1. |
Vliegemeppers
02:56
|
|||
Der is overvloed moa de meeste dingen zien trivaal
veel te weinig lyricisten hedendaags zien lyricaal
ze zien et als e twadde da ze nie serieus moen anpakkn
gin perels voe de zwiens ik en zadjes voe de zandbak
me woorden zien asielzoekers zoender e bestemming
ol volgen ze de planning zien der weinig dien de inhoud
van me blad snappn, volgt er gin herkenning doamee basta
ik schrievn voe’t gevoel dak kriegn ok de stemming vastpakkn
rappen lik ofdak de sterren aftasten
wast ma, dak ietsiepietsie dichter bie d’essentie van men innnerlijke kracht kwam
ma’t mag-ma zo warm zien lik dan ankan
e vlam ku verlichten, mo verteert ook ot ie platbrandt
nie bestand tegen de tand des tieds, mor anderzijds
lat ek gedachten kristalliseren gelik een amethyst
tis wachten toet dat zadje riept, planten in et nu
de toekomst integreren in je offer, leevn lik e pacifist
Jezelvn trachten transformeren lik een alchemist
toet altruïst en al je tied spenderen
an et speels communiceren lik e dadaïst..
van antraciet evolueren toet grafiet of e geslepen diamant,
tis et pad daj kiest die de destinoatie van je wandeling verandert
de kracht en motivoatie van je handelingn
verankert in de lagen vant gedrag daj tentoonstelt
.. o je voorstellingsvermogen niet mi voorstelt
ist leven mor e blinde rit, met weinig zin
dus zit je in met zaken zet je in of je zit in de shit
en tis verslavend, de pit is roar mo woar ook comfortabel
ot de knoop roend je gedachten nie makkelijk wordt ontrafeld
en de schakels zijn gebroken, gedachten die je dagenlang bespoken
want ze zien onaangenaam en oenbesproken
dus smoor je hele dagen,
en je wit gin weg mi met jezelvn ot de as valt telkens ojt erup wilt wagen
voe de route an te passen.. an wat dat in je hoofd zit
… je wilt toch gin chauffeur zien van je eigen doodrist
of timmerman die hamert up de estetieke waarde van
de innerlijke lagen van de nagels an je doodskist
lat et met rust
toen krieg et zelve weer de woarde dat bezat toen daj et nog benoaderde met lust
der zien kapers up de kus…
dus past goed up of vo dajt wit ist no de wup en is een alias een must
of zo liek et… we moetn leren van te kieken
no de zaken en te kieken, nie ossan wiln begriepen
je meug griepen, ojt rustig doet en zie nie overhoast
lat et riepen, misschien dajt toen e bitje goa begriepen
en tis nie makkelijk voe ol die zaken toe te passen
probeer et en je got de route snappen
en obstakels accepteren als de lessen die je moet uppakken
bestuderen en toe, losloaten voe ze goed te vatten
wuk wit ek ik van dingn, ik zien geweun e rapper
die wil vliegen, mo de moatschappie angt vul me vliegemeppers
mor ik kiezen toch te fladdern, te drieven en te wappern
op de golven van de liefde want dat is tenminste dapper
|
||||
2. |
Wiezers an de klok
04:39
|
|||
Vroeger ak maskers, e verdediging van schijn
mo nu ziek oed en zeker genoeg voer oenzeker te kun zien
…. Nu moek niemi forcerend rebelleren over dingn
nu kuk rustig investeren in me leven te ontkiemn
moa.. soms lopt de regen nie rechte vant leien dakje
mo zien der wad ommewegen, slechtere eigenschappen
drieven boven, mor oe lange werk et vertier
oj de deure nie eens kut open’n ookol stoat up e kier
kwiln de, wereld oentdekken lessen leern die me siern
want wie wit bestoak plots olene nog up papier
lyricisme, en is me
bestoansreden zo geminimaliseerd toet -isme, tis me
omt even, mo toch ziek doar up ant reflecteren
dus moet onbewust me in gedachten domineren
en dad ist, de blokkoade van peizn
die zorgt daj nooit stopt, mo et hellend vlak bluft ofglijden
gevangn, in gedachtegangn en de drang
no controle, kloon’n van iconen en de mode
de hang nor idooln en de droom van et grootste
de angst voe symbooln, te broos voe de stank vant riool
geschoold en gevangn in e vangnet
woa daj olene antrekt wat dat er je belang dekt
je plan trekt, omdat er niemand etwa van je antrekt
benauwd ziet omdat er niemand nietn in de hand et
…. Soms komn der juste twiefels in me op
….ziek bezig met et negatieve in me kop
en dus bluv ek deuredraaien lik de wiezers van de klok
wittet nie wa dak moen doen, dus ik schrievnt van men of
…. Soms komn der juste twiefels in me op
….ziek bezig met et negatieve in me kop
en dus bluv ek deuredraaien lik de wiezers van de klok
wittet nie wa dak moen doen, dus ik schrievnt van men of
… De wereld droait nie roend ik, ik zien gin Ptolemae
kzien in me jeugd geschoold gewist ol wost er nix van Columbine
praktijken, twos rustig, mo stille woater klinken
ossan anders o je up de rand stoat van te verdrinken
kzien e, semi-recidivistische pessimist
in de decembermoand, zieke soms e pseudo-hedonist
kloatn me vangn an consumptie, gin extremist
mo vraatzuchtig, vluchtig gevlucht in de mix
van emotionele winterbleus en esthetiek
met te weinig strepen voe twa te beteekn als essayist
transformerend lik e hostie
Soms ek tevele volsche noten up me zang zittn, mo zwijgen is gin optie
gebombardeerd toet spreekbuizerd die de prooi spot
vorm ek de formoatie toet daj mien ooit in e kooi stopt
blik scherp, ofgeliend, scan ek elke hidespot
en probeer ek de vlamme derin te oedn lik Hephaistos
…. Soms komn der juste twiefels in me op
….ziek bezig met et negatieve in me kop
en dus bluv ek deuredraaien lik de wiezers van de klok
wittet nie wa dak moen doen, dus ik schrievnt van men of
…. Soms komn der juste twiefels in me op
….ziek bezig met et negatieve in me kop
en dus bluv ek deuredraaien lik de wiezers van de klok
wittet nie wa dak moen doen, dus ik schrievnt van men of
niet da optstropt mo toch got nie vlot up me tocht
tocht waait up me of toet upt bot, brokkelt me trots
of, upgeslokt in de rush, weggerukt ut de kosmos
geflusht en geflost, niet dat oplost
