose me teksten zien bevlogen, en ofgewerkt me vleugels ad rem, punchlines kloar lik Philip Geubels kzien et type nacht-merrie daj nie ku beteugelen je zoe bieka peizn dak e woordenboek en upgepeuzeld

ksloan de wereld ut zen assen en veranderen ze loopbaan wie maaknk etwa wies, ik kun amper up men hoofd stoan een spatje in een oceaan een rimpel upt woater, e wimper upt oog van een orkaan mo soit, want ok in de inkt krupen ziek oensterfelijk en wordt et meest irreële oois, oois werkelijk noois voltooid een open verhaal in de rooie gloed van de zomer schrievek horizon-taal Dus wa zoek nu doen? iezingwekkend kille oenderkoelde klappertandende rillende bars ut me pen schudden of e zwanezang presteren up men eendje, me rem drukken ok te ard van stapel lopen, men eigen… tsj tsjfoetsjoefoe stem cutten up de track voe’t effect zogezegd, zo gedoan, tsjfoetsjoefoe BoomBap is de bom… Ik verspreiden sterstof mo grafgravergewijs ziek botter dan e kerkhof … gin Aster Berkhof, mo veel geluk professor mien raps analyseren vergt e krachtige processor ik puzzelen met me woorden, ze vereisen Denksport zen meerdere lagen gelik e schilderije van Ensor ik lustern nie no angst, der is niet dat ier begrenst wordt oed je geest open en in olles vien je mentors … zet je sensors an en lat et zien lat et los, lat et kom, lat de wereld in je dringn

dat die beat van brecht nie gerocked wordt, da zoet e zoende zien dus zet ek ik me schriftelijk beklag om in e moendeling en tis nie danke hoopte up een echte overroempeling mo toch e poar drops van wa enkelingn en zoenderlingn ist nie logisch dak ik ergens verschieten? kbedoeln, tet lik 20 man of meer gestemd voe die beat mo dad ist leven, tis makkelijk liken vanut je zetel mo je digitale evenbeeld stoat nie in de spegel mor upt net, de echte spegel van e mensenleven is de sterrehemel, ol de reste regelt nix int echt tis nep, lik e rapper met een omgekeerde pen ze zien wack, mo toch zie ze nomekeje de man tis te gek, mo kzien ant ofwijken vant subject kwiln dat iedereen zoe rijmen up de track dak tevele hooi up me vork pakkn, da weiger ek te zeggn … mo soms ek te vele mandn voer eiers in te leggen ken juste leegte nodig voe me t’inspireren en e tikkeltje vertrouwen da me omgeving et begrepen dak gegrepen en omgeven zien, werkn an tevele diengn ant neemt mor ook ant geevn zien, ik sterven, mo tegelijkertijd ant leven zien... ksmelkn tope met me kladblok bepaalde stijln zien ossan in de mode lik e paspop vast an me bakermat, ik loochn noois men afkomst geworteld in de bodem ziek wa dat der boven afkomt tku mi gi moer scheeln oj gie peist dak wack zien of oj peist dank olene mor an old school rap zien kmaakn e statement, je voelt tenminst dak echt zien ik doent nie voe te faken, kdoent toe dan die fakers weg zien …. lat mie mo doen wa dak de max vien der zien weinig diengn die me doen voeln gelik e baslien tis pure absynth, en flessen is gin optie we hooken up me homies, de reste kent us toch nie tis teamwerk, en da gevoel van: daaamn, die beat kletst Hip-Hop kuj nie maken met e preset feeling, gin gevoorgeprogrammeerde cheapass sound, mo twa reals, die de menshn wa te biedn et kzien e kluzenoar, ol meer dan duzend joar ist alfabet ant wachtn up etwien diet snapt en die de kracht dervan derut ku loatn stroomn zodat no buten goat en uteraard gebruk e moar e deel van de capaciteit tis zuver woar kzien de letters gern en kwilln ze beschermn tegen type schriever die em der nie over wilt ontferm O me penne me blad rakt, rak ek in extoase en stroomt de adrenaline deur men oaders ken deurheen de vele joarn oenmetelijk veel ervoaringe vergoaderd je kut zien oj fftjes rustig deur me tekstenboeken bloaderd kzie nie zomo rapper mor e rasechte verteller kschreevnn heel me leven nere me de kracht van e propeller

