ok in de buurt zien van e mic, em noadern, en afsteven'n up e situatie woarin dak spreken ist lik dat een onbeweegboar object en een onstopboare kracht, voer et eerst met mekoar in contact treden tis alchemie, gin acht geven an twijfel mo tgedacht zeven toet dak er verbale zeste afschrepen t'mixen van partikels en de klankreeksen zorgt dak kun balans steken in tracks en artikels dak onlangs schreven ik moe gin titels ut de brand slepen ik zie just mezelvn, kzoe willn kun de hiëroglyfen up een wand lezen ongebreideld experimenteren met et Ankh teken want tis e vehikel voe vibroatie en e lang leven kzien e pupil die wilt e band smeden met Egyptische archaische archetypes , En voe zolang da nietn me verijdelt gok in ol me lyrics et belang steken weg van de perikeln daj ontvangt oj bluft in angst zweven thoudt me gegijzeld, bezeten deurt gebeitel int verleden deur de bijbelse profeten ent gefriemel der poëten met cyrillische tekens, schrief ek me regels cyclisch nere ieder millimeter geciviliseerde wijzes woarup dak et ritme deurbreken, en me verstand kneden filosoferen lik of dak e brief van Kant lezen tzien monolitische principes dak ik hanteren omda ze deurheen uze geschiedenis constant bleven telln, telln, wegen en verdelen ik moetn telln telln, wegen en verdelen de tekens an de wand lezen vo da ze verdwijnen up termijn moek proberen van't geheel nie up te delen telln, telln, wegen en verdelen ik moetn telln telln, wegen en verdelen de tekens an de wand lezen vo da ze verdwijnen up termijn gok proberen vant geheel nie up te delen

me raps zien een expressie van elementaire drang de connectie met me blad is een innig, precair verlangn voe me zelvn uit te drukken in symbolisch vernuft der is gin visionaire klank nodig, hoogstens e vlucht van status quo’s, en e te grote binding met de ratio tussen hamer en aambeeld verdwijn ek in scenario’s gevangen in et moment, afhankelijk van pen en blad bewandel ek de grens tussen massa en de mens met de dag, vultrek ek de verbale transmutoatie van me leven, onderhevig an bepaalde grannuloatie korrelt en borrelt de energie tope toet filament woarut dak metaforen kneden en strofes da niemand kent toet up et punt woarup dak ze kristalliseren en me gevoelens en me gedachten assimileren zodak moeiteloos men eigenste krachten manifesteren die m’in stoat stellen voer iets woarachtig te kunnen creëren ol ist nie ossan trending, of bie ieder populair zorgt et soms voer e Copernicoanse wending want tis wereldbeeldveranderend en revolutioniar achter t’lezen zet je zeven stappen evolutionair et soort teksten die etwien ze zicht veruimen ol wos et de revolutionibus orbium coelestium tis monumentaal, lik sculpturen van Bernini en tis mijln verwijderd van de naburige rendities tis puur up intuïtie, kzien voortdurend up e missie lik Da Vinci is et letterlijk figuurlijke precisie dak ier bolwerken, elk vers e klasse apart me rol sterken als verteller toet e gat in de nacht e nocturnale dromenvanger die mor amper moe maffn ik zien e krak in me vak dus gok van de hak no de tak zoender dak et overzicht verliezen, kzien omnipresent in me schrijverszone onbloot ek ol me verborgen talent voe zoverre dak ik kunnen gok ik mee met de stroom en toch doek ik men eigen ding, ik zie nie heteronoom ik schrijven et type flows dat ze proberen te klonen want ze zien geometrisch prachtig lik zeeanemonen voe zoverre dak ik kunnen gok ik mee met de stroom en toch doek ik men eigen ding, ik zie nie heteronoom ik schrijven et type flows dat ze proberen te klonen want ze zien geometrisch prachtig lik zeeanemonen soms is us leven e droom, vul met ludieke, unieke fluïde, lucide momenten, nie volledig synchroon met de normale gang van zaken, ik straaln up lange dagen ok met taal en klank de lagen in verhaaln omvangrijk maken gin rem up me motor der inspiroatie kwerpn licht up verloren communicoatie ken respect voe de vorige generoatie pioniers die papier nie versieren met onnozele gebrekkige nodeloze creaties als luisteroar verdwaal je in me narratieve helix mo je pikt de droad wel up want me gedachten zien symmetrisch up elkander ofgesteld, t'karakter is poëtisch ieder liene is besprienkelt met de assen van e Feniks Ze passen in me thesis, oenderhevig an verassende cohesie assan geometrisch, nie plastisch, synthetisch mor authentiek en origineel alfabetisch vorm ek strofes toet e kloppend geheel soms ziek’t subject da direct vo jen ogen hangt soms ziek anwezig up e plek woadaj me nie woarnimt ol wossek e hologram af en toe ziek ik onzichtboar, mor ist doar up e plek van leegte da me raps manifesteren als onmisboar je zoe moe weten oeveel ki’s dak no me schrift stoarn zoveel verloren tracks dak en die potentiële hits woarn de afstand da me pennepunt et ofgeleid deurheen de latste 2 decennia volt enkel ut te drukkn in lichtjoarn voe zoverre dak ik kunnen gok ik mee met de stroom en toch doek ik men eigen ding, ik zie nie heteronoom ik schrijven et type flows dat ze proberen te klonen want ze zien geometrisch prachtig lik zeeanemonen voe zoverre dak ik kunnen gok ik mee met de stroom en toch doek ik men eigen ding, ik zie nie heteronoom ik schrijven et type flows dat ze proberen te klonen want ze zien geometrisch prachtig lik zeeanemonen

Ik trachtn ossan stipt te zien, mor af en toe ist lik dak weinig in kun briengn dus ist nie ossan evident dak ik et goeie ritme vien mor upt moment dak ant mc’en zien, is anders en ziej dak de timing en van e goeie stand up comedian tis amper moeite doen voe wa tekst te manifesteren tis lik een openboaring, de verzen zien me gegeven en der zien e hoop verkloaringn woarom, mor in essentie ist deur strikte dedicoatie dat d’ervoaring em vormt en das de boasis, woarup dak verder bouwen en boetseren woarichtig krachtig, dus je ku nie just de flow imiteren en hoopn up e zeste resultoat, tis onderhevig aan zovele factoren die tope organiseren toet e geheel, ieder seconde dak en gespendeerd an me vak, bundelt em tope toet dat tis geculmineerd tis rap te analyseren mor amper ist te kopieren tis e levende methode dak joarenlang en gekneden toet et punt, dak zitten, gevorderd en ingewikkeld interne verbanden leggen tusshen men interne prikkels en gedachten in e vorm gieten, lik bie e pottebakker schaven an de punchlines en clues lik e moppetapper mo tis nie ossan grappig, soms ist serieus soms ist pompeus, soms ist ingenieus, nie ossan e keus up et moment, mor e rechtstreeks gevolg van kruisingen up me levenspad die steevast in me raps topevolln me grotste drijfveer is pure inspiroatie actie got ossan voraf an de motivoatie t’geheime ingrediënt is volledige dedicoatie zo bekomn ek telkens weer onvergetelijke creoatie me grotste drijfveer is pure inspiroatie actie got ossan voraf an de motivoatie t’geheime ingrediënt is volledige dedicoatie zo bekomn ek telkens weer onvergetelijke creoatie ik smeedn e reloatie tussen blad en me gedachtegang me voertuig der ideeën et e bodemloze naftetank ik overlopen massas klanken voe toet symfonie te komn ik tappen spraakwatervallen uit e griekse bron van Plato toet Zeno… zo schep ek overzicht detailgedreven schrief ek maximes lik Aristoteles de aforismes dak noteren kuj toet leven roepen lik e necromancer wil ek zin vorbie et leven zoeken ooit schrief ek nog 7 boeken… e verzameling an metaforen die olles verwoorden daj in taal ku vien e magnum opus met verbale hocus pocus e blik, die breder checkt dan de verhalen van Herodotus me schrift, is vulgeschreven met reeële anekdotes woarin, dak t’leven evalueren in ol ze hoogtes en ze laagtes, bekentenissen over escapades ut verleden joaren woa dak bezig woaren met et evenoaren van de 7 foasen ut een alchemistisch handboek volledig up de hoogte van wa da gerichte klank doet collages, met kennis, ut olle 4 de windstreken van Bavaria toet de regionen woa dat de djinns leven bezeten deur esoterische parafernalia ek teksten neergeschreven oender e hermetisch alias tijdens de saturnalia… tet me gevormd toet de schrijver dak zien gewordn deurheen verscheidene stadia me grotste drijfveer is pure inspiroatie actie got ossan voraf an de motivoatie t’geheime ingrediënt is volledige dedicoatie zo bekomn ek telkens weer onvergetelijke creoatie me grotste drijfveer is pure inspiroatie actie got ossan voraf an de motivoatie t’geheime ingrediënt is volledige dedicoatie zo bekomn ek telkens weer onvergetelijke creoatie