en opboksn is toch mo wa woater no zee torsen
… soms lieket lik dat olles got ineenstortn
wankele stellingn oendersteunen et geheel fort
worup dat olleman bluft weun zolang dat er gefeest wordt
…kapiteins up e ship da nie te zinken is
“Ik bluvn rechtedeure voarn ookol zienke mis”
uze slogans zie lik sleehondentrainers
de tactiek is enkel mo toepasselijk in quarantaine
territoriums, mo lege hulzen up uz eigen podiums
en echte stemmen worden upgerold gelik linoleum
tis opium voe’t volk… us atomium
tsymbool van de dolk da we staken
bij et gratis ugraven van petroleum met slavehandn betaald
kwordn veel te pisnijdig van us vaderlands verhaal
dus kmoent lossn, Toet dak IK gin adem mi kun aaln
en olles up papier gieten desondanks de hiaten van de taal
… ik wordn rustiger van letters schetsen
tis de minst pijnlijke maniere voe me weg te metsn
ok der nie mee weg kun, biedt de taal soeloas
dus ik hoopn telkens dak ik in me teksteboek ontloadn
mo Soms komn der juste twiefels in me op
….ziek bezig met et negatieve in me kop
en dus bluv ek deuredraaien lik de wiezers van de klok
wittet nie wa dak moen doen, dus ik schrievnt van men of
|
||||
3. |
Speleoloog in wording
05:02
|
|||
Speleoloog in wording…. strofevorming
bovenol e boodschap an ol de ouders die zo bezorgd zien
da rap bedorven werkt, want opgelet
ik komn oprecht up ol me tracks, me volgende project krieg je promotiekorting
Toen kuj beslissen voe jezelvn ofdat ethisch is
betekenis mist of inspirerend is
Je beeltenis klopt of ingegeven is deur louter clichees
Moest ek van joen zien zoek wa eelt kweken lik Wouter Deprez
Ik nim gin, blad voe me moend, der ligt e, blad vo me neuze
en ik kneden letters even lekker lik thaise masseuses
Aj e keuze makt moej de gevolgen dragen
t’leven is e reuzerad, met reuze veel ratten dien an je botten knagen
ik schrievn bars toet dak der letterlijk genoeg van en
me goeste kent gin ende, ik zien oengeremd
ik nimn zelden e break, ok et doen, kom ek were lik e boomerang
en kdoent zoender effort lik of dak oender joar geoefend en
Ik boefen letters mo nietn kut er men honger tem’n
…. wilt olleman nie e brokke van Marc ze Coucke en
goeverwend, ik zien oengerapt, fuck een oefenmatch
Gametime, zweven up de flow lik e hoovercraft
…. elke liene is uniek, lik e moedervlek
kloopn roendjes roend je lik een ouderwetse coopertest
in 12minuten lat ek j’olle hoeken van me hooks verken’n
kgeevn je e stik van mezelvn ok der genoeg van en
gin revolutionair mo ken me vust op
oeveel collabs moekik nog schrievn dien toe nie gebrukt wordn
nie dak me der an storen, ieder bar is pure oefening
mo soms goan ze verloren in plekke van iemand toe te schien
ik doe me ding, soms ziej weggepest en opgefokt
gekker dan e zottekot, wacker dan een ochtendklok
sterker dan e molotov, moa nietn misverstoan
want de beat wordt geript ol wossek ik e kleptomoan
oendergroends, lik de Catacombn in Parijs
ol is je oor log, bombardeert me nie toet terrorist
oendergroends, lik de Catacombn in Parijs
ol is je oor log, bombardeert me nie toet terrorist
oendergroends, lik de Catacombn in Parijs
ol is je oor log, bombardeert me nie toet terrorist
oendergroends, lik de Catacombn in Parijs
ol is je oor log, bombardeert me nie toet terrorist
Me tekstenboek is lik de doze van Pandora
ieder vers gekapt in steen lik de woorden van Jehovah
eenmaal geopend zien de menshn nog geloviger dan Thomas
en veranderd uze habitat van Sodom en Gomora
nor e hoger axioma,
en der stoat e gouden kroon boven me woorden lik bie’t logo van Corona
dus geloof ma, de teksten barsten open lik Quinoa
en verspreiden kracht, lik ofda ze gesproken zien deur Yoda
of deur Hova… gin poses lik bie Yoga
mor een zeldzame vibe, lik t’aanschouwen van e zomerse Aurora
Borealis, ik zien de antithesis van vergif
kbluvn oneindig goan gelik de Transsyberische Express
….of de Homerische geschriftn… balancerend up e cliff
e blik werpend up et evenwicht in zicht
der zit betekenis en zin in ieder teken in de zin
de leerling is meester geworden en dus treed ek in de ring
e spat in de oceoan
up et vlak van lyricisme ziek ik 1 van de latste de Mohikoanen
succes kuk nie beloven mo k’trachten je te verstoan
mo soms ziek zelf et noordn kwiet, zit ek vast lik de Koreoanen
zien me woorden nie in stoat voe te komn toet e compromis
en ander dagen vorm ek z’omme toet e komme potpourri
soms bots je up de shit lik bie e colonoscopie
mo tis om teven, us leven goa verdomme vlot vorbie
ik zien oendergroends, lik de Catacombn in Parijs
ol is je oor log, bombardeert me nie toet terrorist
oendergroends, lik de Catacombn in Parijs
ol is je oor log, bombardeert me nie toet terrorist
oendergroends, lik de Catacombn in Parijs
ol is je oor log, bombardeert me nie toet terrorist
oendergroends, lik de Catacombn in Parijs
ol is je oor log, bombardeert me nie toet terrorist
|
||||
4. |
Winterkost
03:27
|
|||
kuk der an doen dak van nature zo wantrouwig zien
dak meestoal joarn nodig en voe vertrouwen in e vrouw te vien
dak, nie zomo moatn worden want sommige moatn zien
in stoat voer olene mo te focusen op de foute dingn
en, de tied daw en gekregen is beperkt
dus ek gin tied voe t’investeren in e levensloos gesprek
woarin da menshn ander menshn reduceren tot object
of woadat om beurts stoefen is met een of ander event
o we, mekoar niet te zeggn en, bluv ek liever
in me kot chilln olene in plekke me’t 5de wiel
an de conversoatiewagen te voeln,
want ik uiten me ziel, en kriegn just e mismakelijk gevoel
van de reactie, wien gift er echt om wa daj vertelt
en is nie just ant wachtn voe deel te neem an d’interactie
soms merk ek dak zelve tevele toe wiln voegen
ok in e gesprek zien, in plekke van me rustig bie de groep te voegen