Ok in een cypher stappen goj mor een-hoorn, noem me dus mo Pegasus me woorden zien gevleugeld, e lyrische emeritus met meer paardenkracht, dan’t leger van Genghis Khan of Bucephalus, me bars zien lik e shot tegen de tetanus … e venijnige prik 8mm film, et gevoel daj in e cinema zit ik rappen cinematografisch mo tis niemand die’t wit zest me tracks en de allure van e videoclip skillz druipen van men of, dad is nie te betwistn je wordt biena beter van geweune bie me te zitten et is besmettelijk, en an de flow is niemi te tippen de rekening is ol betaald, ik zien Billy the Kid de rapste schutter van et westn, kgebrukn gin losse flodders ol wandel ekik achterut gok ik nog ossa vodder .. ik zien ik ginne part-time rapper lik ol die losers kzien geboren voe te sterven up stage lik Tommy Cooper e samplefreak, komn mo checken in men atelier je zie me meer an me decks draaien dan e croupier verslaafd an die hip-hopshit toet dank et lood leggn vanuvoort kom ek ieder woordsoort blootleggn k’vermijden calamiteitn mien talent is ant oentkiemn, dorom wordt je in de watten geleid met ol die wacke rappers ek ik nix van affiniteit der is e specifiek rampenbeleid, voe zukke man ze zien amper bereid, under leven up te geven voe te produceren en voe te schroeven en up te treden ik zien anders… e regelrechte marteloar ik droppen zotte shit ol zie’k zo kesse lik e kandeloar ik bluvn goan, da type andoening is nie behandelboar ik doen een half effort en plotseling flow ek an acht beaufort beelden van e baby met ze rammeloar da moment dat de stier wint van de matador 2 menshen die mekoar begriepen via handgeboarn tleven is e zegen aj de klank ervoart Ik en punchlines geschreven zoender plattegrond of protocol mo langzaamaan oentwikkeld in de doenker lik e fotorol ik klappn met men handn gelik e dovetolk elke bar is e vuistregel, nog verlammender dan Rohypnol vele beats gekilled, et dodentol is niemi t’achteraaln, juste nog verhaaln ut me rovershol en bovenol, ik schrievn overol, me rap zit boordevol verschillende smaken lik een artisanale toverbol et overtollige, da schrap ek ut men arsenaal de grote boze wolf zet ze tanden in ieder straf verhaal ik overrompelen met de klank gelik e nachtegaal met tromgeroffel opgetrommeld wacht ek up et startsignaal en ik vermorzelen ieder beat ol wost e tandestoker … ik breken em in 2en en loaten niet van klank mir over je kut er nie an tippen lik e een embetante ober "2 metaforen over tippen tope das ter over" ffkes terzijde, da zat in me gedachtekoker mor ik stoan achter me product gelik e stand verkoper dus pennik oengecensureerd en zoender gêne me gedachtegang up blad met de cadans van e sirene

Der is permanente camerabewaking de wereld is een overdekt gesticht da kampt me cipierstaking’n Kproberen te jongleren met planeten want der zien te vele vallende sterren die nie weten te balanceren dus ze loaten wa te wensen over, … kzien oenverbiddelijk int oordel dak velln, kschrievn vellen vul tis innerlijke zelfhulp, voer om te goan met de hedendaagse stand van zaken …. ze zien up Panama ant slapen ze vaagn, under gat an jan modaal ze vragen e plant of 2 noem ze rap e cannabisplantage mo graavn, nie in eigen achterbakse zaken tis biena lik dak leven in e Jambers reportage … ze fusilleren hele generaties de nelft van de wereld wordt verwaarloosd oender et motto van innovatie vooruitgang ? of automatisatie ? tis triestig da we spotten me creatie ...’t huwelijk tussen mens en land wordt oentkoppeld en der wordt nie vele buitenlucht de steden bingesmokkeld een optische illusie schetst de wereld woa dak in zitn financiële wapens dien olene mor up winst mikken en kent gevoel da ze mor ossan meer de roos raken mo je kut er nie van wakker liggen, je zoe noois slapen mo toch, zie je bewust van de oorzaken bluft andachtig, je kut nooit up beide oorn slapen … sleep is the cousin of doodgoan dus leg je lastte loodjes vo daj je lat ut je lood sloan stik je vusten in de lucht oj ook upt schip stoat en nie an wal te rusten te berusten in de