ik zien de menshen over stroate lopen kweetn nie of dak ze moen benoaderen, woa goat et over in de moatschappieje van vandage, woa zien we nu zie we zoveel gevoeliger gewordn of zien tijden cru is de wereld killer dan tevoorn of moek doa nie zovele bie stille stoan en verspil ek zo me woordn zoveel vragen zoender antwoord, olene gokken en gissen, voe te beseffen dak me toch weer vergissen we zien verknocht an et sissen van uze digitale adder die us leidt toet bie de Apple, ieder maal got rapper dan vorafgegoane updates, we spelen de route kwiet oj in et leven just nog via browsers an et zoeken ziet wost er e goeie tied of ziew ol ossan zo gewist et ot zo is, wie wit wuk dat er morgen nog verborgen ligt ja wuk stoat er us te wachten in de ochtendmist voorbie de schijn van e verdorven stoat die an et rotten is want vaker lop et mis, niemi gesmeerd joenge zieln zien depressief want ze voeln under nie anverd vroeger aj gin alternatieven mo nu zien der nog minder hoogst geprezen roeping bie de jeugd is social influencer wuk zoej ze kwalijk nimn, woa ligt et perspectief en hoop up iets te kunnen betekenen, et meest is repressief we zien naïf, de meeste toch, je kut er nie an doen want et systeem is zo geprogrammeerd gewist daj nie olene stoat e hele generoatie lopt onwetend of vrijwillig in de rekening toet dat ie moe betaald wordn, dus leen we nog wat extra bie de bank voe us comfort te bluvn waarborgn tis ollemale fun & games toet dat lelijk wordt in wukke wereld moen de kinders under weg vien wie wit oe lange da ze nog goan onderweg zien bestemming onbekend, gin hulplijn mo juste nog de radicalisering da we tushen boete en schuld vien kvoeln me nie thus in uze wereld van bedrog der zien olene machtsgeile menshen an de top van e holle piramide, tis ollemale fake egoisme wordt vermomd oender collegialiteit kvoeln me nie thus in uze wereld van bedrog der zien olene machtsgeile menshen an de top van e holle piramide, tis ollemale fake en das nie olene ier, da zien mondiale feiten ik zien de stroaten over menshen lopen olles wordt ier vulgebouwd, de schone stikken weggetoverd toet e stik beton, we steken zest de grenze over voer uze eigen brol te kunnen verbergen, olles emme over voer e e goed imago, mo tbluft bie woordn ieder politieker voelt em van te voorn utverkoorn voe de hele boel te runnen, mo t’lopt olene spaak dus ze runnen olene de mislukte stoat van hedendaags nietn stoat er nog helaas, of toch niet natuurlijk nu ziej de boomn deurt bos niemi, letterlijk en figuurlijk we zien upgesloten in appartementen en in buurten woa da ze nie reflecteren mor wel anderen begluren tdroait ol om vergelijken, om scores en om cijfers we zien deur de joarn van uze woare woarden verwijderd echte schoonheid zit vanbinnen, das meer dan e clichee Tope Ewe Aal Meer, das meer dan een idee tis e wijze voe de golem te versloan die us verpletterd owe uze krachten tope bringn, toen stoa we vele verder kuw iets doen an et gemekker, getwitter en getetter worden w’ol “What’s up homie” in plekke van e “Whatsapper” kvient te gek, dawe echte connecties inwisselen voer e gemiddeld gesprek te voeren up et wereldwijde web dat we puur voedsel skippen voer e vettige snack en de natuur ruilen voer e kille plek in de plekke wuk ekke doaran nu nog toe te voegen want voe te meugen leven in e wereld lik dezen moetn menshn zwoegen toet de vroegen of de loaten, lik ratten in e hamsterwiel en vaak en ze’t nie eens gehele deure, de arme zieln das nie de wereld dak me kind in wiln zien upgroeien van ol de liefde ziej dat er weinig terugvloeit twordt weggemoffeld in e sombere machine das oe dan de zaken goan in uze holle piramide kvoeln me nie thus in uze wereld van bedrog der zien olene machtsgeile menshen an de top van e holle piramide, tis ollemale fake egoisme wordt vermomd oender collegialiteit kvoeln me nie thus in uze wereld van bedrog der zien olene machtsgeile menshen an de top van e holle piramide, tis ollemale fake en das nie olene ier, da zien mondiale feiten

binnenkort got niemi goan over oevele daj verdient mor idder in oeverre daj voe jezelvn ku vorzien oeveel skillz daj et ontwikkeld, oeveel kennis daj bezit zodaj kut overleven ot t'systeem der niemi is of ot systematisch erger is geworden met de tied toet upt punt daj gin toegang mir et toet de moatschappie wuk on uze winkelketens plotseling niemi verkopen ej ol e gedacht no woa daj toen moe lopen voe wat eten up je bord? Want weinig is er nog gegarandeerd uze wereld is ol efftjes niemi heel gebalanceerd en et wordt mor ossan erger, dus ist nie optioneel mo idder e gevolg van us gedrag dat et goat explodeern en woa stoa je toe? Ej ol wa dingen geprepareerd goj de moed nog vien voe te veranderen ot escaleert en is da toe nie te loate voe nog wijzigingn te maken want eki dat goat ontploffen goj me nix niemi moe vragen oj tevoorn an et lachen wos, ok juste achterdocht en waargenomen up et moment dak er over ant babbeln wos ik respecteern ieders mening mor ok merken dat nie van 2 kanten komt toen kun we noois nie topewerken tgoat em om de band sterken tusshen de gelijkgestemden met familie, met moatn nieuwe poadn verkennen nieuwe wijzes woarup dat we met elkander connecteren ot moment is angebroken dakke nu ol joarn vrezen zoet woa zien wuk da sommigen verteln zoet kun dan uze dagen zien geteld en zoet er woarheid zitten in de doemscenarios die zien vorspeld of zienke veel te voorbarig voer een oordeel te kunnen velln zoet woa zien wuk da sommigen verteln zoet kun dan uze dagen zien geteld en zoet er woarheid zitten in de doemscenarios die zien vorspeld of zienke veel te voorbarig voer een oordeel te kunnen velln binnenkort got niemi goan over oevele daj bezit mor oe daj kut overleven zoender et gekende script dat we volgen, momenteel ist werken, eten, slapen mor ot werk der niemir is en je niemir an boef ku geraken wien got er toe nog in slagen voe te bluvn overleven tklinkt fataal mo volgens mien ist verre van overdreven zeker nie ow in dezeste richting bluvn manouvreren dus got nodig zien voe essentiele kennis te studeren want wien kent er nog de functies van de planten in zen hof goj nog toegang en toet woater ot je kroane niemi lopt oe goj jezelvn verwarmn ot de chaufage niemi got en goj nog weet en van de tijd zoender e digitale klok wuk ot t'internet zoe stopn, wuk speel je toe nog kloar zoender terug te moeten vollen up e technologisch comfort da zien et type vragen woa dajt antwoord mo ku weten upt moment dat t'antwoord up die vrage niet niemi betekent zoet woa zien wuk da sommigen verteln zoet kun dan uze dagen zien geteld en zoet er woarheid zitten in de doemscenarios die zien vorspeld of zienke veel te voorbarig voer een oordeel te kunnen velln zoet woa zien wuk da sommigen verteln zoet kun dan uze dagen zien geteld en zoet er woarheid zitten in de doemscenarios die zien vorspeld of zienke veel te voorbarig voer een oordeel te kunnen velln

