Ik komn toet rust op de moment dak ik me stylo up e blad kun legen kbluvn ossan schrievn mo toch voel ek me soms afgeschreven non-stop actief, ookol oed ek me soms afgelegen ek de penne nie met rust kun loatn in de latste weken met rasse schreden zettek stappen up verzande wegen loaten sporen achter voe dedie dien under oois nog up me pad begeven woordn mak et groot en kuke plooien in elke richting dak men hand bewegen, oor ek een akkoord toen ziej me ritmisch up de trilling van de klanken zweven … ik streven nor e leven woa dak minder energie moen in e masker steken…. ik zie mie… de enemy is dak me allerwegen up de allomtegenwoordige maniere van communiceren af gon geven der is nietn zuver of verkwikkend an e platgestreken klachtenregen dus focus ek me niemir up kleine belachlijkheden kweetn dat t’karakter van de ploaten in de krassen steken … dus kproberen van te loaten, gin contact te breken met de imperfecties die me leren in balans te leven ...dat de kleine zaken zien die meestol massas wegen is et twuk dak wistn vant moment dak voen de eerste ki de latste regel spraken tegen e moat deur de omstandigheden …beide veels te koppig voer als eerste wa te geven …kleine fouten kun us leiden toet de ardste levenslessen doarom dak et nerepenn omdak der van kun leren … kanaliseren en k’analyseren dat us leven in essentie d’echte school is woa daj groeit en nie wa dan z’in klassen geven voorgeschoteld kriegt mor e compacte reden woarom daj de zaken zus of sowieso moet accepteren ik assembleren elke letter vo dak em tussen de massa integreren, t’denkproces afficheren kmoen me toeng nie kalibreren ne stoa scherp van 24/7 roend te patrouileren in de groeven van me leven

SS - Zoektocht bie olles da gebeurt ziek ik ant zoekn achter reedns kdrinkn ut de kruke van pandora voe te proeven vant leven mo tsmakt verschrikkelijk, en de nasmaak dak plachten te vien komn nie onmiddellijk,  dus schraapek me keele, en oedik vul omdak weten dat er e mildere toets is in te vien, de postkoetspoetsier poetst de postkoets met de postkoetspoets ma lat ossa kleine vlekken over tleevn is perfect mo menshn wilnt olene vlekkelozer da zien d’echte rovers, pakt me schoonheid of mo zeker nie men imperfectie, ken da nodig ol je volsche schoonheden da zie nie men interessje boodschappen zien nie woardevol genoeg mi voe te steken in e flesje de menselijk essentie goa verloren in de golven onder invloed van overvloed van overol bedolven ze vervolgen ol da volt butn de rol van rolmodel zoeken soldaten voer e spel ze volgen volsche kolonels zoender te twiefln an de missies de permissies is gegeven de visie is geconditioneerd gewist in je leven mo oe stoat et met de gemiddelde burger ze conditie ziewe fit of zest te lam voe in tekenen op petities revoluties in de stroaten, mo de meuren vangn gin kogels … ze ketsen of toet in de kern van kleine brogel ze lappen us derbie met da pedagogisch gegoochel … want leren up jezelvn is in under ogen nie nobel ik zien ant zoeken nor betekenis, verkloaring krpobeern te leern ut men ervoaring mo soms ist genoeg Ik zien ant zoeken nor betekenis, verkloaring krpobeern te leern ut men ervoaring mo soms ist genoeg ik zien ant zoeken nor betekenis, verkloaring krpobeern te leern ut men ervoaring tis genoeg Ik zien ant zoeken nor betekenis, verkloaring krpobeern te leern ut men ervoaring tis genoeg mo tis genoeg, noest ploetern vroeg up zoek, zoender dat er iemand an je peist, e schoender beroep,  e vloek, zoejet nie doe, twa goeds, of ziej te moe tis goed, kvoeln de woede binn in me bloedn, mo ken die blik van je m’en fout en kloatn zien, me vrieheid stikkik achter slot en grendel ...terwijl