tis nie omdat er ossan e twa ku gezeid wordn
dak telkens me mening moe no voorn duwn owe brainstorm
soms zit de kracht in open rumte te creëeren
in plekke van elke lege seconde te converseren
da wit ek, mo toch ist nie gegeven
of vanzelfsprekend dak me gedragen volgens de zaken dakke weten
mo k’proberen, van me gedrag te analyseren
te reflecteren over oe dak me soms manifesteren
ok in e groep zien… want olene stoa je nergens
dus een egocentrische benoadering bluft je beperken
en tis werken, an wederzijds begrip en accepteren
daw e kleine rol in e groter geheel representeren
we zien schakels, connecties, en kmoen gin filosoof zien,
voe te zien dak soms Idioot zien lik Dosjtojevski
mo t’leven is e kanse voe te groeien, te geven
dus vergif ek iedereen en ok ook mezelvn et verleden
…kan ossan gepeisd dat leven vlag en wimpel wos
dat simpel wos, in de sjakose, mo minder wos
de woarheid… hetzelfde gezicht mo der wos minder gloss
en elke zomerpla van in me droomn werd in realiteit e winterkost
…kan ossan gepeisd dat leven vlag en wimpel wos
dat simpel wos, in de sjakose, mo minder wos
de woarheid… hetzelfde gezicht mo der wos minder gloss
en elke zomerpla van in me droomn werd in realiteit e winterkost
kuk der an doen dak van nature energetisch zien
ot de reste stille volt, dak nog ant bewegen zien
nie ossan de regels respecteren mo rebelerend zien
…en dak mezelvn af en toe mor amper werevien
kuk der an doen dak van nature e verteller zien
… soms ziek e viswuf, kzoen kun kabouter kwebbel zien
soms kuk me moend nie oedn en lat ek weinig plekke vrie
voer ander perspectief en voel ek nie dak et ant trekken zie
kuk der an doen van nature wa verwarrend zien
… nie ossan open me gedachten oedek clandestien
soms wa chaotisch, mor ik peizn voer e man of tien
en dus ist nie zo simpel voer e richting in me plan’n te vien
kuk der an doen dak van nature terughoudend zien
… e klein ertje die soms bezig wos me foute dingn
… dak me homies vaak nie durven up e fout te wiezn
omdak nog zelve teveel fouten maken voe vertouwn te kriegn
kuk der an doen dak van nature et natuurlijk
niet natuurlijk vien da wieder kappen en dat de natuur verdwient
kuk der an doen dak soms nie doen wa dak moen doen
of kuk olene mo proberen, kom et ollemale goed?
…kan ossan gepeisd dat leven vlag en wimpel wos
dat simpel wos, in de sjakose, mo minder wos
de woarheid… hetzelfde gezicht mo der wos minder gloss
en elke zomerpla van in me droomn werd in realiteit e winterkost
…kan ossan gepeisd dat leven vlag en wimpel wos
dat simpel wos, in de sjakose, mo minder wos
de woarheid… hetzelfde gezicht mo der wos minder gloss
en elke zomerpla van in me droomn werd in realiteit e winterkost
|
||||
5. |
Sterrestof
03:44
|
|||
ze noemn me naïf omdak will reiken no de hemel
egoïst, omdak up mezelvn trachtn te bewegen
hypocriet omdak de fouten in de wereld willn bespreken
mor ik zien, juste nix van ol die oardige clichées
in de winter geef ek joen een extra deken voe de koede
up oengerige dagen geestesvoer tegen de woede
en ol kuk je soms nie geven wa dajt meest van ol verlangt
is dat ook vaak et gene nie die je et meeste aanbelangt
ken joarenlang gezwegen, mo kan nietn te bespreken
of te bieden… te geven.. dus wien ziek ik voe joen toen
t’inspireren okke zelve idder leeg zien of wad anders
ik zwiegen okke niet te zeggn en da van belang is
de stilte bevat wijsheid, en ok doa nietn extra kun
an toe voegen, lat ek liever woorden in de vrijheid
want aj ze vangt... toen goan ze sowieso gebukt
oender de limitoatie van de taal, ol is da nie bewust
dus, deel ik olene werkelijke inspiroatie
want wijsheid is een actie, gin hoeveelheid informatie
dus oj me raps wil snappen moej me levenshouding kennen
in plekke van te concentreern up me stem
dus nodig ek jen ut, de volgende ki daj me ergens ziet
er bie te komn en wa te babbelen.. of zeg je liever niet
gin probleem, we kunnen elkaars presence accepteren
zoender woorden, en azo reiken we tope no de hemel
we zien ollemale kinders van de kosmos
sterrestof… die tegen elkoar opbokst
of die hand in hand lopen deur de optocht
vant leven… ik loatn t’universum up men ofkomn
we zien ollemale kinders van de kosmos
sterrestof… die tegen elkoar opbokst
of die hand in hand lopen deur de optocht
vant leven… ik loatn t’universum up men ofkomn
ze noemn me naïf omdak will reiken no de sterren
egoïst, omdak eerst me focus leggen up de kern
hypocriet, omdak me soms over men eigen nie ontfermn
mor ik zien, juste nix van ol nutteloze termn
in de zomer gif ek joen e koude douche tijdens hittes
up saai momenten doek met me toenge wa pirouettes
ol kuk je soms nie geven wa dajt meest van ol zoe wiln
is dat ook vaak et gene nie woa daj je tied moe an verspilln
ken joarenlang geschreven, want kan veel te veel te melden
in dien tied besefte ke de woarde van de kleine helden
de ollerkleinste doaden dragen vaak de grotste rimpels
bie int woater, touwn bluvn sterke deur de vele droaden
me woorden kun je raken op de plekken woa daj zest
nie eens mi wist da ze der woarn, dus doen ze an ont-dekken
mo voer et zeste geld ister gin 1 letter gesproken
die je rakt… en bluf je naderhand even gebroken
kvient soms jammer dak nie iedereen kun raken
mo das logisch, der zien gelukkig vele kleurn en smaken
t’pallet van uze wereld is onmetelijk divers
dus olles ku nie zomo upgeslagen zitten in die vers
of een ander… elke rapper ooit klapt voer e specifieke clan
die anders niemand et die under represent
dus zolang da ieder iemand et die over em ontfermt
en verstoat… goa we tope reiken no de sterren
we zien ollemale kinders van de kosmos
sterrestof… die tegen elkoar opbokst
of die hand in hand lopen deur de optocht
vant leven… ik loatn t’universum up men ofkomn