der zien 10.000 verhalen in West-Vloanderen, en dit ist er mor 1 t’verhaal van e baby die bluft schremen der zien 10.000 verhalen in West-Vloanderen, en dit ist er mor 1 t’verhaal van e baby die bluft schremen Sarah zit er hele deure, zis gekrakt ze slapt ol moandnlange max 3 euren per nacht vorig joare wos ze zwanger, twos de max mo dat eur droom e nachtmerrie ging worden at ze nie hele verwacht eur zeuntje ligt van snuchtens vroeg toet savonds loat te bleiten en der zien nie vele menshn in d’omgeving die kunnen elpen hij wordt olene rustig bie ze mama, da zien feiten mo toe nog ligt ie de meeste tijd te krijsen ze kan et nie mir an, ze werkt e 5 up 7 in e bank en et nog 2 andere kids die eur troost en liefde verlangn mo ze zit ol fftjes zoender, eur vint probeert te elpen mor et chronisch slaapgebrek doet eur motivoatie verwelken vandaag is weer azo, Nathan is hysterisch en gelijk wa da ze doet, der is geen magische remedie ze zoe zelve soms wiln krijsen want et dreigt van eur te nekken soms wit ze niemi goed oe lange da zet nog goa trekken der zien 10.000 verhalen in West-Vloanderen, en dit ist er mor 1 t’verhaal van een onbegrepen kleinen der zien 10.000 verhalen in West-Vloanderen, en dit ist er mor 1 t’verhaal van een onbegrepen kleinen Ryan lat ze woare zelvn biena noois zien durft ol niemi bleïten omdat niemand em komt troosten biedn nis 7 mo soms liekt ie ol e manneke van 12e deur ol de miserie die em deur et leven et bedolven zen ouders ziej olene mo met em communiceren deur te roepen en te tieren, of deur em te negeren elke dag at ie lik liever in ze bedde gebleven sommige dagen et ie zest ol gin goeste mi voe te leven mo nis 7, daj kuj toch nie begrijpen of accepteren oe dat iemand zukkn klein manneke verder bluft kleineren matjes roend em zien olene mo de woede en frustroatie dat ie thuis nie kut ontloaden deur de stroeve situatie de meeste peisn zest dat ie et overdrieft mo je ziet et zeer oj efftjes rechte in zen ogen kiekt ne wit niemi wa te doen of woarom dan zem nie begrijpen dus ie bluft ze woare zelvn onderdrukken en ontwijken der zien 10.000 verhalen in West-Vloanderen, en dit ist er mor 1 t’verhaal van e tiener up de been der zien 10.000 verhalen in West-Vloanderen, en dit ist er mor 1 t’verhaal van e tiener up de been Thomas makt nie rappe moatn, ne zit vaker up ze zelvn ne spendeert ze tied met diepe in et internet te delven ne verglijkt em met de menshn dat ie ziet up social media en voelt em zo onzeker, net nog noois een echte lief gehad elke morgen stoart ie lange in de spegel peizend dat ie nie genoeg is, ze zelfbeeld is beneveld iedereen in zen omgeving lijkt gelukkig en tevreden zelve peist ie soms an zelfmoord en nie te moetn leven nis 17 en ne kampt ol met depressie bie ze psychioater et ie om de poar weken e sessie mo ze lieken nie te helpen, want niet liekt te veranderen ne vergelijkt ze zelvn olle dagen met de anderen en niemand ziet et want hij oedt et goed verborgen tlatste dat ie wilt is iemand die voer em zoe moetn zorgen want hij peist dat ie nie werd is, dus bluft ie der mee zittn elke dag geweune wachtend upt moment dat ie goa pittn der zien 10.000 verhalen in West-Vloanderen, en dit zien der mo 3 t’verhaal zoe van iedereen ku zien der zien 10.000 verhalen in West-Vloanderen, en dit zien der mo drie t’verhaal van iedereen, van ik en gie der zien 10.000 verhalen in West-Vloanderen, dit zien der mo 3 t’verhaal zoe van iedereen ku zien der zien 10.000 verhalen in West-Vloanderen, en dit zien der mo drie t’verhaal van iedereen, van ik en gie

we manoeuvreren deur e wereld van deceptie want nix is wat dat lijkt, t’hangt e woas vo de perceptie we zien de dingen nie rechtstreeks mo juste de reflectie dus maakn we zelden e beteknisvulle connectie met de wereld om us heen, en bluft er steeds een afstand een onoverbrugboare kloof die em in us hart plant dus us gevoel is blind voe zintuigelijke hindernissen woadeure da we zelden in de buurt komn van verbintenis we spreken olang de taal niemi van de omgeving we zien doof voe de signalen die permanent om us heen klinken dus ist lik dat we weinig noden anhoren want s’nachts slapt ieder zacht up beide dovemansoren we zien onwetend up zovele vlakken, mo zest da weetn we nie we leven in gedachtn en bewegen deur de verleden tied we registreren amper prikkels, we zien beter dan gemiddeld int negeren van de hints die us gegeven zien gedrag is recessief, we bluvn stootn up dezeste steen dus de meerderheid is meestol depressief of negatief int benoaderen van verandering we vergoaren bepantsering mo zelve zien we explosief kzien dat er constante druk up uze ketel stoat dus just onregelmoatigheden doen we nog met regelmoat soms zie’k e bedeloar en kpeizn da kon ik zien dus weet ek dat we moeten investeren in connectie oe zwoar wegen uze doadn en oe lange bluvn ze nabestoan oevele zonden kun der up e punt van e naalde stoan oevele woorden zijn der vereist voer e conversoatie en zien woorden wel vuldoende voer iedere situatie te trotseren, zovele dat we automatiseren in plekke vanut e bewuste houding te avanceren we stagneren, we trappeln ter plekke in kale beken zetten zelve zelden stappen gericht up e zalig leven ik zien omgeven deur zovele da me tekent me beïnvloedt bie et pakken van keuzes ent redeneren mor ik stoa nie ossan stille bie zaken die me bewegen dus verstijf ek soms volledig we zien ossan onderweg mo zie nie ossan up de hoogte no woa ofgescheiden van de ruimte rondom us en et bestoan tmeeste hangt vor uze neuze mo zien we mor amper blinkn us geluk zit vaak verscholen in de meest triviale dingn vanut us eigen lenze stoarend moetn we contact maken de blik verwijden en af en toe iemand anders pad raken elkoar benoaderen, helpen en ondersteun zo da we tope verder groeien en iemand en voer up te leunen ot de grond onder je voeten zakt, wuk is succes ot nie gedeeld wordt deur de mensen rondom us, ist toe wel echt soms stoak rechte vor e grafsteen en kpeizn da kon ik zien dus weet ek dat we moeten investeren in connectie

Oeveel pilln en medicijnen zien der nie tegen depressie en oevele van die lapmiddelen zorgen voe progressie et enigste da werkelijk verlicht, us ku werpen int licht weg van de ergernis is een authentieke connectie of artistieke expressie, et is bewezen da muziek in stoat is voer us van somberheid te genezen dat e mens ku herupleven van poëzie te lezen tis de kunst, die zorgt da we de zorgen minder vrezen soms zien mensen herrezen achter et oorn van wa raps vien ze de kracht voer uit de pit te klimmen deur dien ene tekst kunnen ze relateren an et gene dat wordt gezegd soms is e woord van mien et gene dat een ander redt mo toch ej mensen die mc’n minderwoardig vien die butn beschouwing loatn dat iemand kampt met zwoare tiedn en dat er gin remedie ligt in pillen of medicoatie of de kille analyse van e vrimde psychioater ze houden nie van rappers want dat is gin echte job et bringt vooral niet in et loatje van de mensen an de top mo tzorgt da mensen soms wa steun en in slichte dagen tis zovele meer dan da, je moet mor an die menshn vragen wa da ze nodig en is zelden te koop of te verkriegen via voorschrift, gin redder in nood ku ze voorzien van wa da rap met ze doet, en tzien der vele dus als rapper ziej nie juste rapper mor ook e genezer Ik moetn goan, misschien is wa dak ik ier schrieven et enigste wa da sommige mensen nog kun verstoan en ok et nie zoen doen toen is die ene sprankel hoop da ze en zitten plotseling vergoan dus moek ik olles bluvn geven wat dat in me zit zodawe tope olles kunnen versloan rappen is meer dan juste rappen tis een essentieel gegeven van us moderne bestoan cava moat, oe ist me je? ok? mo pakt da nie zo is, no worries, das ook ok we kunnen nie ossan up us best zien of goed in us vel zittn dat is de pendulum die em lat gelden, wa da telt is dat nie tevele ut balanse kantelt nor 1 richting mo dat er evenwicht is tussen duister en verlichting je moe gie nie vuldoen an 1 of andere verwachting, of standoard, zolange daj nie brikt deur de belasting dat et meebriengt, ik en ik ook me slichte weken soms verlies je iets omdaj gin energie et voe der in te steken tbelangrijkst is daj goed bluft zorgen voe jezelvn elke bloem die gin gezoem ontwoart ku plotseling verwelken mo pakt dat niemi goat, en dat et duister bluft daj niet van road mi wit, en daj voruit nie schuift daj mo bluf zitten met je angsten of je schaamtes je onzekerheden, trauma’s, ze zittn toet int geraamte zoekt toen no hulp, zoekt iemand die je snapt probeert te babbelen met etwien ol ist er niemand daj mee klapt we kunnen de wereld an, das woa, moa nie olene mo tope ew aal meer, da geloof ek, echt da meen ek we zien ollemale tzeste, dus zie nie bang voe ki te babbelen met e moat, misschien et ie dezeste angst mo oed ie et even verborgen lik gie, toen snappek daw us ollemale zo olene voeln op zoveel vlakken mo das enkel een illusie, tis nie reëel we zijn zoveel gegijzeld deur uze eigenste desillusies en ontgoochelingen, en de innerlijke discussies in us hoofd, we zien te vaak gekwetst woadeure dawe gebroken zien mo lat us zien wien da we zien, wukke potentie ligt er nie voe te grijpen ow us zoen richten up intentie bewust trachten je gedachtenstroom te termineren ot er juste negativiteit is ant manifesteren en excuseer me, tis nie dak ik wiln preken kzoekn ook mor e maniere dak voe joen iets kunnen betekenen ook ol ziek ier mo juste auditief kuj up me rekenen en voe de rest moetn we’t ol stelln met et gegevene mor ik geloven dat et beter wordt, das nie olene volsche hoop, t’omgekeerde geloven is zeker zot dus khoopn dat vandage goed got, da meenik en hopelijk makt deze tekst je wa minder olene Ik moetn goan, misschien is wa dak ik ier schrieven et enigste wa da sommige mensen nog kun verstoan en ok et nie zoen doen toen is die ene sprankel hoop da ze en zitten plotseling vergoan dus moek ik olles bluvn geven wat dat in me zit zodawe tope olles kunnen versloan rappen is meer dan juste rappen tis een essentieel gegeven van us moderne bestoan