misdoad kun gin ooglap mir andoen, tis t’erg de piraterij wordt vlot int legaal systeem verwerkt en gin haan die der no kraait, kiekens zoender kop want we pikken olles dat voer uze neuze wordt gedropt gin stemme wordt verheft, en ol ist er spraak ist e zoenderling, die de groep mist voe’t verschil te maakn echo’s in de verte dien biena de stilte raken sterven ut…. de soundtrack van uze kille dagen … wukke wereld e wieder toch upgericht met massatoerisme mo wel gesloten grenzen voe de vluchtelingn ok de beelden van in Syrië an upgevist besefte ket: scherven briengn ol lange gin geluk niemi en tzwoard snied an twee kanten tis luxe voe de poar en de reste moet mo doen met de restanten tis panda’s, en voetbal in de lokale kranten en mo lachen met et groot aantal trump militanten en tis lachen omda tschreemn ol veel te loate komt tis bouwen an de top terwijl dat zelf ol an de boasis kromt tis stoaren nor e gloazen plafond da nie gekust is we zien nie echt wuk mo we weten dat nie just zit

up feestjes ziej me vaak olene nog deur men afwezigheid ik schitteren van verre weg gehuld in de verleden tied ken me rookverslaving nog nie in de kiem gesmoord en stiekem verdiep ek me in de symboliek van t’woord gegijzeld deur me teksten, 24/7 oedn ze m’in toom plus ken last van et stockholm syndroom ik boeren in de stad, e moderne oederwetseling e perpetuum rollende steen zoender e vestiging of thushaven, nie zo tuk niemir up utslapen vroeger ut de veren en iets zuniger met utgaven invalshoeken bestuderen lik e militair gevechtscenter en e vust maken tegen grensrechters mens erger je nie, je moe gin spel maken trekt de warmte over jen hoofd lik e flaneln laken go nie gekweld slapen, lat je gedachten toet rust komn lik voorbereiden up e potje snelschaken proberen met me vinger t’ritme te voeln schrieven oender leiding van e fingerspitzegeful tis écriture automatique, vedrienkn in de inkt me gedachtengang vangn, dad is pure romantiek, kmaakn ruwe mozaïeken omdak t’leven wiln in koarte briengn Men omgeving inspireert me lik bie stroatartiesten kzien e rapper, ik geven je dus gin kloar advies mo kleine zadjes dien over de volgende poar joar oentkiemn gin upgebloazen dingn lik popcorn ik wilnt zo kleine meugelijk oedn zo dat bie joen zoe kun enorm wordn t’loatn voe wat dat is inzoomn up de sleutelmomenten, zoender de goaten an te dikken us leven is e Paradox van Zeno of nog beter…. tis e standaardbox van Lego we zien bouwmeesters, architectn dien af en toe e scheve meur in us hus fixen mo cava, Rome is ook nie gebouwd up e dag "nin, mo stiekem utgedokterd in de loop van de nacht" nimt e loop me je verbeelding en gelooft in de kracht van visualisering en een ongelooflijke pracht soms vien je gin gezegden en gin rake metaforen tis soms ploegen deur e braakland, gapend no de Voren in de verte, ze zien der wel mo je ku ze nie pakken jet et bos nu wel gevoen mo ziet de bomen nie deur de takken de stroom van inspiratie is nie ossan even hevig oenderhevig an de schommeling van’t leven seizoen’n respecteren is e grote stap, e woordenschat begraven up een oenbekend eiland, is verre van vergeten mor indachtig, piroaten up de loer e gevaarlijk parcours, deze troubadour is lyricaal almachtig dus ik creëren lik Gepetto toet da me relaas met e punt eindigt lik e Cornetto

Ik scheppn levensechte beelden lik Bernini ieder zinne is e standbeeld smekend om precisie dus sculpteer ek ik me visie met verbale bouwblokken up iedere lettergreep leg ek e laagsje goudvlokken enk bloazn nie te ard. mo loatn ze intact ik kun me nie blindstoarn on me rap gin cataract da zien smaken, en des gustibus non disputandum ol lig et wel in meerdere gradoaties lik bie brandwoendn een 1ste groad reloatie vien et uppervlakkig en e 2de groad verstoat de klank en vient de klinkers sappig e 3rde groad reloatie voelt me tekst in elke vezel en de 4de groad bestoat olene in men eigen schedel wa dakkik