dat ie kan wareren in de zotste tempel dat er is, em wentelen in et groste antal keuzes verder vendelen zoender verder te moen checken da je neuze kbluvn ossan mor up zoek, ol wittet nie wa dak ant zoeken zien tgif me da gevoel dak ossan dichter bie me roeping zien me pad, me boane, de goeie tiedn moeje viendn, doe je ding, oefening boart kunst en kunst is de route no me doel ol ist soms moeilijk voe tgevoel te vien da past bie men emoties en me moodswings soms kut ol goed zien, soms niet de moeite zien en zoekek mien e blad voe te go vien wa dak ol ol die tied ant zoeken zien e goudmijn, men eigen goesting, oede wien voel je mien of ist er nood an e twad anders da verandert voe nog goed te zien? kontmoete miene held deur in de spegel weg te kieken boetedoening wa dak gistern geetn en is up de groend te vien .. soms lieket of dak ik dak e moenster zien en soms kuk e gezellige geweldige ontmoeting breinen mo kmoete mien kalmeren, anticiperen up goeie dingn tis pas ok niemi go zoeken dak vien wa dak moetn vien kzien mien 3 stappen vorut ant platsen  kmoe gin groep mi vien, want ik en momenteel de coolste crew roend mien we connecteren in de booth omdawe goed ant grooven zien we doen’t nie omdat moet, mor omdat moet dammet ant doe zoe zien voe cool te zien ? fuck et!, voe boel te vien? fuck it! we doen’t omdawe kiekevel van olles deur die woofer kriegn kbluvn ossan zoeken mo lat et ik ent gevoen tis nie et vien moet zoeken zelve daw als menshen ol de moeite vien ik zien ant zoeken nor betekenis, verkloaring krpobeern te leern ut men ervoaring tis genoeg Ik zien ant zoeken nor betekenis, verkloaring krpobeern te leern ut men ervoaring tis genoeg ik zien ant zoeken nor betekenis, verkloaring krpobeern te leern ut men ervoaring tis genoeg Ik zien ant zoeken nor betekenis, verkloaring krpobeern te leern ut men ervoaring tis genoeg

De wereld is een open boek, oj mo bereid ziet voe te lezen en der is een overvloed an teksten da we zien vergeten plots zien plotseling in e context geweven die nie vanzelfsprekend is, dus bleevn we oenwetend over zovele verhaaln, geschreven tussen regels zoveel letters dien utmondn in varierende wegels tis antiedn, nog eki wa lezen, tis belangrijk voe te weten, wad dat er stoa geschreven in de kantlien sommige zaken zien bewust nie oenderstript mo bevatten de essentie van de tekst in 1 zin tis pas oj zelve leest daj inzichten go kriegn iedereen kut je vertellen, mo de pagina’s go zwiegen oj jen oorn nie openstelt… tkomt ossa van twee kantn der zien romans, theatherstukken, dichtbundels, kranten der is zovele voe te lezen… een anekdote daj passeert langst de stroate ku je leiden bie de reden van je leven, je lees et in de ogen van je medemens in de handelingen van iemand die voe vrede wenst in de lach van kleine kinders die nog speeln me tekst en lezen omda lezen under meer dan de tv vertelt iedere steen of flok sneeuw bevat e woord e letter, verhaal, mo vaak ist ongehoord we bloaderen te weinig in et grote boek des leven en dus snappen we’t verhaal nie, en voeln w’us onbegrepen us leven is een open boek tgeheim stoa geschreven tussen haakjes… go nie up zoek mo leest… tis nie om ter rapt een einde haaln
tgot om wa dajt leert oenderweg in et verhaal us leven is een open boek tgeheim stoa geschreven tussen haakjes… go nie up zoek mo leest… tis nie om ter rapt een einde haaln