we zien ollemale kinders van de kosmos
sterrestof… die tegen elkoar opbokst
of die hand in hand lopen deur de optocht
vant leven… ik loatn t’universum up men ofkomn
|
||||
6. |
Weegschaalmodellewerk
03:32
|
|||
je zie me deur e stad krupn met 8 huzen up elke hoek
gouden badkupen, glasrutn, zilver verf up doek
e overdekt terras buten met zicht up de grasduin,
en afsluitend, zitten der bladluizen in me tekstenboek
Wonderland, olles ansluitend,
en tverlopt trapsgewijs, lik Zuid-Amerikoansche panfluten
me verbeelding… ziek deur me gedachtegang slupen
up zoek no twa nieuws want de reste ket ie vanbuten
lik ze broekzak, een intravasculaire yoga sutra
een ampule zo ambivalent dak em moen pakkn
zonder peizn kgon up honderd reizen in een etmaal
oenvermijdelijk wad ant spacen ok u-nie-vers-aaln
mo dagen loatn liggen, verbeelding moeje vers maken
olle ingrediënten zien essentieel onafwendbaar
dus ik hip-hoppen chefckokgewijs wa raps gaar
tenigste dak me zoe ku stoppen dad is me remslaap
ik leern dagelijks lessen van oude kriegers
van joenge zieln, ik zoe niet zien zoender gieder
ik zien gin oenderwijzer, en ol zien der oenderd wijzers
up e klok, zoet ie zoender twijfel nog gin moer bewijzen
butn tik-tok, 1 + 1, e tautologie
mo tautologisch twa bewiezen, da vetrouw ek ik nie
ik loatn de tied up men ofkomn, et chronos en kairos
en zorgen dat ossan juste moment is ok de mic rockn
kbluvn an me kring bouwen, kbringn flows dagelijks
das me verbale springtouw, bloedend ut men wenkbrauwen
boks ek 24/7 verder an men ambacht
geconcentreerd bezig met e werkelijke andacht
ik bluvn an me kring bouwen, kbringn flows dagelijks
TIS me verbale springtouw, bloedend ut men wenkbrauwen
boks ek 24/7 verder an men ambacht
geconcentreerd bezig met e werkelijke andacht
e gewaarschuwd man is vaak ook mor e man
ant wankelen up de steile helling van e vage overvang
en ook al is de ziel vrouwelijk zie we vaker overmand
deur patriarchale maskerades en vaderlands gezwans
e zwanezang zoender cresendo, e beeld da resoneert
met ongeveer evenveel pixels lik ninentdos
geheel gefragementeerd, oj schervn topelegt ist ook e spegel
mor e stik zoender begroeing is doadeure nog gin wegel
…..me droomn liggen te verroten up e spiekerbed
… de beeldn stroomn ut me taal omdat me dia lekt
kzien e verzameling van ol dak nooit gedoan en
en da klein bitje ervoaring van upt woele schip te stoan
en… ook joengens worden groot
en dus voln der ossan mo meer matrozen butn de boot
zoender reddingsvest, of e zwemles te kriegn
mo we roeien met de riemen daw en, en ik
bluvn an me kring bouwen
|
||||
7. |
||||
de kleren maakn de man makt de kleren maakn de man
ken me dekmantel ofgedoan, nu stoak ier in men adamspak
naakt, gin kostuum, nie wachtn up de postduf
de postuum memoires worn deze ki voorbarig
kranig wik ek vo dak wegen, wegen leiden ol no Rome
lijdenswegen vulgepropt met pelgrims die bluven dolen
compostella com pas stillaan in de buurt, tis wachten
up kruella want ze drinken rustig stella in de buurt
… duiveldrankjes worden overol geserveerd
"voe mie shaken, not stirred”…. The name is bond
de vage vagebond is nie geboendn an bindingsmiddel
in de cirkel wordt de kubus pas compleet in de sfeer ingewikkeld
je zinnen prikkeln met de zinnen dak ik ontwikkelen in me doka
me labo vul me voca, bulaire annekdota’s,
me schema's , me panoramisch half archaisch
labyrint van nota's woa dak lezen in Rig Vedas
me leven is up ene slag veranderd of gebleken
lik dat wos en moeste zien mo tis pas nu dakke da weten
en die goeste die doa bie oenstoat voer olles te oentdekken
stelt e mens in stoat voe zoender up te scheppen twa te scheppen
luchtjes scheppen zoender spades, zomerserenades
explosieve koasplanken, kamikaze
up weg no de extoase achter de katalysoater
tis gin poes voe zoender handschoen an te pakken, mor e kater
Mercoater of Peeters, projecties zien projecties
oed je beter bezig met et investeren in projectjes
voe loater, voe beter, connecties zien connecties
oed je bezig met creëren van e woardige reflectie
je stoat er, tis woa, je moet er just nog stoan
toen stoaj der pas volledig oj me volledig verstoat
vol-ledig verstoat, de ruimte is et canvas
et vacuum is et vacuum nie, et vacuum is de massa
de energie zit sluimerend aanwezig in de leegte
met de latente potentie voe de wereld te creëren
en we moen da nie kopieren, gin kopi, mo eren
kopiisten zien de reden, dan we copycats creëeren
dien juste parasiteren… mo we moen deran begun
zoender de inno-veren te verbanden an de zun
de kracht van Daedalus, of Diogenes in zen tun
tenigste daj moe serieus pakken int leven is de fun
Ik zie nie absoluut, toch doek nie an mee an compromissen
uppet vlak van me muziek ziek recht deur zee lik kolonisten
tekst is oenderhevig an kritiek lik bie de Bollandisten
toch zittik nie vast in me heilig kotje lik e christen
vele doper dan e priester, toch zittek in gin klooster
voe te werkn, gin klerk, ksteurn gin kogels deur de kerk
me wapen up de vloer, me pen is nu me zwoard
woamee dak leven, drinken, eten slapen en woa mee dak upstoan
… een ingewijde in de kring van virtuozen
die nie schrijven mo die upgeschreven wordt in ze strofes
men eigen personage sterft temidden in e hol vizier
van eeuwig leven upt moment dak penetreren int papier
oensterfelijk gestorven in de massa van de leegte
upgerezen in de vorm van literator, begeerte
of bezit pfff, da lat ik wel an de curator
en zo stappek zelve weg ut de projectie van Mercator
|
||||
8. |
Aaron Stark
06:19
|
|||
Tvolgende reloas verhaalt over Aaron Stark
vroeger voen de meeste menshn in zen omgeving Aaron zwak
drugsverslaafde ouders, echt ze geven ginne fack
en int schole, ist ie ossan overol de nieuwe gast