Veel moatn maakn veel handn, veel handn maakn licht werk lichtwerk ew al nodig, up weg nor 1 plek Veel moatn maakn veel handn, veel handn maakn licht werk lichtwerk ew al nodig, up weg nor 1 plek Veel moatn maakn veel handn, veel handn maakn licht werk lichtwerk ew al nodig, up weg nor 1 plek Veel moatn maakn veel handn, veel handn maakn licht werk lichtwerk ew al nodig, up weg nor 1 plek we zien e team, e ploeg, e crew, e groep een assemblage van personages die topekoeken toet een upgewardeerd, overkoepelend collectief e vereniging woa daj nie olene ziet, tis e kliek tis uniek, compagnie, ja tope ew aal meer on we koppen topesteken verdoven we aal t’zeer die je juste mo ku raken oj chauffeur ziet van e solorit want de meeste problemen verdwienen up et moment daj tope zit zo schep je grodder overzicht, de kracht verdubbeld en vermenigvuldigd verder oj letterlijk krachten bundelt 1+1 is juste mo 2 in de mathematica mor in et echte leven kuj vechten tegen de zwoartekracht en zweven oj gedreven bluft bewegen in e groepsverband der is zovele meugelijk oj in e troep belandt toen kuj de troep negeren die anders je leven troebel makt en met vetrouwen manouvreren lik daj in e roedel stapt Veel moatn maakn veel handn, veel handn maakn licht werk lichtwerk ew al nodig, up weg nor 1 plek Veel moatn maakn veel handn, veel handn maakn licht werk lichtwerk ew al nodig, up weg nor 1 plek Tope Ew Aal Meer Tope Ew Aal Meer Tope Ew Aal Meer we zien e team, Tope Ew Aal Meer we zien ollemaal afhankelijk van’t andere we zien geconnecteerd, dus ok ik wijzigen verander ek et groddere geheel, dus zien we ol belangerijk want ieder zit in ieder dus kut ieder ook de kanker zien die an je lief bluft plakken toet dat 1 vervormde brok wordt dus in essentie zorgen we ol voer elkanders comfort en zeer, en tope ew aal meer dus ot iemand pijn ervoart toen ew tope ook aal zeer da volt nie zomo te splitsen tis e kosmische droad die us verbindt en us dus ook ku doen schien in vulle ornoat 1+1 is ossan 3 das nie just e tafereel t’geheel is ossan zoveel meer dan de apparte deeln we zien 1, ossan, nog steeds, toet int oneindige dus lat us deze samenkomst der generoaties eindigen up positieve wijze, de grote revolutie woa da heersen en verdelen nie passn in de constitutie elk van us doe contributie, et liefde voe ze medewezens tracht elkoar te steunen en te begrijpen, ookol weetn we beter geven we et voordeel van de twijfel an ieder en azo bouwn we uze kracht up toet et type kaliber da niemand zomo ku vernietigen, lat us vertrouwn up wa daj wint oj tope Sisyphus ze rotse ku sjouwen toen ziew in stoat voe olles ier te veranderen nor e stoat van connectiviteit woa dat er woarlijks broederschap ontstoat Veel moatn maakn veel handn, veel handn maakn licht werk lichtwerk ew al nodig, up weg nor 1 plek Veel moatn maakn veel handn, veel handn maakn licht werk lichtwerk ew al nodig, up weg nor 1 plek Tope Ew Aal Meer Tope Ew Aal Meer Tope Ew Aal Meer we zien e team, Tope Ew Aal Meer

woa zien we toch mee bezig, en noemn we dit nog leven oj hele dagen moe werken en zwoegen voer upt nippertje t’overleven fret et nie an us geweten on we weten da gezinnen upt ende van de moand nie eens genoeg geld mir en voe te eten olles wordt dierder mo de lonen zie nie gestegen de rijke worden rijker en niemand oedt er ze tegen grote industrieën droaien miljarden en ze draineren de werkende mens in plekke van were te investeren tis te gek, ik zien beschaamd in junder plekke we zoen iedereen ze basisbehoeftes moeten verstrekken ow et kunnen, en tis echt overduidelijk dawt kunnen tis idder dat bepaalde groepen andere groepen nix gunnen en t’wordt nog gekker ot je zukke zaken durft an te koarten zieje direct bestempeld als complotdenker mo tlig al voer uze neuze, tgebeurt int openboar nie achter gesloten deuren mo toch zient deurgestoken koartn die et spel manipuleren, toch bluven we’t negeren oe ist meugelijk daw us deur piroaten loaten regeren politiekers loaten liever geweune menshen creperen in plekke van toe te geven daw moe reorganiseren ik zien juste mo verarming in de steden mensen zien benauwd voe s’winters de verwarming an te steken in de vrees dat ze rekeningen nie eens goan kunnen betalen en et gekst van ol, blijkboar is da et nieuwe normaal arme wereld, is dit wa daj geworden ziet ik zien benauwd geworden voe wa daj goa morgen zien kunnen me nie voorstellen wa dat de nieuwe normn goa zien ot bluft evolueren en de hoop verdwijnt up oplossing arme wereld, is dit wa daj geworden ziet ik zien benauwd geworden voe wa daj goa morgen zien kunnen me nie voorstellen wa dat de nieuwe normn goa zien ot bluft evolueren en de hoop verdwijnt up oplossing ze vliegen in privé jets, andere en zest gin hus voer elke lege portefeuille ej e overvulle kluis zie ze cruisen in ferarri’s, andere en juste bloaren up de voeten en gin bitje geld over voe te kunnen spoaren der liggen miljarden te rotten in grote bankn mo de meerderheid et me momenten zest gin roste frank zoveel menshen die in uze moatschappie oenderbetaald zien z’en zwaarvis upt menu, mo sommige en zest gin maaltied we maakn olene brokken der is zoveel in de wereld mo de verdeling der van is scheefgetrokken kmeugn der nie eens an peizn want et makt me hele zot je zoe biena hopen da wieder leven in e complot want ot er gin complot is kuk mo juste concluderen dat de stoat van uze wereld woarin dat we us begeven wordt beschouwd als e normale zaak, mo das verschrikkelijk ieder seconde wordt uze moatschappie onverschilliger arme wereld, jet zovele te bieden terwijl da ze de meeste van je uplossingn verbieden ik zien dat ze natuurlijke producten demoniseren en de media is doelbewust mensen ant profileren arme ouders, jet zovele te geven mo je mist de vrieje tijd en de middelen voe te floreren je moe zwoegen voe tenminste et minimum te doneren an je kienders en soms lijkt et daj zelden kut celebreren arme tieners, jet zovele te slikken propaganda zorgt daj nor et onmeugelijke wilt mikken der is killo’s druk voe je te gedragen volgens verwachtingn mo je woare wens en wil nimt er zelden etwien in achting arme rijken, jet zovele te leren daj geluk moe delen met anderen oj wilt dat et vermeerdert dat etgene da no boven goat eki goa moetn dalen daj rekening moet oedn of daj de rekening goa moen betalen arme wereld, is dit wa daj geworden ziet ik zien benauwd geworden voe wa daj goa morgen zien kunnen me nie voorstellen wa dat de nieuwe normn goa zien ot bluft evolueren en de hoop verdwijnt up oplossing arme wereld, is dit wa daj geworden ziet ik zien benauwd geworden voe wa daj goa morgen zien kunnen me nie voorstellen wa dat de nieuwe normn goa zien ot bluft evolueren en de hoop verdwijnt up oplossing