tgot om wa dajt leert oenderweg in et verhaal tmomtent daj een ervoaren lezer zien gewordn ist tied, voe zelve tverhaal mee te goa vorm je schrieft ol heel je leven in et boek mo tis mo nu daj beseft, da wa daj schrieft, der werkelijk toe doet tis joen verhaal, gok nie up e pronostiek mo lat et em belopen.. toen wordt et zo uniek gin inhoudsopgave nodig, mo lyriek en promoveert jezelvn toet de tastbare protagonist tis mor e klein rol dam speeln mo toch elke scene moe gepast zien, zodat verhaal klopt we worden dagelijks geconfronteerd me woordn oj goed lustert oor je in de verte metaforen we kunnen us leven beteren deur te stoppn met die -ismes behalve tan de kwaliteit van woare aforismes tzien spreekwoorden, fabels en gezegden der is zoveel te vien in de wereld oj mor openstoat voe tekstn dus sterkt je boekekast… en vult je rugzak met ervoaringn, vele vragen mo nog vele meer verkloaringn tis simpel, nie olles moewe snappen mo trachten te begriepen, en van absolutismes of stappen us verdiepen, int relatief karakter van de tied zied de zaken in ze context, oj zelve zaken schrieft en vooral.. oj kloar ziet, met schrievn van e hoofdstuk moejt deeln met ander mensen want ze ennet meer da nodig us leven is een open boek tgeheim stoa geschreven tussen haakjes… go nie up zoek mo leest… tis nie om ter rapt een einde haaln
tgot om wa dajt leert oenderweg in et verhaal us leven is een open boek tgeheim stoa geschreven tussen haakjes… go nie up zoek mo leest… tis nie om ter rapt een einde haaln
tgot om wa dajt leert oenderweg in et verhaal

Gin nood an groupies, k’oedn sowieso me flow sterk whoopi, want ik zien up zoek achter me goudberg gin rookie, of veteroan mor ergens in de midden omdak an de weg timmern die verboendn is an me bouwwerf ieder rauw vers dak schrievn, lattek drogen wa curen, zodak de potentiële kracht verhogen ik investeren tied in me passie toet aan de kern dus zit er 15 joar vakmanschap in elke bar dak pen’n wa mak et ut, ol schreevek nog mo 37 dagen gaf ek elke ploate dak creërde olles da ze vragen men eerste grote liefde, muziek, de taal het leven als geheel, het grote kosmische verhaal doa verliez ek m’in… zoender de angst van Pascal et oneindige volt nie te reduceren toet getal goat up zoek, no oe dat olles interconnecteert je go leern ut et leevn, oj mo simpelweg probeert … geloof nie in de zaken daj ol tlangst oort der zien olene vragen zoender antwoord zoek no jen eigen argumentn vergit wa daj geleerd ziet, en start me kersverse fundamentn … geloof nie in de zaken daj ol tlangst oort der zien olene vragen zoender antwoord zoek no jen eigen argumentn vergit wa daj geleerd ziet, en start me kersverse fundamentn jen eerste schooldag… is oj je eerste stappen in de wereld zet in ieder kleine rimpel schuilt e boodschap met vlag en wimpel wordt er zelden gepresteerd mo doe je best… das tenige da je ku geevn leert e les… tmoment dat leevn j’up de proef stelt je goa zien dad echte kennis no je toesnelt tis de reflectie in de spegel die je leraar is leert ut je fouten voe te groeien, soms ist meer dan misgelopen, mo tis wroeten voer e vrucht te fabriceren … gelooft ze nie on ze je willn limiteren want… olles is meugelijk, zolang daj der mor in gelooft we zien van uze meeste droom’n beroofd achter de schoolbank, woa dat in kotjes en in regels zit gegoten, woa da woorden nie de magische betekenis ontsproten, mo juste nog e lege huls van taal zien verloren int gezever van e verkeerde vertaling de wiskunde is gin kunde mi vant wissen mor ossan meer formules dien us allen doen vergissen tussen tellen en da da telt… we weten niemi wiene te vertelln ot nie ergens in e gazette werd gespeld e spel van woorden woa daj in gevangn zit mo brikt los, en gift olles e juste platse of je sloat de bal mis volgt de betekenis van woorden, het teken in de rumte die je leert wa daj moe weten… vangt de storm in de luwte … geloof nie in de zaken daj ol tlangst oort der zien olene vragen zoender antwoord zoek no jen eigen argumentn vergit wa daj geleerd ziet, en start me kersverse fundamentn … geloof nie in de zaken daj ol tlangst oort der zien olene vragen zoender antwoord zoek no jen eigen argumentn vergit wa daj geleerd ziet, en start me kersverse fundamentn