schrieven go verloren in obscuriteit et ist er wel, mo liekt nie mir anwezig lik de puberteit …. en zelve doek nie vele moeite mi dus cru gezeid vergoan me standbeeldn oender lage pure vuligheid der is gin monumentenzorg voe rapcreaties der ligt e lage stof, op de grotste tekst prestaties me boekenkast is e museum zoender bezoekers en der is zovele lelijkheid da olles overwoekert der is nochtans genoeg marmer voer ut te hakken mo der is gin interesse voe der david ut te kappen te weinig bouwmeesters met een echte sturm und drang en zoender kunstenoars stoan we up de rand van oendergang e leven zoender kunst is rooie wien zoender tannines of lik bibliotheken met olene mo magazines tis e maaltijd zoender de vitamines of et Gizeh Plateau in Cairo mo toe zoender de piramides der zit levenskracht verschooln in lyricisme mo de lach van apprecioatie got gebukt oender cynisme de wereld zit gevangn in e cluster van nihilisme dus we zweven in de richting van een echte cataclysme

de pyajamabroekn de fysicaboekn de pyajamabroekn de wijnvlekken up me t-shirt, de fysicaboekn Ik zien olles wa dak zien. de pyajamabroekn de wijnvlekken up me t-shirt, de fysicaboekn Ik zien olles wa dak zien. de pyajamabroekn de wijnvlekken up me t-shirt kzien ooit begon me battles te doen, mo tstak zo nauw nie ken echt dope battles gedaan en e poar die nie zo wow zien soms wos ek de rockster en soms wossekik de roadie mor ik en echt genoten lik dak meerdere keern getrouwd zien kzien ooit gebeten deur e biblio-teek nu ek De Ziekte van Rhyme, en schriev ek ieder weke illere lines, kstoan upt dieet van e Griekse poëet geweune teksten schrievn, sterren kiekn, drienkn en eetn kzien belange gin olympisch atleet mo toch gedisciplineerd genoeg voe men in e ritme te steken dat overheerst, nie iemand die e mythe cre‘ert mo die zezelvn portretteert in realistische sfeer kzien een anonieme pantomimespeler me beweegreden is geparalyseerd, bie ieder millimeter loppet vast, ik kanaliseren in kleine dosis ..me sonnetten zien e schaalmodel van men emoties kzien ant schrieven upt gevoel, int koader van ontwikkeling soms doek wa da me stylo wilt, mo wel achter bemiddeling soms overpeizek me herinneringn en soms ist lik dak je zeden leer omdat me teksten vrij zinnig zien kzien up zoek nor een oenbevlekte schoonheid e hoedje van papier nor een oengerepte broosheid no de contouren van een oenontdekte grootsheid in ieder letter ziek de reden worom dak geboorn zien kzien e protagonist zoender de hoofdrol mo desoendanks bijt ek me vast in taal en bluvek hoopvol e vlotte sloddervos die bluft schrievn toe da zen hoofd tolt ik zien nog e pupil en heel de wereld is men oogbol kzien de druppel die te veel is voe de emmer te wilde voe te temn en wa te hevig voer e menner gin herhaling in me raps mo toch gedreven lik e spammer bluvek geevn, me leven stoat in teken van de letters kzien et puntje up de I, de naklank die bluft galmn lang achter dad iedereen in slaap valt en helder bluft klienkn terwijl dat de meute raaskalt de verdediging ter compensatie van de aanval kzien de zunne achter lange regendagen da moment van rust in contrast met de tegenslagen de overwinning volgend up e reeks van nederlagen da gevoel van vroeger daj no loater mee wilt dragen kzien de liefde die te echt is voe de player tverdriet die te groot liekt voe de verliefde vrijer soms ziek de dunder daze oorn toet in Keuln da bitje menselijkheid da zit verborgen in e beul Kzien e superheld zoender speciale kracht e slaaf in de handn van e blanke man up Amistad een ééndimensionele mens juste lik bie Habermas een ut de lucht gegrepen fantasering lik et Arisch ras de pyajamabroekn de wijnvlekken up me t-shirt de fysicaboekn de pyajamabroekn de fysicaboekn kzien olles wa dak zien. de pyajamabroekn de wijnvlekken up me t-shirt, de fysicaboekn et type rapper die no fouten in de Illias zoekt en ze tekst schetst up e cinemadoek.