te 4en ut ze bedde gerammeld voe weg te lopen
van de flikken, deur et hele land vluchten en toe te hopen
dat de bullebakken in ze nieuwe schole nie te erg zien
want net lik een abonnement gekregen up gepest zien
tbeperkt em nie toet just int schole, nin, ook thuis
wordt aaron zeer gedoan, gebroken, genegeerd en misbrukt
zen ouders kopen em gin kleren, dus olles in gescheurd
en overol woa dat ie komt angt er e rotte muffe geur
… en bovendien, eten ze ossan ongezoend
tis een slimm, mo fysiek jammergenoeg koekeroend
en dus ist ie perfecte slachtoffer van de pestkopn
woadeure dat hij nomekir ook niemi no de les komt
gebroken, vindt hij just comfort in de duisternis
en in de echte superhelden, mo der zien thus gin strips
juste eenzaamheid, mishandeling en woede
en een al omvattend paralyserend gevoel van koede
gift liefde an de menshn daj peist dan’t minst verdienen
zieder ent et meest nodig, ol is da nie iets daw zien
zoveel gebroken zieln dien joarenlange werden ofgebot
volledig genegeerd of deurverwezen nor et zottekot
gift liefde an de menshn daj peist dan’t minst verdienen
zieder ent et meest nodig, ol is da nie iets daw zien
zoveel gebroken zieln dien joarenlange werden ofgebot
volledig genegeerd of deurverwezen nor et zottekot
Aaron is 12, lustert gern heavy metal
op concerten ziej em langzaamaan e moshpit ontwikkeln
oj genoeg gezeid ziet daj woarde mist got geloven
dus woardeloos is oe da Aaron em ook wilt vertogen
an de menshn, ne peist, jet goeie en je slichte
en ik moen e slichte zien, dus, moeke slichte dingn verrichten
aggresief… elke motie in em extreem
net gin vat mir up ze zelvn en da vient e probleem
dus start ie em te snijden want doar et ie de controle
up da moment is Aaron ol een ende weg vant schole
e joar loater leeft ie up de stroate, zoender moaten
want hij et ze ol belogen en dus en ze em verloaten
juste nog 1 kerel, die em lik nog ossan ziet
neffest em ligt ie te peizn an zen oeverloos verdriet
de regen op ze wezen, doa lopt heel ze wereld leeg
en ne belt no de sociale diensten voer em hulp te geven
mo moeder wordt ook upgepakt, mo tis e ritueel
zet ol zovele gedoan dus is ze in stoat voe te manipuleren
en da doe ze, ze zegt dat Aaron liegt, tis een act
tis een roep om aandacht, ze verkloart em biena gek
ne moe weer mee nor hus, ze droait eur om zegt:
“de volgende ki wa meer je best doen kleinen, toen kop ek zest je mes”
Aaron brikt… wit an niet mi te begun
toet dat em daagt… morgen… got ie achter e gun
gift liefde an de menshn daj peist dan’t minst verdienen
zieder ent et meest nodig, ol is da nie iets daw zien
zoveel gebroken zieln dien joarenlange werden ofgebot
volledig genegeerd of deurverwezen nor et zottekot
gift liefde an de menshn daj peist dan’t minst verdienen
zieder ent et meest nodig, ol is da nie iets daw zien
zoveel gebroken zieln dien joarenlange werden ofgebot
volledig genegeerd of deurverwezen nor et zottekot
… Aaron et nix te verliezen, en lik dat goat
zien zukke menshn heel gemakkelijk toet olles in stoat
die stoat van zien kent ze oorsprong in woede en hoat
die tope bundelt in e singuliere vreselijke doad
.. ne sprikt of, met e regelrechte maffiosi
en vraagt em of dan der ergens wa zwoare guns te koop zien
ne wilt e schole overende schieten, of e markt
tis geliek, zolange dat ie mo zovele meugelijk schade makt
net 3 dagen nodig voer et geld bijeen te kriegen
gelukkig is ze ene moat nog ossan ut ant kieken
hij ziet de duisternis die em omwenteld lik e deken
en ol ist ie ook bestolen, wilt ie em nog e kanse geven
ne luistert no de dingen dat Aaron zegt,
doet vriendelijk, behandelt em als e persoon en, gift em respect
ot iedereen je ossa ziet als woardeloze kerel
en etwien ziet er de mens in je, verandert heel je wereld
dus Aaron, komt toet e besef
dat ie nie mag upgeven, en vertrouwen op et weinige dat ie et
dat doet ie, vergit de gun en goa niemi voe minder
joaren loater ist ie e getrouwd man met 4 kinders
die ene doad van liefde, da ene kleine werk
etwien die em liet openbloeien en em nie geweune beperkt
T’moraal is dudelijk van het verhaal van Aaron Stark
want deur de liefde van een ander werd e zwakke Aaron sterk
gift liefde an de menshn daj peist dan’t minst verdienen
zieder ent et meest nodig, ol is da nie iets daw zien
zoveel gebroken zieln dien joarenlange werden ofgebot
volledig genegeerd of deurverwezen nor et zottekot
gift liefde an de menshn daj peist dan’t minst verdienen
zieder ent et meest nodig, ol is da nie iets daw zien
zoveel gebroken zieln dien joarenlange werden ofgebot
volledig genegeerd of deurverwezen nor et zottekot
|
||||
9. |
Aleph
05:07
|
|||
Aleph, allesomvattende alliteraties
a priori ak al assan ambitie anti-afasie
alfabetisch… analyseren, alles activeren
als artiest, an ambivalentie acclimatiseren
bricoleren… brokkelen.. bewuster balanceren
bie bepaalde bars broze boodschappen bombarderen
bikkan beter bie bevestiging, bluven biestuderen
binnen begrensde beperking barrieres buten breken
connecteren… constant calamiteiten controleren
consumeren, case closed, corruptie constateren
combinoaties combineren, cinematografisch
casusen creeën, centrifugale centrale
demiurgen domineren deze dagen, draconische demonen
devasterende duivels doen dingn daj dralend durft dromen
de dolk die damascus deed davern deur dionysus
dirigeert de denkwijze die deels deur de debris drupt
extraordinair, en extraverticaal
evauleer ek elke extraterrestriaal exemplaar
en ek ellenlange epossen express expressionistisch
etaleert, een expressie, een echte expeditie
foefelen… fragmenten fermenteren
fabels finetunen… Feynman’s filosofie finaliseren
fuck fakers, fuck faalangst… fuck frictie
fuck futuristische facoades… Fuck fictie