Frederique is 27, ze leven is getekend deur muziek hele dagen up ze kamer, nis verenigd met ze clique ze tapen, schrieven zotte teksten, maakn tracks en droppn zukke zotte freestyles… soms ist lik nie echt mor upt moment dat iedereen ol no ze kot is is frederique nog ant goan toet dat de zunne olweer up post is ne vient iets magisch int creëerende moment gebeten deur e lyrische bacterie schrieft ie tekst achter tekst … up uptredens got ie tot upt uterste ze hele ziel zit in ze stiel, nie juste uterlijk mor innerlijk is frederique verliefd up moment dat de snare no de kick lacht up e chille beat nis nie bekend, ne rapt voe homies en familie gift wa feestjes mo is nie zovele bezig met e visie ie wilt rappen, mor ookol duwt ie letters ut ze pen ist ie biena nie gehoord, tis e rapper zoender stem … Underground, gekend bie e select publiek, mo niemand die je talent ergens ontdekt t’effect, je et wel wa te zeggn mo zit klem en dus zie je in essentie mor e rapper zoender stem … Underground, gekend bie e select publiek, mo niemand die je talent ergens ontdekt t’effect, je et wel wa te zeggn mo zit klem en dus zie je in essentie mor e rapper zoender stem … Frederique goat ossan zwoarder in ze trip e poar dope shows, en ze flow werd upgepikt ze skills up de mic, zien nice en da werd upgemerkt, en plotseling wos frederique gesignd e stroomversnelling, 3 clips up 2 moandn tied en ol ze oede zorgen en frustroaties wost ie kwiet een album met bekende producers lag int verschiet en de uptredens volgden rapper dan daj ku vorzien achter een ende wordt de druk em wa te vele toet da ze drummer em e middeltje komt anbevelen “probeert eki wa coke, doemee bluvn je presteren” en deur dat ie nie faaln wilt, wilt ie et proberen ne lat em meer en meer beinvloedn deur de fame nu rapt ie nie mir over princessen mor over wijven verblind deur et geld en de sterkte van e trend ist ie achter ol die tied nog ossan rapper zoender stem … Succes, gekend bie iedereen mo niemand die je kent, nog nooit azo oleene met jezelvn gewist, nu zit je me je fretter up e scherm mo je zeg niet, want je ziet e rapper zoender stem … Succes, gekend bie iedereen mo niemand die je kent, nog nooit azo oleene met jezelvn gewist, nu zit je me je fretter up e scherm mo je zeg niet, want je ziet e rapper zoender stem .. frederique is biena 37 volledig coked up, de latste joaren veels te heftig ant forceren, ze leven stoat upt randje van ontploffen in de middag wakker worden in ze sloffen e flesse wiskey vaste vant moment dat ie ze voeten ut ze bedde zet ol joarn nie in stoat nimi voer ergens nog e set te rappen ne casht royalties, en doet reclamespots en zit in zukke manshion da ze label em et aangekocht mo tis gedoan met de pret, ne wordt geweigerd nog te weun up under kosten want ze kotsen van ze cijfers echt niemand kopt ze ploatn, upt internet zien fans afzijdig van de binnenpretten up ze latste track ant hoatn nis hele fucked up, et nix niemi te zeggn et gin flow niemi lik vroeger, is nog mor e fragement van wa gewist is, nu ist ie ergens onbestemd zoender te communiceren, e rapper zoender stem fuckd up, gebroken en gebrijzeld ...en niemand in ze dichte kring die t’e verijdeld nu is de hoop verloren, tis erg voe te beken’n mo ne bluft achter die joarn toch e rapper zoender stem fuckd up, gebroken en gebrijzeld en niemand in ze dichte kring die t’e verijdeld nu is de hoop verloren, tis erg voe te beken’n mo ne bluft achter die joarn toch e rapper zoender stem