Argumenten van bureafilosofen zien nie gestoeld of gezeteld in et werkelijke ruim van us gevoel veel te koel, waarschienlijk goebedoeld mo je ku nie pootjeboaden, je moe surfen toet dat leven j’overspoelt je kut de tied olene griepen in beleving de klok is tijdloos en herhaalt dezeste beweging nimt nietn woar van de verandering in de omgeving dus horloges volgen just e circulaire redenering mor e nix met tied te zien, idder verre van ze nim olene woar wa dat mechanisch is gepland ze maakn us nie wiezer, nin ze maakn us verward ze geven us de routine die us dagelijks verstard we maakn us van kant omdat de tied us up de hieln zit we laavn us an macht ot de oenschuld vernield is ottomechaniekers die nie weten woa dat't wiel zit e hele generoatie die olene briel eet ik springn van rechts no links en leggen links ok rappen want zo werkt et hedendaagse digidenken intertextueel complexe weefsels speeln in uze kop ... bie ieder conversoatie da nie vlot, en stokt, en tevens stopt ik….vijzen de wereld los, zoender pardon up de grunberg van Arnon verdedig ek et jargon de woorden up e karton bord van e dakloze mens beschrieven ze verdriet nie eens voen nelft dus wa moeke nog schrievn okke niet niemi te meldn en ik zoe me kun verdiepen in de dieptes van de melkweg verdwien’n in de kleine kreuken van e origamiveugel en de pegasus in ik niemi beteugelen losloatn, zorgen dat de twiefel in me sneuvelt chilln up e vlasschoard just lik Stijn Streuvels schone deuntjes fluten ieder ki dak buten hus komn en toch preus bluvn up me thusfront trots nie te hoog int voandel dragen lik bie middeleeuwse krustochtn voer Odysseus, liept nie van leien dak bie thuskomst kmoetn gin vust vormn, lat mie mor een hand geven lik Pirelli wil ek ik olene nog mo bandn smeedn klankn kneedn, tope zitten w'int orkest want ik droppen de raps, mo gieder speelt up de loftrompettn der is olene mo muziek omdamme tope zien merci, voe me te reddn van ontgoochelingn

De lange arm van de wet makt de hand langer van et armzalig lobbyisme tussen politieke handlangers De Eurogroup draagt t'belang van de bank Tis bewust bomn droppn ut e miltaire denktank De beslissingn zien gemakt achter gesloten deuren En voe geld te scheppen doen ze gern wat van overeurn Mo de probleemn wordn vergeetn Toet moment dat t'gevolg em lat ken, en ze plots e reden voe te spreken Ze investeren in de korte termien In geldzaken, mo goa nie up zoek nor een oplossing Tis e politiek spel, en de burgers zien pion'n Die strategisch worden ingezet, vo de karre gespon Van bedrieven, die openlijk de mensenrechtn schendn de planeet als kapitaal zien, bestemd voe rendement We putten olle bron'n ut, grondstoffen wordn geexploiteerd en de nateur gedecimeerd en iedere politieker doet lik wel of dat ie van nie van veel wit mor elke dief wit oe dat de vorke an de steel zit tis beschamend, kriegn bloedrode kaken vant besef da we bewust ander menshn doodmaken miljoenen slachtoffers under hus oender de brokken met familieleden die zien verdwenen, oender de schokken …kindjes me bebloede vingers en gebarsten lippen moen up zoek achter e mama of papa mo wieder leggen zoender moeite zout up ieder slekke zoender hus mo zien wel muisstille over de gebrekkigheden thus stoppen menshn me problemen, in gesloten instituten zoender hulp, olene met e rutje no derbutn Mo kzien ingesteld voer ut te goan van upvang en oenderdak in 4 windstreken zitten menshn up de groend gezakt mo wieder ligt doanie van wakker in droomland de hengsten beuken nachtmerries nere voe de koopkracht oj bezig ziet met ontwikkeling, toen ej ossan parasieten up de loer die je groei wiln blokeren, ze vrezen voe’t rumoer mo zeg me nie “da ku nie”, want tku wel, tout court Wa voe n’één e plafond liekt, is voe nen andern vloer ik bouwen mien e kasteel up nog in te wijden groend de kanteeln zien gevestigd in e vindingrijk verboend wa zoeken no de kindertijd van toen mo elukkig ek e neuze voe de zaken lik e blindgeleide hond …ik stapeln legoblokken toet kromme staketsels bouwn e wereld met passende pot voer ieder deksel us leven is gespleten, we dragen elk e letsel mee van vroeger, da we tevergeefs proberen toe te metseln.