der is consumptie dus wien leeft er nog in fantasie wen goeie voeding ingeruild tegen de farmacie de media is nie veel anders of e parasiet en mededogen is vervangn gewist deur apathie uze gemeenschap is nu geweun e matschappie wen massa plekke mo voe niemand nog e platsje vrie nu leven we met de gevolgen van e pandemie mo ol dak woudn wos gelukkig kun volwassen zien nu merkek dak ant spoaren zie voe loater dat de sociale media’s beloaden zien me hoaters en zovele verwachting die onstoan zien en omkoaderd mo ol dak woudn wos e board en lik me voader nu ziej et slichte mor et goeie zit verborgen elke dag ister zoveel troep voe te bezorgen we peizn wel an gisteren mo we zoeken nie no morgen mo ol dak woudn wos e toekomst zoender zorgn ol dak woudn wos e leven met vuldoening e meisje die me gern ziet wa moatn woa bie dat er sprake is van een ont-moeting en dagen woarin dakke zorgeloos zien ant genieten ol dak wou wos e leven met vuldoening e meisje die me gern ziet mo nu zit ek temidden in e foase van ontroering omdat heel de wereld roend me liekt gereduceerd toet niet de massapropaganda oed de steden in bedwang de meeste pedofielen zitn mo voer even int gevang en de grotste boordcrimineeln leven lik et langst mo ol dak woudn wos e leven zoender angst de winkelketens en olene zever in e blik e poar rieke biljonairs en et meeste in bezit in essentie zien we ollemaal oleen up uze rit mo ol dak woudn wos e klein bitje begrip kvraagn men of wanneer da chance em nog moeit oe vaak zie je nog menshen dien iets maken da ze boeit uze wereld is verstoord, de papavers zient ant bloein mo ol dak woudn wos e kanse voe te groeien iets anders wordt bijna direct gecensureerd kzien dat de wetenschap met koele blik analyseert der is gigantische vele, olles ist er lik, tis vreemd want van ol dak woudn ist er lik mo weinig gepasseerd ol dak woudn wos e leven met vuldoening e meisje die me gern ziet wa moatn woa bie dat er sprake is van een ont-moeting en dagen woarin dakke zorgeloos zien ant genieten ja ol dak woudn wos e leven met vuldoening e meisje die me gern ziet mo nu zit ek temidden in e foase van ontroering omdat heel de wereld roend me liekt gereduceerd toet niet

der is zovele voe j’in druk te maken hedendaags zien der olene nog mo drukke dagen soms ziek stukgeslagen, lik e voase porselijn en rest er juste nog mo de tied voe me up te vagen mo ken toch olles in me leven echt wuk kuk nog vragen want elke avond gok ik goan slapen up e vulle mage kuk ontwaken up e plekke woa dak juste up moen dagen en toch kut er nietn van dat olles me gelukkig maken tleevn et me verslagen, ik vien me droai niemi kzien ut de bocht gegoan en nu is elke tocht e soai rit omdak olene toertjes droaien, en e bestemming missen ut de boot gevoln en je ziet me neffest de redding vissen ken moeite met beslissen omda nix de moeite lijkt tis af en toe nostalgisch wereblikken up e goeie tijd woarin dak me gin zorgen mieken, mo tliek zo verre weg dak verre weg willn krupen van de stress tijdens et ochtendkrieken tevele brokken voe te lijmn want ookol bluf ek ier ter plekke ziek vertrokken van de pijn soms passeert de gedachte, gokke der morgen wel nog zien en ok er zien, wuk got de morgen bringn buttn gebrek an motivoatie, dezeste destructieve situatie woa dak olles trotseren zoender precieze indicoatie vant verloop, e cyclische rotoatie woa dat iedere fundoatie wordt vernietigd deur frustroaties in men hoofd der is zovele voe j’in druk te maken hedendaags zien der olene nog mo drukke dagen soms ziek stukgeslagen, lik e voase porselijn en rest er juste ng mo de tied voe me up te vagen mo ken toch olles in me leven echt wuk kuk nog vragen want elke avond gok ik goan slapen up e vulle mage kuk ontwaken up e plekke woa dak juste up moen dagen en toch kut er nietn van dat olles me gelukkig maken der is zovele der is zovele voe j’in druk te maken der is zovele en toch ku nietn van dat olles me gelukkig maken der is zovele der is zovele voe j’in druk te maken der is zovele en toch ku nietn van dat olles me gelukkig maken dus wuk moek maken van me leevn ok doodsbenauwd zien voer e stap te zetten. ok juste mo vergif in me gedachten en ot olles hol is, ist de moeite voer et up te vullen of ist de leegte leern apprecieren en de drukte duldn soms liek et lik dat niet nog werkelijk de moeite is en dat er binnen me juste mo een ergernis ant groeien is amper content met wien dak zien en wa dak utsteken gevangn zien in me cellen en zelden dakke der wiln utbreken tis triestig e, dak zorgen maakn om nietn dat de zunne schient, de veugels schufelen en dak nie genieten dak olene mo gefocused zien up twijfels en onzekerheden dat me nie lukt voer in et heden te leven tmakt me neerslachtig, en das et latste dak ik wiln zien want up ieder vrij moment ek ik me zeuntje in gedachten voer em wil ek me sterk oedn, content zien, vitaal voeln mo vaker voel ek me gelik e walvis die aanspoelt niemir in stoat voe in e flow te graken of voe met uprechte motivoatie iets te bouwen of maken nu zit ek voe de zoveelste ki, no de wijzers van me klok te stoarn in den avond hopen dat we ol e nieuwe ochtend woarn mor elke nuchtend word ek wakker zoender wilskracht met zicht up weer e dag die verspild rakt want oe lude dat meugt dundern in men hoofd ist er gin druppel bie met hoop mo juste mo constante twijfel die me stil makt der is zovele voe j’in druk te maken hedendaags zien der olene nog mo drukke dagen soms ziek stukgeslagen, lik e voase porselijn en rest er juste ng mo de tied voe me up te vagen mo ken toch olles in me leven echt wuk kuk nog vragen want elke avond gok ik goan slapen up e vulle mage kuk ontwaken up e plekke woa dak juste up moen dagen en toch kut er nietn van dat olles me gelukkig maken

misschien aj dezen nie verwacht, omdak ol joarenlang voe liefde stoan mor ieder et ze breekpunt, woa dat ie deur ze knieën zoe goan vroeger dacht ek dat de tijd gingk olle woendn heeln nu besef ek dat ze stelselmoatig dieper goan dat int echte leven zelden over liefde goat want der wordt massas veel verteld mo telkens wordt er niet gedoan just schone woordn dan ze in de groep deeln mo doaden zien nie zichtboar lik e nieuwe moan soms ziek teleurgesteld in menshn en kunk et amper verbergen mo tis zelden dak ze dermee confronteren, kverwerken die zake zelve, nie zo optimaal dat komt vanut de verte mo ken moeite met confronteren, e veels te klein erte die in essentie nie anders wil dan dat ze moatn gelukkig zien daw mekoar bluvn oorn ookol zien der drukke tiedn da we up et vlak van uze passies bluvn nuttig zien dawe elkander elpen en supportn on we up iets springn de koppen topesteken en der steeds et best ut aaln bluvn communiceren want we spreken ol dezeste taal wen e gemenene deler, wieder zien gin deel-nemers mo geheel-gevers, dat oed us allen verenigd lat us toosten up wa komt, nie mi kiekn na’t verleden elkoar trachten te begrijpen en nie zomo redeneren in de plekke van een ander, mor et geweun te vragen of te zeggen, on we tope werken slopen we de dagen toet da weken bijna moandn liekn, want nu ist lik dat de verleden weken moandn lieken dak etwien gezien of gehoord en, tied voe ki te trekken an de noodrem e pitstop, e reset, e nieuwe push en toon zettn ieder van us et soms behoefte an verfrissing et deurhakken van die ene moeilijke beslissing et heldere moment woa bie daj komt toet e bezinning woa daj olles voelt veranderen ol et je der gin zin in misschien aj dezen nie verwacht, omdak ol joarenlang voe liefde stoan mor ieder et ze breekpunt, woa dat ie deur ze knieën zoe goan vroeger dacht ek dat de tijd gingk olle woendn heeln nu besef ek dat ze stelselmoatig dieper goan dat int echte leven zelden over liefde goat want der wordt massas veel verteld mo telkens wordt er niet gedoan just schone woordn dan ze in de groep deeln mo doaden zien nie zichtboar lik e nieuwe moan soms ziek teleurgesteld in mezelvn dak soms teleurgesteld zien in menshen kzoen moetn minder oordeeln, nie verwenschen mo vragen oe dat et komt, dat zus en nie azo is gin verwachtingen projecteren, mo weten dat er e nood is an begrip, kun nie verwachten dat de menshen klappen on ze nie eens weten dak bereikboar zien of et zoe snappen of da minstens zoen proberen, da zadje moeke planten mor ook realistisch bluvn wan tkomt ossan van 2 kanten want soms, zienk ezels ossan mo dezeste steen stoten en volgt er gin verandering dus kunke nie up meer hopen tdoe me zoveel zeer dakke soms olene lopen omdak nie willn gekwetst worden, soms ziek een eenoog in blindemansland, en zit men oog vul met troanen want om de zoveel tied, ist er weerol een hoofdstuk gedoan is men initiële hoop in de rook upgegoan en bluf ek weer olene achter in e gebroken bestoan misschien aj dezen nie verwacht, omdak ol joarenlang voe liefde stoan mor ieder et ze breekpunt, woa dat ie deur de knieën zoe goan vroeger dacht ek dat de tijd gingk olle woendn heeln moa nu besef ek dat ze stelselmoatig dieper goan dat int echte leven zelden over liefde goat want der wordt massas veel verteld mo telkens wordt er niet gedoan juste schone woordn dan ze in de groep deeln mo doaden zien nie zichtboar lik e nieuwe moan