soms zitten we up uze knieën, terwijl dam rechte zoe moetn kun stoan en bluvn we investeren, in de verlamming in plekke van zwoar te goan je moe, geloven in goeie facetten vant leven, en proberen, deftig te geven, olles da nie te verstoan is relativeren, zet je mo nere ot te zwoar komt, de tocht is grof en olles stoat up ze kop dus fuck e handleiding, tgot erom te bounced up je erteklop e wedloop, gin fishish in zicht, niemand ku win soms ist e venijnige rit, en wit je niemi goed wat daj nog wit tkomt zwort vo jen ogen, je strukelt temidden e wormgat die opslopt, tis focked up, mo wacht nog e bitje de vorm af tgo loskomn, tis zo stom, te stoppen voe dat is verloorn dus rad ek ik an, et oar up je handn te loatn stoan, lopt no voorn in de reke, begint mor an, gin utstel mi, mo vinnige drang voe in et belang van jeen eigen geluk, de winst te vangn tis abstract, mo swaat… zo simpel lik ofdat mo groot is tis leven upt gevoel, wetende dat er e grote nood is

Ik kun de inhoud vatten van et luchtledige
luchtige regels geschreevn mo nu terug steviger
de interne druk bezigt de upleevende drang
rustgevende klank verdedigt de hang no vluchtwegels, open schetsplekken
kromme kronkels loatn in plekke van ze olene te willn recht trekken
bekvechten vermijdn en les trekkn ut lijdn
introspecteren en rustigweg an de rest werkn 
 woorden verwoordn oe daj wilt
fuck de stoatus quo, kvoern nietn in me schild, tied ist er genoeg verspilt
tied voe te vergeten, niet mi weten
mo bewegen, verzin en de zintugen meten
 met de wereld, toetsen, ofwegen, wikken, weken
an e stik, e stik van de wereld zien daj nie wist
dat er nog wos, leven up de tinteling en blos
up de rimpels en de vlotte wiemperslag van echte trots gecentraliseerd in de ander, periferie
gin centrum die ietsiepietsie idiosyncratisch egoïstisch bliekt geconnecteerd... verdween in de groddere golvn
zieke bedolvn oender liefde die verbindt, antrekt, de zwoarste kracht die kans et
voer us te doen zien da nie elke mens dezeste klank et mor olleman muziek is... n1’n ze plan trekt
nandern nie vorutgrakt, em van te vele an trekt DA, is oe dat uze wereld in mekoar zit
WA, verstoake ot er nietn te verstoan is
LAT, jezelvn weten dat nog nie gedoan is MA, dat er voe elke mens een ander boan is DA, is oe dat uze wereld in mekoar zit
WA, verstoake ot er nietn te verstoan is
LAT, jezelvn weten dat nog nie gedoan is MA, dat er voe elke mens een ander boan is .... leve de gestaltpsychologie Heraclitus zei me: kiekt, of de wereld stroomt vorbie
en k’namen e duik, dieper der up ut dan Jules Verne 10000 mijl diepe in men eigen vule kazerne woa dat stof ol up de meubels lag, mo tgot om ergens begin, der volgt e stofwolk achter iedere vleugels slag e koprol, me kop rolt de geneugtes af en land temidden Gogol en Breugel via’t zigeunerspad int hol van me geheugen vast, de sleutel van de deugd past in elk slot, zolange dat de deugd gin keuze was of initieel misschien mor achteraf ist enkel mo jen erte die ku kiezen lik of dat gin echt bewuste “keuze” was tis up de flow, de golf van Kanagawa volledig overspoeld deurt gevoel van Paramatman met olles in contact, tact vol vol-ledig ledig ek me vulle leegte up de de leegte van e blad … juste de slichte dingn zien juste in da slicht zien et duster nie anverdn ist vanbin’n in je oentwricht vien gif et ze juste plekke, want deur licht creëer je schaduw aj warmte wilt ervoarn lik e zwaluw of e beer die boom’n open schart voe detoxificoatië t’enzym immuunsysteem activeert zoender besef van de gevolgen van zen actie, mo toch bluft ie in rotoatie toet dam em verjagen en us zelvn plagen met lagen toxificoatie DA, is oe dat uze wereld in mekoar zit