je zie goe bezig kerel, mo kmoen wiezen op wa fouten ten eerste je moe mien wurgen en nie zelve choken te fak kom je gie doen, je zien nog groen achter jen oorn je zie zo groen dan me homies je wiln upsmoorn ten 2de, verandert je positie, stoa rechtop je klapt toe, en lat je meesleuren lik e laptop komaan gast, en gift er mor e smack op ik gon Boechaar ze weed nie rippn, mo toch gokk ik loopn met de jack-pot ten 3de, gelooft in jezelvn lactos-intolerante mensn ziej azo nie melkn lik gie, kboetseern punches, zodaze gevoar vormn en ok twa breken vang ek nietn were lik e woarborg ten 4de, fuck it, je ziet e sukkeloar ik smietn je tegen stellingn, toet daj zest je enkel dubbel sloat zie wien daj ziet, doe geweun je eigen ding mo beseft, zest Frodo stapt met ik nie in de ring

ken nog mo just e beat gemakt en ken ol me next chop me kamer stoa gevuld met speeltjes lik bie e sexshop een analoge droomcabine t’gif me dopamine Boeshido is et nie te overziene prototype van een werkplekke die in teken stoat van hopen liefde no geliek wien, e lyricale lineage toet de hominiden kgoan diep up de beats, zie de wieze en methode en de code, dak ik men in verdiepen is respect, en kzien content zolang dak gin Blitz-krieg men Engels is quasi zo zuver lik van Friedrich check et, kzien verre van e whizzkid mo zest ge-encrypte scripts ontrafel ek lik of dat nix liekt tips en tricks verzameln… je moe mo no me spits kiekn en get e heel arsenaal fabels in stoat voe t’inspireren, die golf is wederkerig under aandeel in de zaak is evenredig an et miene, niet happig up feiten ut magazines der komn ossan mo guantanamo’s bay en dad is zielig up de faculteitn zien ze bedolvn oender lawines verschrikkelijke brij van academische types nochtans, ken we de remedie voe de ziekte van de uppervlakte weg, investeren in de diepte me me moatn roendom ik, azo leev ekik et liefste et got em om jezelvn over te geevn an de liefde … mo net da liek et probleem te zien da niemand em wilt overgeven, zoender da ze werekriegn etwa geven zoender daj etwa verwacht en je kriegt meer dan daj a kun peizn in gedachtn mor et protocol zegt daj moe controol en ze indoctrineren je met media en nutteloze schooltekstn moa.. wieder zie vrie, on zieder macht en ist omda wet ze geven, en toen geevn w’uze kracht weg lat us verenigen, tis ier gin middeleeuwse steenstad dus lat us de menshn niemi stenigen de eendracht, die eenmakt, is een twat, mo vodder moe we zorgen daw de lotus herkennen in de modder griept je kanse en zet je tandn derin lik een otter …. zie nie benauwd van de klank van e helikopter vreest de dunder nie, en et gin schrik benin… je got er echt vele vlugger zien ik aaln gin oede beats mir ut de gracht nu ziek hele dagen bezig met muziek toet in de nacht bezeten deur lyriek, en de symphonie et macht …. zest ot de melodie verzacht en verstilt… respect voer allemaal mo je zie gin beeste o je level zoo up de plancken daelt tis triestig.. e legioen lege legendes geregeld zien regels in de regel nie regelbestendig mor Ik bluvn ossan flown, gin anaerobe drempel …. af en toe rap ek over analoge samples mor ander dagen kom ze afgedraafd met synthesizers mo geliek wukke beat da ze kiezen yo ik killn de cypher up me zokken… de rode hond gif ek ik de pokken en de griep giv ek de pest ok em pesten met me moppen bestendig lik kevlar ik peizn ut de box, je ku me songs nie comprimeren met winrar tis Dikmark, went er mor an oenderbewust en we, zadjes in verschillende serres gepland we wien connected toet e verre Japan me hele clique is intern verboendn lik een enneagram wieder leven die shit, we vient nodig voe te werkn ik hoop dat er niemand moe ze dromen gon beperkn zoender schroom, en lat et merken oj et leeft en komt tope, want tope stoa we sterker