Grafgravers, gevoarlijk, gevat, gerenomeerd
gin gangsters… grooves geniaal ge-arrangeerd
gin gambinos.. geweune gasten gans geinspireerd
gelaagd, gezamelijk gravend gegalvaniseerd
Hip-Hoooop… hierarchiaal heersende hyrioglyphen
helpt hulpelozen… heelt hele hypocrieten
hyperbolisch, hypnotiserend hyperrealistisch
herverdeling, hardhanding historieke hippies
in intense interviews intellectueel integreren
inspiroatie inzetten, infiltreren in illustere
ideëen… informe informoatie interweven
in iedere innovatie integratie inbegrepen
jawel… jargon… jet juste jezelvn
je jaagt… je jankt.. je jeunt je, jewelste
Jupiter-journalist, Jerseys, Jordans
joarverslagen?… juste joarenlange joaren
komt kieken kerel… klassebakken kanaliseren
kameleongewijs kuk klanken kristaliseren
kryptoniet… ken kolosale komieke kronieken
kamikazetechnieken, kwalitatieve kerosine
liters lyrische liposuctie-overschotten
ludruchtige lawaaimakende lasposten
lyricale lioanen, lateraal lukrake letters
literaire lekkernij… luxueze levenslessen
meteore-metaforen.. meticuleuze marmer
mastodontische megalomane magnifieke maskers
mime-moves, mythische magische manifesten
martiale methodes, martioanse manuscripten
numerologie…. nul nymphomane noties,
neveneffecten… nooois, nimmer nog neurotisch
natuurlijk nimt niemand nog navolgbare notities
nondedje… nie neuten, neurale non-precisie
openboart ogenblikkelijk olle olve obstakels
oorverdovend.. omdak overgeven op orakels
onderwijzer, oendergroends, onmetelijk onlogisch
Oliver… onmeugelijke oor-overdosis
piranha, piroat, professioneel producerend
pen persend, pivoterend, prima provocorend
pakkek platgeperst papier, pressen punches, poëzie
puur plezier, populair, principiele pot pouri
Qwerrys, Quarks, Quantumfysica Quotoaties
Qubits, Quota’s Quoteren…. Quisquoater,
Quassi Quaestor, Quasimodo, Quietisme
Quarterback… Quarantaine Quietiste
Rebels, regelrechte revolutionair
rappe rapper, ritmisch redelijk reactionair
repelsteeltje, radioactief, ravistant
rake richtingevende romantiserende romans
Samoerai… snel surfend, songs supersonisch
SIimonides, super sayan, spittend symbiotisch
Superman, superpositie, stille stemmen spreken symbolisch
Soeverein spraakwater, spreekwoordelijk syncopisch
Terrorist, trucen toepassen, tribale tovenoar
… tyranosaurus… tekenen tere totempoaln
terrecht trots… talentvolle typist
toepasselijk, tamelijk turbulente typografie
Universeel, uniek… uitbundige uitspraken
uiteraard utgevoerd, uit uitvoerige utgaven
uitblinker… uiteenvollend uren utbesteden
utgestorven uitingen uten.. unitaire utgever
Versifiërend, vele vorm van versificaotië
verandering verreist varrierende varioatie
vipasana, verruimt… verrijkt.. verminderd
verloren verzen voeden vele vogelvrije vlinders
we weten wel wadde, wukke, wiene, wederom
weten weinigen woarachtig, wanneer, woarom
we weven woordenstromen, we wikken, we wegen
wetenschappelijke waagstukken, wieder weken
xenofiele xy-coordinoaten, xenofoben
xenon, xileen.. x-chromosomen
xerografisch, …xaantal xylofonen
Xantipe.. xtc, XXX
Yin-Yang… Yup, yogaoefeningen
…Yogis, Yankees, yettis, Ypressien
Ypsilon… Yooo Yevgueni, Yamaha
Yeaaah Yalll…. Yoshizawa
Ze zottste zelfgemakte zaken zien zeker ze zedenleer
ze zelfreflectie.. zovele zinnen zien zoender zekerheden
zelfbewustheid, zingt zomo, zoender zenuwtrek
ze zien Zorro, ze zien zetten, zorgvvuldig Zen
|
||||
10. |
||||
ik zien e spraakwoatervalschermsprienger die de flank schert
verbaal galopperend crip-walkend lik e mank perd
tracht me mo te vergelieken met die andere rappers
das nog verder peizn dan dak zoen tracks tapen int Antwerps
me letters worden upgeslagen in e petrischaal
gedissecteerd toet integrale functies van e decimaal
e tiendelige repertoire van ware geniale
algebraïsche karakters zien et mediale punt
de boasis woa da verder up gebouwd wordt
de boasische en zure structuur die vlot ontvouwt wordt
e soort tabula rasa, e kritische benoadering
de intertekstuele en de lyrische omkoadering
stoa me toe voer ut da zworte gat te stappen
en je, zie me de vorm ut een amorfe massa pakken
just lik Neil Armstrong moek enorme stappen platsen
wuk ist nut van e mening t’en oj em morgen toch lat zakken
stoat derachter… verdedig et en transformeert
de ruwe materie met de finesse van e pottebakker
opgepast voe vlotte klappers met e rotkarakter
stand up comedians mor eigenlik zient moppetappers
… ze zient spoor kwiet lik Anna Karenina
kzien nie van Burana mo wel vakbekwaam in me Carminas
in de Ramanyana, de Mahabharata en de Gita
de Upanishaden, toet de zencollages van ut China
in ieder personage zit e kanse toet oentplooing
in ieder persiflage zit de gave toet oentdooing
dad is ier gin hommage an de kracht vant literaire
mor e verticale sproeng up et vlak van et binaire
en polaire wisselpeizn, da vienk elementair
dus doek me best voe menshn te doen bewegen lik Fred Astaire
tgo van links, no rechts, Voltaire
wie is de kandidaat Candide die de doad voluntair
up em pakt, solidair mo me tact
verre van een ordinair, doctrinair modulaire verdrag
wat dak, zettn up blad, solitair in de nacht
zo vernieuwend dan zet evolutionair wiln ontkrachtn
ze vien me, te revolutionair in gedachten
de flow komt perpendiculair up jen af
militair qua cadans, visionair qua balans
stationair, kzien e vocabulaire laborant
… welkom in men ayuascaceremonie
me raps zien georchestreerd lik al wassek Morricone
je beseft, us ego et ol assan hegemonie
doarom zittn der zovele menshn vast in 1 emotie
dus ik wijden, me teksten ant bevrijden van de medemens
…. me blik verwijden vertrekkend van de benedengrens
wa minder veinzen, bie et minste lijden, zin verspreiden
ot Abdullah nie int Kader past, wa volt er in te lijsten?