WA, verstoake ot er nietn te verstoan is
LAT, jezelvn weten dat nog nie gedoan is MA, dat er voe elke mens een ander boan is DA, is oe dat uze wereld in mekoar zit
WA, verstoake ot er nietn te verstoan is
LAT, jezelvn weten dat nog nie gedoan is MA, dat er voe elke mens een ander boan is

… de eerste stap is vaak de nelf van et traject mo der stoat e grote drempel woadeure daj em nie zet tis imaginair, der is gin drempel mo morgana fata, tis quasi illusie, want je gift de foute data aandacht je moe je vleugels opensloan… details zien nu nie van belang, dus lat je nie azomo vangn deur daedalus de zunne ku je wel verteern, mo tis zwichten oj nie ziet dat ie vooral in stoat is voe je te verlichten zie nie benauwd en lat je drive je nie ontnimn de top bereiken doe je vaak geweune deur te klimn tis durven, talenten investeren … accenten integreren, proberen je stem te accentueren tis goan up je gevoel, je kut anticiperen mo tmoment daj int moment zit, moej momentariseren proberen de beweging van je denkvermogen stop te zettn … andacht schienken an de werking van verborgen wetten We loopn soms verloorn we vien lik uze weg nie, mo tis perceptie tzit tusshn 2 oorn, tis oe daj gie de beeldn up je netvlies vertaalt, nor e verhaal met je eigen woordn We loopn soms verloorn we vien lik uze weg nie, mo tis perceptie tzit tusshn 2 oorn, tis oe daj gie de beeldn up je netvlies vertaalt, nor e verhaal met je eigen woordn … de tweede stap briengt je direct bie je bestemming de gewenning is de katalysator voe de ontremming tis planning, en losloatn, oj los goat, moej loststoan van kwellende gedachten, je moe goan zoender daj ofgoat de kwelling van et wachten zit em vaak in de verwachting oneindig veel facetten bluvn stijgen in men 8ting up de rit vrie van belastingn, bagage doek ik weg ok toch kun leven van de vruchten da we plukken oenderweg nu ziek gesprongn, me vleugels zien gespreid en utgewroengn tis glijden up de stroming, oengedwoengn ziek ant waven up de golf en volg ek wijselijk en groendig up et ritme van de wereld die em ier et aangekondigd der is e plekke voer us ol mo tgot em om wa daje doet tmoment daj zie gevolln je moet upstoan, bluvn verder rolln nie upgoan in de slichte vibroaties mo je weren teegn et vaste protocol je eigen boane maken, jen iegen route kiezen je hoofd is leeg,...mo wuk e je gevoel te bieden lat je mo zweven deur de lucht 2 voeten up de groend, ej komt gin stap vorut up je vlucht dus lat et zien… en vlindert verder deur et luchtruim oj goed kiekt is de wereld een openluchtfuif mo lat je nie azomo vang deur de consumptie want der zien nie vele feesters, tis juste mor illusie We loopn soms verloorn we vien lik uze weg nie, mo tis perceptie tzit tusshn 2 oorn, tis oe daj gie de beeldn up je netvlies vertaalt, nor e verhaal met je eigen woordn We loopn soms verloorn we vien lik uze weg nie, mo tis perceptie tzit tusshn 2 oorn, tis oe daj gie de beeldn up je netvlies vertaalt, nor e verhaal met je eigen woordn en de derde stap is in essentie gin stap niemi tis automatisch roend bewegen, weg ut de gevangenis ….de tralies is verdween en ofgebroken nu ist leven voe je dromen, anticiperen up vermogens die verborgen zaten… tis stormjagen tijdens windstille dagen… en van de inhoud de vorm maken tis slapen en oentwaken ut e cyclus van bedrog nu ist schaken met e zicht up je tegenstander ze tocht 7 stappen voornloopn up Jacob ze ladder mor als rups moej nie proberen te fladderen tis wachten, werken, en nie te vele jammern en tzoe jammer zien ot langer