Deze Pioneer goa Grundig te werk, kzie nog nie kloar bluvn olle dagen groeien in me tekstn, oefen’n met raps kduwn principes bie mekoar … juste lik e krokodillentranendalmatiervlekkenverwijderaar goegebekt…. soms ziek lik een albatros me hoogtevrees zweev ek, lik of dak me Calvados en overdreevn ik zien plots verdwenen, tis lik Barbarossa’s oversteek e hele leven leiden met e afgetrokken pokerface som ek sommige sombere zaken up want soms ek juste mor e scherp vermoeden van e vaag geluk soms ek hoar up me tandn, soms ziek kaalgeplukt en ander dagen zoek ek afgetakeld no mentale rust mo vaker zit ek toet de vroege nuchtend bezig en probeer ek twa te maken van me leven ken nie meer talent gekregen dan een ander, nope, mo k’doent nodige 24/7 in de weer lik Frank Deboosere … we geven de snap back an de snapback in e flashback brieng ek Flash back Marvel, dus comic me gespartel en e dartelende woordset elke punchline is gekarteld lik e broodmes woordspielerei, alfabetiseren …. up de rand van de klank te marginaliseren schep je genialiteit, en boeken vul me bagger de medaille da je in detail bokst oed je wakker in de nacht… tis abstract, nie express mor expressie, succes zit in succesie de mens zit in de missie en de missie zit verschooln in uze ziel Mefisto stoat te wachten up ze deal mo lat je nie zomo vangn… der is zovele meer dan woanzin der is vele groddere bestoanszin absurditeit is nodig en Ik zien doa niet van groatn in want zest in de ollerbeste koazn zittn der goatn in wat hebben we geleerd? nix, en zo ist ook bedoeld de wereld wordt me tevele info overspoeld dus ik voegn nix toe, ik nimn der wa van weg resumeren me gedachten in e wintermanifest wan et leevn is simpel… simpelweg complex ….sowieso is tmeeste van et intellect onecht ….iedereen komt ooit wel up de middenweg terrecht dus icarussyndroom of nie, ik goan volut int wilde weg en wil ek weg, toe gokke weg en peiz ek der nie over elke ranger is e rover, elke faker is e stoker elke letter dak gebruiken, in feite nog maagd vo dak em in e tekst noaien in e rijmend gewaad der zien nieuwe luxespullen voe de veiling gevraagd juste soaie antwoordn up e veilige vraag dus gok up zoek no de heilige graal mikken me pijln met simpele stijl nor een onbereikbare taal hypnotisch, eschatologisch ist logisch dat er een einde komt an us bijbels verhaal overdosis van uze emoties, iconische doadn stoan te gebeuren ow us wijselijk aal gin erosie permiteren, mo bruggenbouwen o me leven upgefuckt is, kuk ik ossa rekenen up een upgesmukte flow butn de lien kleurn, zwort wit, da zien kleurn lat mien kleurn en zien kleurn juste kleuren zien wuk is e sleutel on de deuren nie gemakt zien zodat ieder gemakkelijk de deur zoe vien privileeghoofdn zeggn da terreur us dwingt toet andere keuzes, mo we kiezen voe de terreur te vien up stroate, oj een ander stroate bombardeert van de koarte… je verstoa ze dus nie …..enkel de beelden up je breedbeeld geloof je zolang da jen eigenbelang meespeelt Tis gin Repelsteel, weinig mensn kun under zelvn in 2 gon deeln dus ze leven veel te veel gespleten, gefragmenteerd en nie volledig ze weetnt… mo ze weetn nie vol-ledig us leven, is e carousel, e kleine anekdote ut Gargantua en Pantagruel e flarde, e gescheurd blad ut e farde professioneel vulgeluld deur wa barden

kschrievn gin tekstn, ik bloedn mezelf up blad oentdekkn nieuwe facettn en da voelek bie elke stap een exploroatie, de aspecten dak vroeger nooit en gesnapt zien hedendoags de fundoatie van de voeling dak en me’t vak me illustroatie’s, zien snippers ut de grotten van Chauvet of Lasceaux, impressies achterlaten lik Monet elke zin is vastberoaden lik bie vlotte cabaret en et verschillende lagen gelik je bomma’s javanais lik Rabelais… giv ek leven an’t vergeten lexicon gin Tesla, mor af en toe e grodder licht dan Edison ik zitn soms de zwakke zin te gom, te schrappen, wachtend wetende dat er connectie komt da van me blad ku spatten licht is krom en hard te vatten, te bugen, nie te breken kzien e dichter, kzie nie verplicht voe dudelijk te spreken nie in stoat voe te begin over e zuvere geweten ok e panoramisch zicht en up us dustere verleden …mo nu ziek juste ant creëeren, nie ant preken dus verdiepek me liever in geünificeerde tekens want, ik mummificeren regels lik Herodotus en werkn up elk moment van de dag an me magnum opus ik zient deur t’oog van Horus, verre van e neofiet de blik is praktisch te