Noemt me nie azomo rapper, kzien mc toet up et bot vroeger gonk nor open mics, nu ziek liever in me kot wa scenario’s ontwikkelen of tverdiepen van e plot et type beats bakken woavan da je speaker nie ontploft tis et soort beat die biedt wa dat diepe zit verstopt yo, e woare ode, tis me liefde voe Hip Hop tgot voral om te genieten van wa komt en up te veren lik e fenix in de lucht, nie lik e kieken zoender kop tis niemand die me klopt but mezelvn ik verliezen m’in e job en bluvn delven toet int diepste van de korst want tzit em ol in d’uppervlakte, oe diepe dat ook got ist up de tast dak manoevreren, ik zien liever up de bots dan in gedachten te bewegen, ik liegn nie, te trots voe zukkn zwakte t’accepteren, en je krieg me nie kapot deur me met angst te confronteren, zolang dak me belang en me verlangens kunnen in ere oedn ku nietn me nog stoppn want t’leven sloa me soms nere tegen dek, mo tis up et moment dak rechtstoan dak de woarde snappen van me tred en et tempo in me passen, men intentie is de sterkte in me rap die resoneert met de frequenties in men erte dus ik vechtn, voe los te komn ok ongewild zoen vaste zittn je doadn in et heden en effect up heel de lange rit je oogst wat daj zoait, dus tklinkt belachelik mor in essentie ligt me toekomst grotendeels ol achter ik je ku me moed doen zakkn, en me verassend dissen mo niet ku me stoppen zolang dak over me lach beschik dus gif ek ik gin kik ol wos ek e karatetrainer confronteren men angsten, want anders groeien z’in quarantaine onzeker zien is vaak geweune twijfel die de teugels ment dus griept de teugels over toen besef je da je vleugels et e pegasus, daj meestol zelve de keuze et voe’t tij te keren, elke regenboog moet ooit ze kleur bekenn’n en straaln, dus lat je nie voe joker zettn je ku nooit oenderdoen oj der echt etwa voer over et d’essentie zit in d’uppervlakte just lik bie e goochelact want niemand wilt de magier ze trucedoos geopend en fuck uppervlakkig zien, ik oedn me up de vlakte Harry zei me: tgoat em om de diepte van uppervlakte ik pakte ol me zelfvetrouwen en k’nam e dukt int leven goengn stillzwijgend verder zoender me nog ut te spreken Eén ding met muziek als het u raakt doet geen zeer en het is ni met ne kogel dak uw geest penetreer want ik plant een idee als wat zaad in de grond elke keer dak eraan denk groeien de woorden uit mijn mond Eén ding met muziek als het u raakt doet geen zeer en het is ni met ne kogel dak uw geest penetreer want ik plant een idee als wat zaad in de grond elke keer dak eraan denk groeien de woorden uit mijn mond Ik vat de zin van het leven samen op een blad Ik ben bezeten door de woorden die ons moeder mij gaf mijn taal de barometer van mijn mentaal kbeletter lief en leed omdak ni beter weet het is een sprong in het donker de vonk aan de lont komt bij u binnen als de waarheid uit een kindermond het blijft hangen in uw hoofd als de geur van een vochtige hond invasief als nicotine in een rokerslong de geest uit de fles ik omschrijf het proces het is geen lijflied maar een lyrisch manifest de woordenschat bevrijdt en ik vergeet de tijd de twijfel ten spijt maar geen onzekerheid het is een duik in het duister een bodemloos vat en hoe dieper dat ge daalt des te harder klopt uw hart in het gat van de nacht zoek ik dekking voor de dag vind ik letters voor de woorden die me vullen met kracht Eén ding met muziek als het u raakt doet geen zeer en het is ni met ne kogel dak uw geest penetreer want ik plant een idee als wat zaad in de grond elke keer dak eraan denk groeien de woorden uit mijn mond Eén ding met muziek als het u raakt doet geen zeer en het is ni met ne kogel dak uw geest penetreer want ik plant een idee als wat zaad in de grond elke keer dak eraan denk groeien de woorden uit mijn mond

schrieven is bewegen want je verzet letterlijk je gedachten nor een ander plek of medium, telkens ot je moe wachten ot e woord nog onderweg is, up weg no je blad toen leg je massas kilometers of in je hersens vo daj der grakt elke stap int schrijfproces is onderdeel van e beweging ieder letter wordt gekruld deur de kromming van men omgeving de trilling van me ledemoatn, zodak et blad beroeren soms zien zinnen nie zinnig, zit er nix up butn z’af te voeren ze komn terrecht in e vacuum van nooit gebrukte lijnen woarin da ze vervolgens sublimeren toet voluit sublieme bars dien in de reke goan stoan voer upgeschreven te worden, ze ijsberen toet dak levendig stoarn int reservoir van me gedachtegang, der lopen spoken roend e drukte van jewelste, pure choas in et hoogseizoen momenten woarin dakke dagelijks ant schrieven zien soms up e blad, soms up pc, soms in men hoofd ok nix nie vien als instrument der vastlegging, tgebeurt in fracties de gepaste tekst kut iemand letterlijk bewegen toet actie ok pennen, verwerk ek informoatie en ervoaring gok vooruit upt vlak van men eigen hioaten en verkloaring azo kom ek toet me zelvn, tis essentieel dak in dit leven aangewezen zien voer et alfabet te bespeeln want zo zettek echte stappen, en t’schrieven is me leven en dus bluf ek noois nie stillestoan want schrieven is bewegen schrieven is bewegen, je ku letterlijk een afstand overbruggen deur etwien te inspireren en letters up blad te drukken t’stelt us makkelijk in stoat voe te trekken deur je gedachten of nie bij de pakken te bluvn zittn, en zitten wachten ieder tekst et de potentie, de wereld roend te reizen elke lezer makt zen eigen versie dat ie ku verspreiden schrievers kiezen woa da ze e personage no toe leiden e lange weg ofleggen of terplekke bluven prijken tzien opties die toet actie moetn komn deur te bewegen tku je voeren langst boulevards van imaginaire steden tku je in e wereld brengn da just bestoat tusshen jen oorn en tis in stoat voe je te doen volgen van nieuwe sporen ieder tekst is e parcours, e route met obstakels e traject woabie daj onderweg betekenis ontrafeld soms e tocht van lange oasem, e koers zoender bestemming tis e roep toet oenderzoek, een utnodiging toet verkenning telkens onk schrievn duw ek letters in e richting tracht ek mensen te vervoeren nor ergens zoender verplichting ieder stap wil ek als keuze loatn zodat de lezer ku beslissen of dat ie toet de destinoatie wilt deuregoan me vingers cruisen up et ritme van gedachtestroomn en trachten de instructies te capteren in men achterhoofd voe toet e plek te komn woa dak et lyrische kun legen dus bluf ek noois nie stillestoan want schrieven is bewegen