deurt, want tkut echt vele rapper damme peizn… tis mor e kleine klik verwijderd … je droom beleven stoat ol joaren in de steigers dus is tied voer em te griepen, want tet ol zitten riepen en tmoment daj em goa pakken goj de boane kun begriepen We loopn nie verloorn we vien’n uze weg wel, mo tis perceptie tzit tusshn 2 oorn, tis oe daj gie de beeldn up je netvlies vertaalt, nor e verhaal met je eigen woordn We loopn nie verloorn we vien’n uze weg wel, mo tis perceptie tzit tusshn 2 oorn, tis oe daj gie de beeldn up je netvlies vertaalt, nor e verhaal met je eigen woordn

us leven is soms flauw, vooral zoender de vrouw, ist mo nix, dus zen da goe gefixt met de splitsing der geslachtn… tliekt e coole trick mo tis nodig voe de eenheid te bereiken in gedachtn us leven is soms flauw, vooral zoender de vrouw, ist mo nix, dus zen da goe gefixt met de splitsing der geslachtn… tliekt e coole trick mo tis nodig voe de eenheid te bereiken in gedachtn De splitsing der geslachten, et uteenvolln van elementn tot scharneringn dien e verbinding plachten te creëern, up zoek no’t tegendeel e soulmate, de woare jolijt van et geheel te kun ervoaren, her-voaren, dus upnieuw de stroom in de styx up, geloovn in de tegenstelling, zoender publieksdruk …. de wereld is gespleten in 2 grote fragmenten tis de barst, antrekkelijk genoeg voe us te tarten dus we prentn uszelvn in… up zoek te zien no tgene … daw missen… we voelen us meest van ol voral olene we zitten in e race, e reis, we rijzen upt moment daw bin us vien wa da vanbuten nie ku rijpen up da moment ziej kloar, de ander tegemoet te komn te ontmoeten, ont-moeten, niemi moeten mo e woare interesse, zonder e verplichting de zoektocht, nor 1heid en persoonlijke verlichting us leven is soms flauw, vooral zoender de vrouw, ist mo nix, dus zen da goe gefixt met de splitsing der geslachtn… tliekt e coole trick mo tis nodig voe de eenheid te bereiken in gedachtn us leven is soms flauw, vooral zoender de vrouw, ist mo nix, dus zen da goe gefixt met de splitsing der geslachtn… tliekt e coole trick mo tis nodig voe de eenheid te bereiken in gedachtn De splitsing der geslachten, et uteenvoln in eigenschappn karaktertrekken en geheime schappen met verborgen artefacten, kleur en klankpaletten imperfecte voegen en misnoegde mankementen et hele amalgaam, e regenboog aroma’s e werelds panorama en steden lik Verona Venetië, gevleugelde profeten in Phoenecië Egyptische magneten, oede meesters in Siberië de tijgers van Malesië, de zieners in tibet de schrievers ut Milesië, gorillas in de mist van kleine openboaring, toet grote cataclysmes elk punt, dat ooit gemakt is deur et pointillisme de gruwel vant Nazisme, de sprong van Zedong toet an Leopold den II, et droppn van de bom de splitsing, in mannelijk en vrouwelijke energie wos et begin van uze zoektocht no synesthesie us leven is soms flauw, vooral zoender de vrouw, ist mo nix, dus zen da goe gefixt met de splitsing der geslachtn… tliekt e coole trick mo tis nodig voe de eenheid te bereiken in gedachtn us leven is soms flauw, vooral zoender de vrouw, ist mo nix, dus zen da goe gefixt met de splitsing der geslachtn… tliekt e coole trick mo tis nodig voe de eenheid te bereiken in gedachtn … je hele leven ziej up zoek no je wederhelft t’gelaat van de ander, hopend da ze werebelt tmoment daj kennis et gemakt, gesmakt van de ieniemienie sensuele tact die verborgen zat, en zit oender vele lagen de hoop up beter dagen achter vele tegenslagen e woarlijke reloatie, et gene daj gie mist kun terugvien, en geevn wa daj gie bezit zoender compromis je gevoelens loatn spreken zoender daje de grammaticaregels in rekening briengt, tis