hanteren, nie te vien in theorie …t’ist t’actualiseren van de vrieje energie in e geradicaliseerde brok lyriek en poëzie ik acclimatiseren an de beat, spreiden me klanken nor olle kanten lik bie stereophonie kzien e kameleon mc, heliocentrisch gedreven probeer ek me generoatie e vulwoardige stem te geven e keten, is mo zo sterk lik dan de schakels peizn en je stoa vo schut ot komt up lyricale wapenfeiten ik schietn de hoofdvogel upt vlak van de taal k’briengn gin prefab, elke bar is artisanaal k’verzameln letters in me kweeklab… en groeien vrucht-volle verzen, lik Castro ek ik absolute heerschap moe rap nie wordn bestempeld als t’werken an je gemeenschap kennis deuregeven, en t’versterken van de eendracht of ziek te ver ant peizn, lik gestresste schaakspelers en slot de vonk nie over lik bie slichte aanstekers lik Monthy Python ridders kom ek ier de draak steken met e status quo nog transparanter dan e maatbeker Noem me nu mo C4 want kzien baan-brekend ook ol ziek belange nog gin king mo kzien aantredend kdoe me ding, dad is ritmisch up de maat spreken elke bar binnenstebuttn droaien vo dak em plaats geven k’schrieven teksten omdakke nie anders kun ok der nie zo zot van woarn toen akker nie an begun kzien e junk, ik leevn voe de punch van e beat up vrieje dagen zettek eurenlange drums up repeat en droppek freestyles, dagen dak de zunne nie zien soms droppek killer en ander momenten lukt er me niet leg et et stille, en zit ek up et punt van retreat en verdwien ek in et nix lik de drums van de beat

wuk moek nog schrieven ot er niet niemi te zeggn volt … ot er gin enkel puzzelstik mir up ze plekke rolt woa zit de woarde nog van e geschreven tekst ot olles wordt gevisualiseerd en de verbeelding crasht de grotste levensles besef je mo tmoment daj dood goat de mens is quasi kleureblind telkens ot ie deurt rood goat de wereld is e val, e geval apart e dans macabre woabie dat er niemand nog de pasjes snapt we zien up dool, we gon massaal terasjes af mo vien nergens e troost, gelukkig da je siggie en je kaffie smakt stoarn int roende, olene up de wereldmap je zag em vroeger op tv, mo nu zit j’in diezeste grap mo lachen doej niemi, de blik is nu verzeurd en tkwam ut nix, de overgang oenmiddelijk gebeurd zoender uphef of kleerscheurn, vo dajt a beseft zat et in je, melancholie en kreeg je’t niemi weg.. .. nu stoar je blindelings nor ol dad up pad komt et enigste da nu nog zeker is dat is jen afkomst mo woa daj got.. stoa nie geschreven in de sterren trakt nie opgelost want tgrotste tprobleem zit in de kern en wuk weten we van fusie, we kun nie eens e simpel gesprek voeren zoender te moen treden in discussie makt je gin illusie ik zien nie ant overdrieven zien gin kwakzalver, an me woarheid goj nie overlijden de wereld is een angekleed containerpark woa dat iedereen no de zuvere lucht buten de quarantaine snakt we dumpen ol us brol in beken en up velden en we snappen nie dat de causaliteit em toe lat gelden in et feit da we mo zieker komn, een utgestrekte radius an slachtoffers wachtend up de road van doc Vesalius ol de vrachtschepen stoken bunkerolie en de raffinaderijen ebn e corrupte monopolie ol die kutbedrievn wiln etwa ontfutseln van me homies ze klappn codetaal en wieder sukkeln met emoji’s … communiceren met associale machines is zo logisch lik et gretig toesnelln van e lawine applaudiseer mo die debieln in magazines en verzet je voe gin bitje tegen de stereotypes up tv, bagatelliseert mo de probleem en ridiculiseert de menshn mo die spreken upt systeem fret mo je spek voe je bek ot effect van et antwoord up de hamvraag je nie treft mo beseft… olles snap je pas in retrospect neokolonialisme is etwa dat ego sterkt int geloven van ze eigen geliek, doe mo vodder int publieke beeld verdween mor in privé sfeer vergroddert uze kloof… polarisoatie is et wapen dat de voorkeur draagt van de digitale slaven mo lat je nie misleiden, der is meer verdriet dan woede tis nie dak niemi geloven mo kzien meer en meer ontmoedigd deur de mens, doarom dak wa minder vlotter pennen want kzient product van e generoatie met e holle stem