kzien e ingewijde in de zinboedhistische methodes
kzie gefocused, de juste dosis anekdotes
en e sprankeltjes kapsones, wa strofes
dope brag en boast en vette flows yo me letters doen an amitose
want …ze vermenigvuldigen in hyper-ratio
zo rappe da je peist daj spoken ziet lik bie Horatio
we toveren met emu’s, med akais en met casios
ken 137duzd samples in men animo
ik wiln ik gin impressario of e manager
ol heel me leven oefen ek upt griepen van Excalibur
kzien e verteller, k’penn de emoties die in me komn
e propeller, nog feller dan explosies up de zon
E Samoerai, Ik willn de letters connecteren
Simpelweg atypisch, metaforen overcompenseren
ettelijke rapnummers acroniemn injecteren
en toe zoeken, no de boodschappn dakke wegsteken
in de tekst, tis subliminaal en oengerept
tis de 1ste track van up woedn’t echt
de stilte vo de lyrische explosie, cohesie, emotie
profetisch, chronisch, meester van serene ceremonies
in me kamer leeft de hoop die melancholisch
smart te kort komt, wien ister filantropisch
enkel tropische bestemmingn en glimlachn ot olles up jen ofkomt
mo nie in stoat in d’ogen te kieken van uze slotsom
72 fragmenten van ut Babel
flardek ritmisch an elkoar zoender obstakels
gin fabel… mo cryptische valabele fysische
variabele klinische schakels die nagelbietend spektakel
intro-doctrineren, de wereld is de latste ruwe tartarus
woarin da menshn wroeten en zoeken achter e warme thus
… tis kat en mus, 18 plus… e roofspel
woarin da jan modaal zelfst familiaal niet mi voorstelt
… een oneindige leegte en 7 joaren
de dag dak voet up de wereld zette wossek kloar
voe noois kloar te zien… olene mo voe overol
gevoar te zien in kledingslijnen en andere bezwoarende
praktieken, mo moek doarover nu wel utwieken
zoek nie beter no wad anders utkieken
utreiken, ut rijke voorstellingn vant de geest komn diamante
clichees, in allerhande ravisante combinés
officieel, zien der 2 oneindige principes
de liefde en de hoat voe de eindige tradities
van de mens, de wens, no oorlog en no vrede
we nimn juste mor e juxtapositie in, in de brede zin
van evenmin nie vele in de wereld zien en vloeken
up olles da nu nie stoa geschreven in belezen boeken
e knappe oenderneming voe je nie te loatn vangn
int net, ot net, tgene is woa da je no verlangt
de angst, een angel in us sterk poreuze vel
ook ol peiz je echt van nie, mo je et de keuze wel
voe verandering… der zien nog ander dingn dan spel
brood en leven volgens regels oj de regels juste spelt
Wuk is origineel zien, misschien ziek wel e spin off?
de zoveelste upvoering van de meeuw van Tsjechov
woar is de leeuw van Hip-Hop, de keuning van de jungle
die de tunnelvisie met blunte precisie ut ze zin’n klopt
en instort… up t’moment dat ie gin zin’n vormt
gin zin vient int leven ot ze regels ossan inkortn
dyslexie nie vrezend upt moment dat ie upt podium
gin spits reciteert… vertelt wa dat er bin komt
ter plekke, improviseert, en de menigte
introduceert toet de enigste kern die de term
“freestyle” typisch implementeert
us verenigd, en tklienkt ol wa sentimenteel
mor ik meen et, kprobeerde van et leven te oentrafelen
en schreevn olles dak wistn neern up e stenen tafel
vergulgd en verzegeld stakkek et weg, de esoterische “fabels”
leken verdacht veel up wetenschappelijke tekstn
in die dagen, las ek veel te vele voer ier up te som
en zag ek elke titel als vehikel nor e tussenstop
e leerplekke…dus doarin kwam ek terrecht
elke link, elke zinne werd een antecedent
tis echt echt, ik zien nie an fake
James vroeg me ofdak nie woudn komn weunen in Finnegans wijk
Ik geevn olles wa dak en bie iedere take
volgen gin trends, olles dak pen is vernieuwend gezeid
soms kom ek ten, nine, eight, ziek utgeteld
mo meestol ziek gereed ol stoak gehele blok of butenspel
Me lichaamsweefsel is gemakt van duracelln
dus bluvek energetisch goan in plekke van de zaken ossan ut te stellen
ik scheppen kleur vanut de stilte lik Sinatra
pureren pure aarde toet lyricale passata
granaatappelflows produceren de partikels
woarover da journalisten declameren in artikels
We maakn classic tracks, ik flown nie up vergeetn singles
Je digged me shit omdak zo row zien lik e reke int engels
de Picatrix, de Vita Coelitus Comparanda
de Kybalion zien boeken dak lezen up me veranda
kverdiepen m’in de weinige teksten van Fulcanelli
en tegliekertied ziek fan van de kalenders van Pirelli
…Ik manoevreren me spiraalgewijs gelik spirelli’s
zoda nietn me nog zoe kun Ginderen lik Tante Terry
just lik Berry, Krimi, elke dag dezeste shit
…. opnieuw begin met nieuwe teksten achter elke spit
ziek ol vetrokken, not volgende want kzien geheel betrokken
bie de rap en doarom doet et zeer ok mor e deel kun rocken
van e set…ik wouden de weg al beloopn
van t’moment dak besefte dak weg koste loopn
Lusteroars en plots last van et stendhalsyndroom
overwelmt deur de klank en et stembandvertoon
e betoon, ossan up zoek no de verloren zoon
dus k’probeern nie te oordeeln, mo te beloon’n
ot verdiend is, liefde speelt ossan in je voordeel
de groend slopen woarut da je ossan mo beoordeelt
Je lustert no me teksten me je moend open
de geludsgolven zien nie te oentlopen
bie elke zinne zit je trommelvlies oentstoken
elke bar is vorzien van mentale voetnoten
concepten bluvn dagenlang roendspoken
af en toe pruts e kik een oude woende open
wat dak doen is abstract en vakmanschaps-
gewijs trapsgewijs up jen afstappn
Je smiet jen eigen gloazen in oj peizt daj us van blad schrapt
zest overdag zitten we te werken in us nachtlab
tkomt ard an, vers van de pers lik bie Roularta
kzien oldschool, me tracks zien up te zoeken up Encarta
kzien trots derup,…ol is de upname opgefuckt
en drop ek nog e twuk omdat dat eerste toch nie lukt
ik ston derop vorut te vliegen lik geslagen hockypucks
en vlotte vlugge punches in mekoar te knutsellen in me hobbyclub
…. de grotste druk is niet woa dak ik mee bezig zien
tis chill, amuseren, releveren in onwetendheid