lusteren no jen intuïtie en af en toe proberen te breken met je traditie tied voe nieuwe horizonten te ontdekken en eenmaal daj terrecht ziet, vasthouden an die plekke en stroom’n, los lik dan de droom’n van e klein zien ongeboendn… topesmelken toet een eenheid us leven is soms flauw, vooral zoender de vrouw, ist mo nix, dus zen da goe gefixt met de splitsing der geslachtn… tliekt e coole trick mo tis nodig voe de eenheid te bereiken in gedachtn us leven is soms flauw, vooral zoender de vrouw, ist mo nix, dus zen da goe gefixt met de splitsing der geslachtn… tliekt e coole trick mo tis nodig voe de eenheid te bereiken in gedachtn

Soms wil ek kik nie slapen, tzit e bliksem in me hersenpan e kernspintomografie is ook mor e hersenscan ze maaknt ol e brok te moeilijk in ivoren torens dus ist nie verwonderlijk dat studenten verloren lopen et academische gebouw begunt te wankelen de stellingen dan ze oendersteun langzamaan te kantelen tis nodig, der zaten ol wa kraken in de visie uze wetenschap is quasi zo dogmatisch lik religie oj nie int koader past, toe vol je zo buten de lijst enkel papegoaiewerk is tgene woamee daj bewiest der zit geen ethische dimensie mir an kennisgoaring droait ol om innovoatie en radicale bespoaringn ze zetten in up nieuwe technieken dien imponeren omdaze bie lobbyisten vlotjes monetariseren belachelijk, woar is de motivoatie lik no toe je moe nie starten ot olene voe’t diploma is dajt doet nateurlik gok nie zeggen dat er niet volt te leern mor een echte leerkracht moet ook van ze leerling leern en bij deze, giv ek me oede meesters wa van road jot e kind nie bereiken oj em nie probeert te verstoan Tet gin zin, voer olle dagen s’uchtends up te stoan en te zitten, voe meer dan 9 euren no elkoar en te pittn, omdaj de mens ovoorn nie verstoat lat et zittn… we leren vele beter van elkoar Tet gin zin, voer olle dagen s’uchtends up te stoan en te zitten, voe meer dan 9 euren no elkoar en te pittn, omdat de mens boovn je nie verstoat lat et zittn… we werken vele beter voe elkoar woa zit de woare werde van e job zoender respect voe de werkelijke mens oender de kleern van ze werk gin effect… vien je da nog normaal dad etwa lik burnouts een logisch deel geworden is van us verhaal at Marx toen toch e brok geliek met ze vervreemding en zagen we dad in mo kosten wet lik nog nie inzien oe zit et, de meerderheid van menshn zit verveeld wit van tuten noch bloazen wad dat er int bedrief speelt en terrecht, wad omgekeerd ejt zeste van effect want bie de meeste van de boazen krieg je weinig van respect ze kieken up je nere, of ze zien je nie eens stoan of nog erger, ze willn daj zelve lik niemi bestoat “mo morgen moek me kind no’t schole briengn, der ziengin bussen” “ et spiet me, mo wen gin tied, der zien tevele klussen” “correctie, ken ol me werk van morgen ol gemakt en up je bureau geleid, met us probleem in me gedachtn” “toen nog, je ku et protocol toch zo nie breken en ok joen e gunst doen, moek de reste ook wa geven” “gin probleem, ik zien e mens, kzien gin machine dus ik volgen meestol gin protocol mor intuïtie en me collegas werken ol e weke lik e zot dus viene kikt e goe idee daj under ook nog wa toestopt” “euuuuhh… mo kpeizn ant bedrief ze toekomst dus kgoje nog moen informeren, mo tgo goe komn” Tet gin zin, voer olle dagen s’uchtends up te stoan en te zitten, voe meer dan 9 euren no elkoar en te pittn, omdat de mens ovoorn nie verstoat lat et zittn… we leren vele beter van elkoar Tet gin zin, voer olle dagen s’uchtends up te stoan en te zitten, voe meer dan 9 euren no elkoar en te pittn, omdat de mens vanboven je nie verstoat lat et zittn… we werken vele beter voe elkoar