Ik en e vloeiboar zwoard lik de GZA van de Wu Tang kzien e soloist mo dak liever met de crew jamn is een evidentie, we doen e bootcamp in me residentie en zorgen dat de groove banged Boeshido is e muzikaal laboratorium kheetn je welkom in me lyricale territorium woa dak de metaforen an mekoar breien zest in gezelschap spel ek woorden just lik in e boardgame je zie me skribbeln en scrabbelen, tis lik dak medeklinkers dribbelen ok babbelen ik pivoteren met me toenge toet dak klinkers beknabbeln der stoa gin grens up me kracht kschrieven et type manuscripten daj onmenselijk acht ik zien een underground rap activist dus je zie me stralen, zest bie e gebrek an radio activiteit want de flow is zo dope, ze verwarren et met wijwoater krockn up de planken lik ol wossek ik e skateboarder up stage verleg ek ik de Norm gelik Macdonald en ik spreekn m’ut zodat nie resoluut wordt upgebottled de cadans is crimineel, ze noemen me soms e flowschurk want t’ritme dak hanteren is meeslepend lik trouwjurkn en ken de inhoud van e deurwinterde redenoar met elke stap dak zetten ziek up e verbale bedevoart kzien kilometers verder, oe verre is nie berekenboar want zest ol ziej van Ecuador kuj me nog nie evenoarn ik zien afkomstig van een ander planeet dus wat dak deeln met junder is verre van antropogeen der zit esthetica in elke bar dak manifesteren want zest de albums dak ik droppn en e tache de bouté ik zien afkomstig van een ander planeet dus wat dak deeln met junder is verre van antropogeen der zit esthetica in elke bar dak manifesteren want zest de albums dak ik droppn en e tache de bouté soms ek ik massas ideëen, ik transformeren een analfabeet in e retoricus deur me klanken te etaleren Ik zien overtuigd dak levenslang goan bluvn fabriceren Ken lik een abonnement up rap dak nie kunnen annuleren Ik zien 24/7 in de weer lik Frank Deboosere in plekke van derover te klappen doek ik et nodige ik grindn an de lopende band lik fabriekswerkers ken meer rhymes van de bovenste plank dan ol de overige mc’s bie mekoar, gin publiekstrekker mo kgon iets verder met et ritmisch decor ojt nu gelooft of nie ik gijzelen je gedachten lik e kidnapper in verglijking met de gemiddelde vlamse gaai ziek ik e kolibrie kzien iets scherper, zest in me minder dagen fuck de schijnwerpers, ik werpen men eigen licht up zaken dus je ku nie fucken met me of ooit up me level graken ik zien de latste overlevende der witte raven ik zitten dagenlang te schrieven lik René Descartes ik moen gin moeite doen zoda me lyrics je verbeelding tartn Ik zien e pegasus omgeven deur wa ezelsveulens Ik zien gemakt voe te grindn lik e pepermeulen 1 bar is voldoende voe't up ze kop te zettn Soms ziej men hoofd rond spinnen lik e kobbenet kostek ooit mor e gig doen lik Freddie up live aid volledig vrij van de blokages dien us stop kunnen zettn Kzien nie et type voer e hele dag an t'strand te liggn kspeeln et spel te gern voe mor ossan up de bank te zitten Ol meer dan 20 joar zienk e lyrische alchemist met ieder ademhaling aal ek zuurstof binnen voe vlammen te spitten kherhaaln die procedure lik of dat e mantra is Ik loatn men inspiroatie roteren zodat nie vaste klit Mo groeit met de minute, doarom dak er zo achter zitten Want tis etwa dat zoveel meer dan juste mo belangrijk is ik zien afkomstig van een ander planeet dus wat dak deeln met junder is verre van antropogeen der zit esthetica in elke bar dak manifesteren want zest de albums dak ik droppn en e tache de bouté ik zien afkomstig van een ander planeet dus wat dak deeln met junder is verre van antropogeen der zit esthetica in elke bar dak manifesteren want zest de albums dak ik droppn en e tache de bouté

ik investeern, int schrijven telkens ok iets interneren geïnteresseerden, begrijpen me ok zinnen creëeren dus ik celebreren, de beats ok ze blind vereren of ok eur op er hoofd zetten met getinte veren infecteren, me blad up et moment dak penetreren revelerend, ontbloot ek raps da mensen respecteren tis geweten, dak af en toe wat ingewikkeld spreken misbegrepen, worden ok soms etwa reciteren recycleren, amper wa bars, ik impregneren frisse ketens, van woorden dak nimmer simplificeren k’destilleren, betekenis zoender me t’expliceren k’importeren, gevoelens woamee dak ik resoneren exploderend, ik timmern en kneden, ik genereren innoverend, e script dak proberen te presenteren k’reflecteren, up teksten vo dakke ze demonstreren k’redeneren, vo dakke de similies selecteren minder zeker, geworden met groeien mor ik exploreren circuleren me gedachten voe dakke ze registreren ik citeren, zelden een ander ik prefereren voe men eigen ding te doen en me keuzes te exprimeren k’existeren, tussen 2 foases dak reguleren simpel leven ik wiln niemand van levenskracht depriveren k’permiteren, mezelvn voe ossan te inspireren k’injecteren, bars daj nie zomo kut integreren ik flown, vanaf tmoment, dat de mic wordt getest tis rauw, engagement, strakke vibes op e set int nauw, pak ek e pen, plats ek rhymes op e track dus dit bouwt, massas talent, arte lines en respect en tis dope, ja fack de trends, das e hype mo nie echt et is flauw, aj bagger pent, ma wel hyped op je raps de zinsbouw, assan present, das de grind nor iets vet de inhoud, verrast de fans, das et cypher effect ik activeren, me pen zodak junder kunnen captiveren k’ balanceren d’elementen vo dakke ze animeren k’fabriceren verassend vele bewegen met rasse schreden kbreken verzeken meer dan zeven regels ak noteren k’annoteren, dak tevens evenredig excelleren int t’evenwicht te verbreken ak moen acclimatiseren an veranderende sferen, ma k’proberen t’aspiren nar et maximaliseren van leven in accepteren k’affirmeren, dak assan t’geschrevene raffineren k’granuleren, de woorden kproberen te assureren dak floreren, dak richting t’integere graviteren ak creëren, olene mor eerlijkheid afficheren k’ambiëren voe vullup me visie te kristalliseren k’affineren me gedachten vo dakke ze archiveren k’adoreren, ok lyrisch kunnen toetern en claxonneren ma tis even fascinerend voe stille te praktiseren wa dak weten, ik babbelen en spreken klappen en kennen de klappen van de zwepe up et vlak van et verbaliseren en ik marginaliseren gin zwaktes, gebreken, ma pakken de kanse voe ze arter te smeden, k’analyseren massas wegen, voe te kun verkennen, te transformeren me pen en me innerlijke stem verder te kalibreren k’navigeren, deur teksten en verzen dak aligneren k’variëren elke track voe kwaliteit te garanderen ik flown, vanaf tmoment, dat de mic wordt getest tis rauw, engagement, strakke vibes op e set int nauw, pak ek e pen, plats ek rhymes op e track dus dit bouwt, massas talent, arte lines en respect en tis dope, ja fack de trends, das e hype mo nie echt et is flauw, aj bagger pent, ma wel hyped op je raps de zinsbouw, assan present, das de grind nor iets vet de inhoud, verrast de fans, das et cypher effect

de nieuwe wereld is nog, oender constructie mo de contouren zien zichtboar de afstanden da we binnenkort ofleggen zien lichtjoarn e tijdperk da brikt met verouderd perspectief en mikt up een ouder perspectief van de goeien oede tied, e gouden tied, e para deisa woa dat et woord nog zuiver is, bespoard van alle heisa gin kabaal, gekletter of gezwets mor olene mo de microscopisch kleine potloodpunten van een ets dien enigzins buiten de lijntjes kleuren, das zwort up wit tis nie te steuren in de richting daj wilt, das onbegrip en on we dit geheel beseffen on w’us richtn up onze rit toe zien we up uze bestemming zoender e bekommernis want onderweg tref je de schattn an, da no gezocht wordn spreekt voluit, je doej tekort oj olles ofkort of loskoppelt van de context woarin dat ontstaan is das enkel mor een omweg ot er e directe boan is die ook wa kroenkelt en draait, tis spiralistisch met dawe ol één zien ist nooit individualistisch of e geval apart, we zien elk e korrel up een utgestreken en universeel gesmeden strand uze rit is al gestart, et zit al in je hart et vertrouwen up elke stap ol ist dikkersten bikkelhard uze inituïte leidt us no woa da we moeten zien ot uze intuïte zuiver is, in tune met wien daw zijn Zoender effort, tracht nietn te forceren et vertrouwen in je buikgevoel Zoender effort, tracht nietn te forceren et vertrouwen in je buikgevoel Zoender effort, tracht nietn te forceren et vertrouwen in je buikgevoel Zoender effort, tracht nietn te forceren et vertrouwen in je buikgevoel lat je nie vangn an e verkeerd moment en gif nie up ot nie vaneerste ki lukt iedere lesse gift us meer dan dawe en dus ieder foute is e kanse up geluk lat je nie vangn an e verkeerd moment en gif nie up ot nie vaneerste ki zoe lukkn iedere lesse gift us meer dan dawe en dus ieder foute is e kanse up geluk tis frustrerend voe te weten dat er zoveel is daj wit terwijl daj ondertussen toch mor etwoashn derneffest zit en dat die kennis, et te weten dajt wit, mo’t lik nie lat manifesteren in je leven, da makt me redelijk sip ok der bie stille stoan, me ploatn zitn vuln juweeln dak upgedoan en deur de joarn en dus ook wiln weregeven deur ze weer te geven, scherpgesteld deur observoatie mor in men eigenste leven lijkt et soms nie toet reloatie te stoan, me wa dak ier beseffen en begrijpen wa dak voelen en juste mo intuïtief kunnen vastegrijpen wuk is kennis oj nie kennis makt met wien daj eigelik echt ziet wuk zoej kunnen weten over echtheid ot echtheid nie ut te drukken volt in lexicon, et moe gevoeld wordn tis dadde da je in de kern ziet, en voelt worden mo soms ej twijfels en ist rappe de gewente voe nor antwoorden te zoeken in je cognitieve center ol wit je olles wit je nix tis pas oj nix wit daj der olles mee ziet, tis wa gemixt tgoat em nie juste over e goe begrip van et geheel mor om de omgang, et stuksje connectie da we kunnen deeln tzit in gie, in ik, in ieder zoender twijfel ol ziej keuning, generaal, poëet of zoender titel ollemale ist us erte die klopt, wa daj ol peizend juste mo complexer makt verstoa je erte azo Zoender effort, tracht nietn te forceren et vertrouwen in je buikgevoel Zoender effort, tracht nietn te forceren et vertrouwen in je buikgevoel Zoender effort, tracht nietn te forceren et vertrouwen in je buikgevoel Zoender effort, tracht nietn te forceren et vertrouwen in je buikgevoel