Wuk wil ek nog bereiken?… leven vul me zekerheid
of wil ek de spanning die past bie oltied oenberekend zien
…. ik weet et nie, soms is me visie helder
soms ziek versleten lik d’etiketten in whisky kelders
mo wa dak weetn is… iedere stap is e belevenis
e odyssee die verre van Homerisch is
de vleugels van e fenix zien zo vederlicht
dat minste van beweging em ut evenwicht ku briengn
gin redetwist is nodig, gin betekenis in woorden
wa da zeker is, is dawe in et levenslicht verbiendn
….ik en gin streefgewicht… ik bluvn dikke flows schreemn
… kleggn de boodschap bloot gelik e vouwbeen
teksten zien gemetseld met elementaire bouwstenen
en elk detail is rustig utgekozen lik bie trouwkleern
… ik steekn me verdriet in ol me publicoaties
mor ook de vreugde en de liefde gebruk ek als boasis
woa dak inspiroatie up verspreidn en de frustroaties
lat ik los in letters zodak ze tijdens de dag vermijdn
voe mien ist therapie, men archimedisch punt
nie juste rap nin ik zien dat idder als geschreven kunst
tis de gekristaleerde versie van miene levenslust
tis olles wat dak zien dad in de schaduw van de regels rust
… tis men ezelsbrug over et troebel woater
en e wervelwiend is juste mo gecompreseerde lucht
ik voeln de bloaders, de kaft en de gecompliceerde rug
van elke boek dak min verdiepen zoender opgegeven druk
der is gin onbegrepen zucht… in tegendeel
de roes die zweept me up… en briengt de stukken rustig toet in 1 geheel
vernuftig smelken strofes toet piloaren van verboazing
elke bar is zo fragiel, ze zien omkoaderd met begloazing
ik doe gin openboaringn, ik spreekn just de massa toe
we pleegn ier gin massa coup, we deeln ideeën
en gedachtegoed, filosofeern over Jan ze Hoet
mor evenzeer over de kilte van e beste moat ze latste groet
… der zit zoveel verborgen in e blad of boek
… de woarheid is soms of te lezen in e lach of vloek,
tis wat daj zoekt, mor oj te lang achter de adder zoekt
int gras wordt je nomeki verast deur et adderbroed
mor af en toe, ist goed daj een oogsje int zeil houdt
…. en kieken in de uilespiegel lik da Tijl doet
… e vrie veugel, lik e pijl zoek ek doel en terwijl
scherp ik sowieso et peil van me stijl
diepgoand, ol rak ek liefst de broze uppervlakte
en beschrief ek tsoort puppets in de grote puppekasse
lieve muppets, gelukkig in e 2dimensionaal
ofgevlakt, inpgeplakt, in elkoar gezet verhaal
karakters ut me stroate, figuren an de top
in elke personage zit er e karaktertrek verstopt
dat essenstieel, uniek is en volledig exclusief
an die persoon, in essentie ist te expliciet
voe te kieken lik e schriever, details dien ongeweten
joarenlang onder de radar, bewoard zien gebleven
toet da pen, bie paaltje komt en olles wordt gevat
in e poar regels, e korte verse up e verfrommeld blad
soms ist indringend mo das deel van et proces
de toeschouwer et onmiddellijk een indirect effect
up et beschouwde, dus elk ding dak ik ooit en vermeld
is met die actie ook gewijzigd, vertraagd of versneld
is dad ijzig, kil, of puur en oenversneden
in contact met de dingn stoan en interconnecteren
ojt wit, wel lat et me weten
en oendertussen bluv ek ik up me gemakken nog va schrappen en lezen
iedere stap is bekeken en berekend vodatn
uberhaupt geplatst wordt... toen zoek ek andere wegen
wan at nie past, lat et achterwege, lat et bewegen
en fluctueren toen goj zelve beter anticiperen
en goj kun babbelen en spreken ot je gevraagd wordt
stapt ut je vrees, analyseert, je kracht is ier in aantocht
… kanaliseert je gedachten en schrieft
manifesteert je verwachtingn met kalligrafie
ook e vos verliest ze streken up e dag nie
dus lat je kop nie angn, mo concentreert je nu up de acties
die je verder briengn, Umwertte alle wertte
tmoment daj in jezelvn go geloovn goj de letters vien
dien passn, je verhaal schetsen met de klasse van e Durër
voe doa te graken moej verbaal metsen
en de taal testen, KAPITAALLETTERS KLIENKN RUWER
dus moej van jezelvn weten, ziej e trekker of e duwer
of een aansteller, zelfkennis is de eerste stap
in et bereiken van e kleine portie van et meesterschap
tgo vaak sneller oj de lange tochten nie olene makt
mo je omringd met menshn woa daj twa van leren kan
ik deeln letters omdak ze nie kun geheel loatn
kstrooien mezelvn int roende want kzien een eenzoat
…. 1001 nachten in me rapkelder,
1 woord, uitgebeend, amper is de tekst helder
ik vien rust in d’absentie van tensie
wuk wit e kik over d’essentie van mens zien?
ist liefde?… ist idder gewenste frequentie
ist zen zien up ieder moment, ist deur dimensies
bewegen, de mens zien bewegen is e schouwspel op zich
misschien is licht et zwoarste gewicht
daj ooit ku dragen, de flow is gegrift up
plooien en kraken, weinig zuver ut te maken ut et rauwe geschrift
ik presenteren, ik teren up tmoment present te eren
me verdiepen in de press en teren up geperste regels
perzen tegelraam constructies in me versgeschreven verzen
per vers dubbele lagen oentdekken , gin levenslessen
mor ideëen, geschreven in de taal van de Phoeniciers
ik oendergoan e metamorfose gelik Ovidius
in ieder zucht… lekt de kern van me gevoel
mo toch ist moeilijk ut te drukken wat dak werkelijk bedoeln
…soms wil ek weg ut ol die ergerlijke drama
en k’creëer ek overweldigende plekken lik Kusama
en verdwien derin, lik e sessie pranayama
en t’spiet me, mo kschrievn gin enkele zin voer aandacht
tis nie dak da kun kiezen, ik stoan ier schaakmat
tis even noodzakelijk lik oasemen, de slaap vattn
tis echt wel e zuveringsproces
tis me wieze voe te utn wat dak voeln en de duizeling te wekkn
lik e spraakwoatervalschermsprienger die de flank schert….
|
Samoerai Gavere, Belgium
Samoerai is a MC that lives Hip-Hop 24/7! Check out some of the tracks on my channel and visit www.phatmark.be for more dope music! Peace & Love to all!
Streaming and Download help
If you like Samoerai, you may also like:
Bandcamp Daily your guide to the world of Bandcamp