sommige dagen ist lik of dat olles liekt te goan voe niet zoender stress, zoender druk, up et ritme van e beat gin frustroaties in de lucht, gin boksers in de ring mo conversoaties met moatn over de olledaagse dingn tzien die dagen woa dajt leven pakt lik oe dat wordt gegeven stoat er soms eki bie stille, tis nie vanzelfsprekend dat et van e leien daksje lopt, tis meestol achteraf dawe mo pas beseffen wuk kracht dat diene dag bezat in et moment kunnen appreciëren wuk da schoonheid is zoender de flow te breken is e zegen en tis noois nie slicht voe je der an t’herinneren, tijdens de minder dagen want een onbewuste houding is blind voe de hinderlagen die up ieders pad komn, je zie gewaarschuwd beseft dat er e licht zit an de bron van elke schaduw dat iedere medaille int leven ossan 2 kanten et owe dat accepteren gow et sowieso et langste trekkn Geluk zit meestol in et miniscule der zien gin cheatcodes of e werkende formule die us ossan in et licht werpn, tis varierend das de wijze woarup dawe beide dingen kunnen appreciëren ja geluk zit meestol in et miniscule der zien gin cheatcodes of e werkende formule die us ossan in et licht werpn, tis varierend das de wijze woarup dawe beide dingen kunnen appreciëren voer et gene da ze zien, je got zo zwoar nie en oj beseft dat beide zijdes elk een eigen woarde en up dagen lik dendezen ziek bewust van me geluk van de afwezigheid der twijfel die me anderzijds bedrukt Merci, da zeg ek binnensmonds omdak content zien dak gin hoar vien in de beuter das zeker gin evidentie dus vandage ziek ik dankboar, das de essentie dajt nie zomo lat passeren lik of daj et ol gewend ziet we willen olene goeie dagen, we verdienen da of da maken w’us soms wijs, mo je et er juste niet an moest et ossan vlotjes lopen, toen kujt nie vergelijken tis de wisselwerking tussen beiden die us ku verrijken ma das zo makkelijk gezeid tijdens e goeie dag da weet ek mo tis beter oj et zelve nie te moeilijk makt en af en toe ki reflecteert, toen ziej olvast beter gewapend tegen dagen woarin daj et leed moe dragen van et huidige moment, de taak is nie zo groot oj af en toe ku stoppen met de automatische piloot dat we meestol in vertoeven, en olles up e reke zet proberen met e frisse blik te kieken nor etgeen daj et we zien zoveel gefocused up wa daw ontberen tzoe beter zien on we die denkwijze kunnen transformeren no de zaken dat we wel in us bezit en, toen weet ek daj de slichte dagen ietsje makkelijker ku trotseren Geluk zit meestol in et miniscule der zien gin cheatcodes of e werkende formule die us ossan in et licht werpn, tis varierend das de wijze woarup dawe beide dingen kunnen appreciëren ja geluk zit meestol in et miniscule der zien gin cheatcodes of e werkende formule die us ossan in et licht werpn, tis varierend das de wijze woarup dawe beide dingen kunnen appreciëren

We willn e klim doen in de Himalays w’eten zelden nog een appel we prefereren papaya’s we richten us toet exotische planten voe vitamines ieder wilt em wagen an e wagen ut de magazines we zoeken no’t bijzoendere in et extravagante we’n vaak olene mor oog voe’t extreme en et riante tis voral e misperceptie mo da zien we nie zo snel want de meerderheid wilt daten met een Instagram-model tis fake, gemanipuleerd voe meer bereik en bevestiging over et type leven dan ze leidn en we goan der ol in mee, we willn de nieuwste updates de kers up de toart mo we geven nie om cupcakes we genieten nie van pootjesboaden, we surfen nor et diepe we verkiezen vaker lust boven de liefde en we zien dus massas weinig van de pracht in de omgeving omdawe noois content zien en ossan wiln we iets meer vien we zien nie in daw in e wonder leven we minimaliseren olles zoender reden we zien up zoek, mo doadeure ook gedoemd voe steeds vorbie te goan an olledaagse bijzonderheden we zien nie in daw in e wonder leven we minimaliseren olles zoender reden we zien up zoek, mo doadeure ook gedoemd voe steeds vorbie te goan an de olledaagse bijzonderheden der is weinig die je zoveel energie gift lik e glimlach tis gratis, mor automatisch et e diepe impact e compliment kut us verwijderen van apathie e poar goeie moatn dien je rotse in de branding zien zien echt zovele meer werd dan geliek wuffer product zoveel meer werd dan et imaginaire construct dat dagelijks wordt voorgeschoteld en angekled met vernuft mo die zelden bie ku dragen an e diepgedragen geluk tzit em in de kleine dingen, soms zest in et miniscule in e blik, in e zucht, in menselijke scrupule mo we zient als vanzelfsprekend, dus willn we ossan meer mor e dag zoender zever, zoender zorgen, zoender zeer is echt goud werd, dus concentreer je up etgeen daj et up t’moment daj et bezit, stoa soms stille ut respect voe wien daj ziet, voe wuk daj ol nie doet en voelt direct oe dat et kleine ku leiden tot et ollergrotste effect we zien nie in daw in e wonder leven we minimaliseren olles zoender reden we zien up zoek, mo doadeure ook gedoemd voe steeds vorbie te goan an olledaagse bijzonderheden we zien nie in daw in e wonder leven we minimaliseren olles zoender reden we zien up zoek, mo doadeure ook gedoemd voe steeds vorbie te goan an de olledaagse bijzonderheden

Beste lusteroar, tis gek oe damme wieder ieder connecten ik weetn nie eens zeker of daj nu wel ziet ant checken jet misschien zoveel gecheckt dat nu ant speeln is in gedachten jet nie eens de tune nodig zo daj me zoet oorn klappen en ot da de situatie is, ja ot dit et type verse is, die de ganse dag in de rotoatie is toen zien der sowieso gevolgen an me woorden en toen wil ek daj olene nog et volgende moet oorn merci, zoender publiek spreken we nie van artiesten mo van individuele componisten dus tis gie die voe mien der voe zorgt dak kun zien wie dak zien zoender schijn of gespeelde compromissen khoopn daj vandage een goeie dag kent en dat je juste up et positieve afstemt daj in de flow zit en da nietn je nog afremt ik hoopn dat uprecht dus zie trots up wien daj ziet want van mien krieg je bodemloos respect ik hoopn dat de liefde lik e domino effect over je heen volt, dat er gin stress is in je dagen en ot wel zo is, dat je de kracht vient voer et te dragen ik hoopn, dat lukt voe de druk te verlagen dat er voldoende is int leven voe je gelukkig te maken dat deze woorden je raken toet in et diepste van je zien want dit verse is, specifiek geschreven just voe gie tvolgende verse is specifiek geschreven, just voer ik e reminder voer up dagen dak der lik wa deure zitn lat je kop nie zomor angn, lat je nie azomo doen want upt ende van de rit kom et ollemale goed je’t zovele voe te leven, das onbetwistboar ol is da nie ossan ieder seconde zichtboar ik hoopn da, oj de volgende ki deur de mist goat daj wit dat er an et ende van de tunnel licht noast daj nie moe twiefeln an je zelvn, mo daj goe bezig ziet dat er gin woarde zit in te bluvn angn in de verleden tied dat er gin redens zien woarom daj zoet onzeker zien ookol zittn der soms volsche noten in je levenslied de melodie is sterk genoeg voe dat up te vangn en ookol wit jet nie ziej ossan wel bewust ervan dus bie deze wil ek je der an herinneren en hoop ek dat de zorgen in je hoofd rappe minderen je moe nie stressen ot et ffkes lik nie goat want niemand in de wereld is perfect ossan in stoat voer up elk moment te schittern, et wisselt of et is nie tof da wit ek mo ik wil je juste mo verwittigen dat leven nie ossan perfect moe zien mo dat er ook voe minder momentn en situaties moet e plekke zien en we zien ollemale tzeste, dat is just dus et verse is, specifiek geschreven, just voer us